|
各位TKO既市民早晨, 現在係由實習報導員大雄報告晨早新聞.
首先係一則懷疑偷渡新聞, 今朝大約起7點半, 當我哋既採訪車駛經大埔道近麥徑6段上長命斜坡位置既時候, 發現有兩男一女起度急急腳咁向城門水塘方向急行, 現場記者見佢地行得咁急, 懷疑佢哋係非法入境者, 於是就問佢哋趕住去邊, 宜家交比現場記者:
記者: 請問你哋趕住去邊?
目無表情好似舊冰男士: 趕時間唔想接受訪問!
記者: 你哋係咪偷渡落嚟?
冰男: #*$%^!
行到飛頭散髮但樣貌仍然娟好疑似女偷渡客:
唔好意思, 佢一心急就會講火星粗口, 其實我哋唔係偷渡客, 我哋係由北潭凹行山行到嚟喱度. 我哋係TKO市民嚟架!
記者: (望住鏡頭細細聲講)北潭凹行到喱度! 唔通佢哋係由青山偷走出嚟既?
兩眼佈滿紅根兼有少少發青光, 個樣好似隻牛男士:
係呀, 我哋琴晚9點45分由北潭凹出發, 已經行咗成10個鐘架喇, (除鞋將對腳板SHOW向鏡頭)你睇我兩隻腳趾尾, 行到起咗兩個大水泡.
記者: (望住鏡頭細細聲講)嘩! 睇嚟佢哋3個真係痴架! (面向樣好少女)小姐, 點解妳行到捌吓捌咁既?
少女: 我中途P咗一次, 攪到隻腳損咗, 仲有呀, 我對腳板近腳踭位置都磨損晒, 好鬼痛!
冰男: #!$%^&*+-, 趕時間, 唔好阻住!
記者: 火星先生, 點解你對腳分到咁開嚟行既?
冰男: 因為......因為......男人最痛, (喊)我以後一定記住搽花士零架喇! (少女掩嘴狂笑)
記者: 琴晚有流星雨, 你哋睇唔睇到?
牛男: 睇鬼睇馬, 個天好清, 但係1粒都睇唔到!
少女: 我最叻, 睇到1粒, 好靚!
記者: (追到有D氣咳)你地終點係邊度?
冰男: [email=#@%]#@%[/email]!!***, 好鬼煩, 可能係城門, 可能係大帽山, 可能係大棠!
記者: (已經被3人拋離, 上氣唔接下氣)TKO記者現場報告完畢, 吓!乜到咗城門拿!現場報告完畢, 交返比新聞部既同事.
大雄報導員: 現時警方已經調派咗大量人手圍捕果3名懷疑非法入境者, 包括機動部隊, 穿山甲部隊同埋飛虎隊! 大量既精神科醫護人員亦被調派到麥7,8,9,10既主要路口隨時候命!
[ 本帖最後由 大雄2009 於 2010-8-14 11:26 編輯 ] |
|