原帖由 mc 於 2010-3-9 01:07 發表 https://www.longrun.hk/forum/images/common/back.gif
我通常係小西灣出沒
之前會跟下人跑
依家放工遲左通常自己一個人跑
嗯~放工遲左真係幾大問題,
好難就到同人一齊跑fgftk_28fgfg .
不過,我有時一個人跑又會俾借口自己偷懶,
所以我都係喜歡搵人一齊,
有機會既希望可以同ching跑返轉fgfgtk_03fgfg
11-3-2010
帶朋友跑,發現3位朋友就算我以不同速求帶佢地都好,
每次跑到2k左右,見到運動場佢地就會不期然停下來.
雖然之後都會連行帶跑到8k,但我覺得佢地可以跑得更好~.~
不過慢慢黎啦,迫得佢地辛苦我怕佢地唔敢再叫我帶佢地
3月已跑45.4k
13-3-2010
今日我參加左大嶼山啤酒大暴走,同亮哥,傑兄,andy組隊,
大家一身長跑網裝再加上印地安人帽,相比起其他參加者,
我地真係沒咩花心思去裝扮,但講樂在其中的話,我相信我地成組都完全做到.
賽事每隔1k就會有不同的啤酒供應,其實平時我都唔飲酒,
所以都有d擔心又跑又飲唔知會點,經過2個站後,又飲又跑,,
我發現問題不大後就真係盡興咁飲了,
大家都受賽事氣氛的感染,所以都玩得好開心.
不經不覺就完成左5k,跑完真係好想返轉頭再跑多次(想飲多次就真^^)
返出香港後又趕去運動場準備同朋友跑去淺水灣,
今次我總算可以叫到3位朋友,雖然佢地程度差好遠,
令我一時以4’30/k咁帶其中一位前田徑隊友,
一時又以8/k咁帶另一位平時唔跑既朋友
不停咁追追遂遂真係幾支力,但令到佢地開始長跑真係幾辛苦都得.
今日佢地已經跨口出年要跑全馬,但我又睇下你地捱到幾耐~呵呵
3月已跑 58k
14-3-2010
畢拉山pre trip,估唔到接近20位ching,ctse一齊出發,
我上年先參加完呢個比賽,但對賽道沒咩印象,
經過今日再跑多次,我終於知道點解啦.
因為真係辛苦到令人想忘記,我上年一定在沒意識下跑返終點= =
全程不停地又上又落,對住上斜的山坡真係令人想放棄.
最後我地跑左1’45(連休息時間)才完成15k既路程.
還好今日有per trip,起碼做定心理準備等下星期來受苦
3月已跑 73k
[ 本帖最後由 亞聰 於 2010-3-14 20:36 編輯 ]
21-3-2010
上次馬鞍山8k跑得好差,明明已經知道點解,不過我果然唔識吸取經驗,結果今日個畢拉山15k結果未如理想,由於沉迷打機,自上星期pre trip之後都沒跑過,加上前一晚睇波訓得唔夠1個鐘就比賽，令到我今日一起跑時小腿已經崩緊得好嚴重。咁既情況我當然唔敢再博,安分守己地慢慢上山.直到我去到大風坳時,去完廁所行返出黎時，雙腳先開始放鬆.慢慢飲埋水先進入快樂的下坡路段,但我依然唔敢跑太快.因為我知道路途遙遠…跑多一陣就有工作人員講已經跑左一半~.~….根據我上次pre trip的感覺,我以為只係跑左3分1左右,當時我仲心諗我信佢既話咪大鑊(事後證明工作人員沒講錯,係我地上次跑多左= =),沒理佢既說話,我準備保留足夠的體力去跑埋餘下路程.直至我跑到去第2個水站後,我見到里數牌為11.4km先知道自己搞錯左....不過唔係刻意跑慢d,餘下路程都我唔會跑得咁開心XD 因為過左13K的樓梯後,短短2K我就過左37個人,好耐都沒試過最後衝刺得咁有力,臨到終點前100M見到前面30M左右有比因CHING及另一位長跑網CHING時,我就大叫CHING等埋~結果真係追到上去一齊過終點.時間為1’18’XX,比上年快左6分鐘已經沒野可以不滿,但在團隊中就跑最尾令大家拎唔到獎令我覺得好抱歉,希望下次我可以再跑好D.
PS 跑完今次比賽後,我發覺自己害怕爆而保留太多體力, 28/3個10K就試下有理沒理追上去,大不了最後行返黎. 睇下咁會唔會跑得更好先
3月已跑 88K
原帖由 亞聰 於 2010-3-23 15:14 發表 https://www.longrun.hk/forum/images/common/back.gif
21-3-2010
上次馬鞍山8k跑得好差,明明已經知道點解,不過我果然唔識吸取經驗,結果今日個畢拉山15k結果未如理想,由於沉迷打機,自上星期pre trip之後都沒跑過,加上前一晚睇波訓得唔夠1個鐘就比賽，令到我今日一起跑 ...
2K過37個人真係爽~fgdfydfyfg
拎唔拎到獎沒所謂.....最緊要跑得好心..
要抱歉就預埋我....比賽果日我都跑得差....我好似上到大風x已經爆咗,跑唔返pre-trip個速度
點都好,下年再一齊努力過啦
聰仔加油yhfdyfgh 今次攞唔倒獎咪下次囉! 一定唔可以怪自己.
你都跑得唔錯啦...jkljkljkljk 只係其他組別D人特別勁啫!
kljkljkl mill嬸同你一齊努力.
原帖由 大圍新跑手 於 2010-3-23 15:32 發表 https://www.longrun.hk/forum/images/common/back.gif
2K過37個人真係爽~fgdfydfyfg" />" />
沒錯~真係好爽,
更爽的是終點在望kljkljkl
原帖由 TerrySze 於 2010-3-23 15:36 發表 https://www.longrun.hk/forum/images/common/back.gif
拎唔拎到獎沒所謂.....最緊要跑得好心..
緊係開心啦,可以同一隊人一齊努力跑,
今次拎唔到,下次再黎過.
原帖由 kf 於 2010-3-23 16:33 發表 https://www.longrun.hk/forum/images/common/back.gif
要抱歉就預埋我....比賽果日我都跑得差....我好似上到大風x已經爆咗,跑唔返pre-trip個速度
點都好,下年再一齊努力過啦
爆左都快過我^^kf果然強呀,
我可能偷懶所以就爆時會行俾對腳休息,
點都好,下年我一定會再征服畢拉山,
大家有機會再組隊跑fgyhgjm
原帖由 mill 於 2010-3-23 17:37 發表 https://www.longrun.hk/forum/images/common/back.gif
聰仔加油yhfdyfgh" />" /> 今次攞唔倒獎咪下次囉! 一定唔可以怪自己.
你都跑得唔錯啦...jkljkljkl" />" />jk 只係其他組別D人特別勁啫!
kljkljkl" />" /> mill嬸同你一齊努力.
mill姐~我唔係失望沒獎拎,
我亦明白一隊人總會有快有慢,
盡左力為隊伍已經足夠.
問題就係我可以做好d而沒做到,
所以有少少介意o者.
不過我唔會怪自己,因為我講完第日又唔記得,
哈哈~開心做人就係我既宗旨
ps 有機會同mill姐一齊努力係我榮幸ghjhgkjfhfg
原帖由 亞聰 於 2010-3-23 18:30 發表 https://www.longrun.hk/forum/images/common/back.gif
爆左都快過我^^kf果然強呀,
我可能偷懶所以就爆時會行俾對腳休息,
點都好,下年我一定會再征服畢拉山,
大家有機會再組隊跑fgyhgjm" />" />" />" /> 係你留多咗姐,我果日跑到想死,對腳而家仲酸緊
其實我都唔肯定自己係咪爆咗....hghface32gyhg
有機會我都想再組隊玩ar hghface39gyhg
[ 本帖最後由 kf 於 2010-3-24 01:31 編輯 ]
自渣打後除左參加2次比賽同4次約跑之外,
自己就一課都沒跑過,除左懶之外我都諗唔到其他原因.
所以呢個blog都停左n日沒更新,因為我連打都懶@@
不過係呢幾次比賽或約跑當中都有好多野可以記低,
趁自己仲有印象就打返出黎先.
28-3-2010
今次10k沒有刻意去迫自己去追,
更加沒有為左比賽而進行訓練,
但最後大會時間為42’24,比之前快左3’12.
應該同跑完全馬有關,相比之下10k真係幾短.
而且今次我跑完仲有餘力,下次可以試試跟返上d.
11-4-2010
面對畢架山的斜路,在我身體未投降之前,我已經完全放棄左啦.
雖然曾經有一刻唔係好想輸俾蕉仔,
但又懶又怕辛苦既我決定慢慢行上山,
自從養成中途上岸的習慣後,我已經好少可以由起步頂到終點.
鬥心不足比起能力不足更困擾我…..
19-4-2010
今日我為了慶祝亮哥生日而入曬草跑步,
對於大家對澳景路的評語,我已有心理準備會好辛苦.
所以由得快馬組既ching走先都唔敢跟上去.
直到自己強項下斜時才慢慢跟返上,可惜回程時一上斜,
我又俾借口自己慢慢黎….行下跑下…最後以1’16’xx完成第一次澳景之旅.
點解我咁易放棄,呢個都係一個好問題= =
30-4-2010
2/5有比賽,我原本都留力跑,不過反正比賽都唔會羸,
加上一早報左會加入5/k的組別,
所以開始時都盡量跟,但快腳組的ching真係太快了,
眼看他們漸漸遠去,我同kf就繼續以5/k前進.
我一直都唔帶錶既原因係唔想知道仲要跑幾耐.
但跑到中途真係幾辛苦,不自覺開口問kf我地跑左幾多,
結果只係區區35分鐘…保守估計要跑多個幾鐘,
心情為之一沉下,仍然不停地維持速度前進.
到15k時又見到terry兄折返,當時我都有想過停.
不過咁又俾個借口自己偷懶…所以都係照跑,
直到入左三聖,各位ching都唔太清楚點返鄧記.
不時要停下等後來的ching指引..
時快時慢令到本已超過負荷的雙腳崩潰了.
再一次目送kf遠去後,我又慢慢行啦.
突然間,天鬼兄同蕉仔從我身後出現.
競爭心態令我負隅頑抗,可惜拚了一會後,
令我再次目送他們遠去…
唉~疏於訓練的後果就是要承受被遺下的孤單ugjgyjfhf .
最後我都唔知自己用左幾多時間先完成全程,
但今晚之後,我覺得又有返火去跑.
起碼我唔想再俾蕉仔超越fghhjghj
2-5-2010
元朗越野8k賽
起身時我已感到430青公之行對雙腳的負擔,
既然依家對腳有反應,我有晒借口唔到啦fghjugjghj
有諗過缺席算數,但我知道逃避都唔係辦法.
加上唔想浪費左d報名費,所以都係去辛苦下.
在集合點時,我聽到頭2k係上斜時,
相信我個樣一定係瞼如死灰….
在耐力和肌力不足的情況下,
上斜真係我最大的弱項.
我很保守地完成頭2k後發現又沒想中咁辛苦.
可能因為一遇見梯級我就慢慢行上去.
所以體力消耗沒咁大
到比賽後段時仍然好有力想去過人.
但在很窄的山路下好難做到.唯有慢慢跟人返去
最後以44-45分的時間完全,總名次81.
唔算好快,不過已經收貨了.
因為今日我就算慢慢上斜都沒行過一步..
我認為呢種滿足感真係超好tfyftyftyfrty
我打算東營全馬之後,我就由休閒跑手改為認真訓練啦.
係時間在意返時間先得hjokkjlkjlkjl
一樣hgjD115ghjghj
起碼我唔想再俾蕉仔超越
我唔再快前慢後，要留前快後hjhjD117hjhj
係囉~~~蕉仔好冇禮貌架~~~話過就過架喇...:lol :lol :lol :lol
原帖由 小西華 於 2010-5-2 22:25 發表 https://www.longrun.hk/forum/images/common/back.gif
一樣hgjD115ghjg" />" />hj
起碼我唔想再俾蕉仔超越
我唔再快前慢後，要留前快後hjhjD117hjhj
哈哈~咁我地真係要加油先得,唔係就好似咁ngD153hgh
原帖由 sleung2002hk 於 2010-5-2 22:49 發表 https://www.longrun.hk/forum/images/common/back.gif
係囉~~~蕉仔好冇禮貌架~~~話過就過架喇...:lol :lol :lol :lol
如果蕉仔有禮貌咁同我講~ching我行先唔等你啦,
相信到時我會ng28hgh ,所以佢都係冇禮貌好啦^^
總算行完東營全馬,無錯我真係行完,
其實我可以做得更好,不過今次真係難忘既經驗,
起碼真係會下定決心去訓練先,
講返比賽,一開始沒咩熱身就上線,
照原訂目標以5’k前進,到10k時仍然感覺良好,
不過見到大會時間為42分鐘時就以為自己跑快左
所以又跑慢少少,去到15k時俾kf過頭時問返佢時間,
原來大會早左起步,所以時間有問題,
而我地正確時間係75分15k,當時感覺都仲可以.
直至我16k時忍唔住去廁所之後開始有問題,
感覺個肚空空咁,想發力又用唔到.
但總算仲可能捱到去到20k,時間為1’40’xx.
跑多4k之後真係頂唔順要行啦,不過一行就注定出事,
原來行仲辛苦進跑,慢慢由24k行到27k,時間為2’30’xx.
打算休息左3k再跑,但行完之後我無論心理受身理都唔再跑.
結果27k至30k,我花了超過11/k咁行返去.
30k時間3’00’xx係我跑緊時知道既最後時間.
之後既12k我都係用差唔多既時間行返去.
當時行得有幾辛苦真係唔想再回憶,
辛苦唔係因為身體受傷,而是因為自己的無知.
在比賽前一個月我只係跑左30k,
一個連馬拉松距離都不及的里數已經是我的準備.
或者是以前的經驗令我輕視了跑步,
以前年幾沒訓練,一落場跑400m,800m最多咪慢1-2s,
加上今年渣馬我準備左1個月就進步成個幾鐘,
更令我忘記左全馬的難處,以為最多咪跑慢少少,冇事既
所以今日既失敗係未開跑前已經有跡可尋.
我最後既時間係5’20’02….破左pw好多,在一條最舒服既賽道上pw左真係好野.
其實我在途中有好多次想上車,而架車又好似魔鬼咁不停來回引誘我.
但我決定都係唔可以咁浪費左個比賽,
咁辛苦咁行返黎,唔係為左完成比賽,而係令左在我身上刻下難忘的回憶.
下一次當我再次挑戰全馬時,我一定會準備充足.
不過由於我太遲返黎,要各位ching/cste等我真係唔好意思,
更加多謝timmy最後1k迫我跑,哈哈~我都知自己仲有力跑,
係我太懶唔肯跑o者.
總結今次都係好既經驗,加上毅行又答應左朋友要20小時
預計聽日就要投入訓練.睇下半年後我可以去到咩時間
[ 本帖最後由 兆聰 於 2010-5-17 00:31 編輯 ]
原帖由 兆聰 於 2010-5-17 00:28 發表 https://www.longrun.hk/forum/images/common/back.gif
總算行完東營全馬,無錯我真係行完,
其實我可以做得更好,不過今次真係難忘既經驗,
起碼真係會下定決心去訓練先,
講返比賽,一開始沒咩熱身就上線,
照原訂目標以5’k前進,到10k時仍然感覺良好,
不過見到大會時間 ...
聰仔,
今次真係一個好好既經驗.....
毅行20個鐘唔算辛苦.....最辛苦係之前既操練同埋準備工功,
既然應承左朋友, 咁就一定要盡力, 只要下定決心, 你一定得既~hjikgyufyu
原帖由 大圍新跑手 於 2010-5-18 23:05 發表 https://www.longrun.hk/forum/images/common/back.gif
聰仔,
今次真係一個好好既經驗.....
毅行20個鐘唔算辛苦.....最辛苦係之前既操練同埋準備工功,
既然應承左朋友, 咁就一定要盡力, 只要下定決心, 你一定得既~hjikgyufyu" />" />
多謝大圍兄,唔想拖累朋友,我都相信自己會捱落去~
