|
報告~~
昨晚23/12跑步聯歡會,好開心呀,出席者有活活,cc,00,龍龍,kinkin,恆恆,lowlow,bunbun(此bun同loban唔用啦~),joejoe,vv,圍圍,batbat,bonbon,迪迪,tartar,linlin(tarry朋友仔,忘是否叫celine)及小妹,共有17俊男美女,迫爆SSP區數一數二最高級既亞里c餐廳!
小妹昨晚臨時私務上身,未能如時7:30pm到運動場練習,為免冷落新朋友bunbun,我都馬上補獲,預先請kinkin及vv多加留意身高約178cm,身穿渣打衫既獨身中國籍男子~~
我於8:30左右才到運動場,見到中間小型看台位置已經有兩個大會御用攝記~~vv及迪迪~~,vv都話腳傷唔可上場,但迪迪我估就是躲懶成份居多,呵呵..... 小妹一到,她們的閃光燈馬上閃過不停,令小妹頓時有大明星的感覺~幾秒甘多啦~,我地三個無跑步既都不忘為場中既ching/ctse打氣,但懷疑各人食左kinkin既過期澳門豬油糕,好似是玩緊"超慢版"沖圈甘款,最後又要大會三吹四請才歸隊影大合照,一個唔留神個bonbon又了左入去洗白白.....幾經辛苦後終於完成一張唔太成隊型既有型大合照~
9:15pm,各人都能準時完成白白集合,真是幾聽話,抵讚~
9:30pm左右到亞里c,開OT的圍圍及joejoe珊珊來遲,小妹無意中發現因腳傷要停賽一個月既joejoe下身竟然穿著運動褲,莫非佢唔聽ec講,腳痕偷偷地跑左兩轉才扮無事集合....joejoe...你快d解釋下~
在亞里c,甘多人都無叫過x'mas大餐,大家又發現原來餐廳係無x'mas大餐menu既,真搞笑~~大家都叫了set dinner,又湯又包又主菜又飲品又糖水,食到各位肚脹脹... ......多謝kinkin及龍龍在中段時間的IQ題,幫助大家動下腦筋~
食主菜時,小妹見大家餓鬼上身程度已經減低,於是就開始玩遊戲,趣事如下:
game1:
分AB兩隊鬥快傳話.....我原本句話是"SSP街坊小隊靚仔靚女多,其中最有型是龍龍及kinkin,bonon最鍾意食豬油糕"........結果AB兩隊都唔知傳左d咩,意思180度改變晒.....我唔排除小隊中有成員是聽力有problem....(撞聾)~~
game2:
有口難言~我預先prepare了20個兩個字的object(如花朵,條便,貸車,太陽....)各人輪流做動作被人估,最搞笑的是圍圍及bonbon,俾親咩佢兩個做動作都唔係好掂,企係度唔知想點甘,又笑又唔笑甘,又唔郁喎......圍圍個謎底是""雪糕"",佢又唔知做咩鬼,首先扮到好凍甘款,之後用手勢跳住甘做一個好高既action..........各人估了十世才估到是個好simple既雪糕....活活話佢做食雪糕既動作咪得囉,但圍圍似乎是想將個簡單既object複雜化.....好好笑....而另一個皇牌是bonbon,謎底是""錦旗"",佢又係唔知想點,搞到大家連"大便","小便",三級字"x旗"都估埋(lee個是恆恆ching講既~~)....
game3:
大獎抽~~大家都好乖預先買好禮物,99%是零食.....大家互抽後逐個影相,好開心~之後仲馬上折開黎食,都話lee班人係餓鬼上身啦,食完甘多野仲可以繼續開餐......vv身為大會攝記,仲一邊咬百力滋一邊同人影相,完全唔pro.....不過,亞batbat就唔聽話啦,佢抽到小妹既名牌香皂,又唔馬上俾面食喎,搞到小妹有d唔開心囉~~
玩到差唔多11:30pm,我地睇到侍應姐姐同哥哥好想打烊既面口,於是大家又硬著頭皮再次請侍應幫手影張齊人既大合照....當侍應哥哥面有難色好似唔識搞亞vv部勁相機時,00突然好醒目甘後腰間取出傻瓜相機一部補上,今次真係要讚下00....甘聽話自己識食藥,真叻仔~~
總括而言,多謝大家賞面一齊光臨SSP這個舊區慶祝x'mas,包括一d想join但當晚黎唔到既隊員(ie菲菲,華華,yungyung.....)回想小妹最初在今年10月份發現長跑網,膽粗粗學其他ching/ctse尋同區的跑步partner,估唔到可以愈跑愈多人,愈跑愈開心,lee d無年齡及性別限制既友誼真是好難得,大家在運動場上互相鼓勵或受傷時互相問候的情誼,真是千金難買,借此機會再次多謝苦心經營長跑網的ching/ctse,無你地付出努力搞長跑網,我們都唔會有甘既機會囉~![](static/image/smiley/tk2/tk_11.gif)
[ 本帖最後由 witchycatcat 於 2008-12-24 09:53 編輯 ] |
|