|
原帖由 昌 於 2010-7-24 17:08 發表 R 真係唔野少
原帖由 -R- 於 2010-7-24 21:29 發表 昌真係唔少野
隊長叫你地寫報告, 竟然响度扯貓尾...
不如等我寫...
經過上一次行1,2段的體會, 覺得休息咗1個鐘, 真係好浪費,
所以今次的起心肝, 由頭到尾唔休息, 保持蟻行狀態,
結果係用咗6:35完成咗整段路(包括黃大仙上獅子亭),
而且事後感覺比上次好, 重有力可以行多...5K!
隊長可以諗諗!!
話說我同昌兄由城門出發... 雖然隊長一再強調過水壩, 記得上石級,
但同昌兄一路講一路行, 就行錯咗... 自己都知有啲唔妥, 所以周圍問人,
佢地都話啱 !! 去到針山、草山分岔段再問, 都話啱...
點知就見到 R兄迎面而來, 我同昌兄都莫名其妙,
點解會過咗我地都唔知, 原來係行錯咗相反方向??
好彩撞到R 兄, 若果唔係, 响度兜大圈!
昌兄同R兄果然不同凡响, 一馬當先, 扯住上大帽山, R兄更越跑越有,
一陣就攻上頂, 然後兩個就飛到落山!, 轉兩個圈就唔見人影啦!
跟住就風雲變色, 落起大雨, 重越落越大, 真係好似黑雨咁,
雖然有帶遮, 但無分別, 落到終點, 成隻落湯雞!! 昌兄同R兄已經抺乾身,
換埋衫, 响車站等咗半個鐘! 真係唔講得笑, 仲話慢咗好多添!
16腳級數真係與別不同! 昌兄已經榮升16腳級數啦! 快啲過檔...
[ 本帖最後由 rockiec 於 2010-7-24 22:41 編輯 ] |
|