|
各位隊員,早晨啦~~
今日我好精神呀,可能昨晚游完個好正既水....
而家報告下昨晚游水情況先,出席者有4人:我,細佬,bonbon及13ching~
我同細佬去到換完3,已見13浮係中池入面,嘩......正到呀~~無論大池中池都無咩人呀,我地好似做左上等人好富貴包左場甘,連個救生員都係度"釣緊魚"......落水都有點凍呀~不過keep住游下郁下就ok囉....13ching原來7點鬆d已經到左,仲話佢已游左n甘多個池~~而bonbon就遲左放工,差唔多8pm才到...
講番正題,昨晚我同bonbon,細佬真係獲益良多,13大部份時間都指導我地d姿態,指出我地之前自己唔會留意到既錯處,而13本身,佢既泳姿就當然正到暈啦,成條男版美人魚甘,睇到我同bonbon流口水甘濟~~
昨晚13只是指導了我地既蛙式,原來我既泳姿,好似昆蟲甘,頭胸腹每part都有好多問題~ 無計啦,我好似小學時,亞媽俾幾廿蚊幫我報左d cheap cheap市政局游泳班,學左幾堂就算你識架啦~之後又未識長跑網,身邊鬼有運動勁既朋友咩?最掂果個朋友就係joejoe啦,但佢又無約過我游水喎,佢好勁架,佢係睇書學游水...呵呵...所以我都未領教過joejoe d泳術..
總括黎講,13建議我既蛙式要注意以下姿勢:
1. 入水後,頭要向下,與身體成平行線減低水阻,會去水得快好多
2. 入水後頭及眼向下望,雙手伸直手掌合十,擺在頭的前方,好似果個d yoga動作甘...
3. 雙腳踢水時,腳掌都要擺動配合
4. 腳踢水不是亂踢,而應該半圓形向外踢出,屈埋向入收
5. 動作應是慢及relax,同時呼吸亦會較對深而細長
我照13既指導練左一輪後,游泳時呼吸太急速的毛病都略有改善,不過仍是唔夠氣,而家我可以唔休息游到30米左右啦~~~~
游完水,我,細佬及13去左松記食糖水,我都識做~~請左13食個$9既擋沙湯圓,少少心意以多謝佢賞面臨時教我地班水皮友游水~~
[ 本帖最後由 witchycatcat 於 2009-5-7 08:41 編輯 ] |
|