升級
100%
TA的每日心情 | 慵懶 2013-10-6 15:26 |
---|
簽到天數: 1 天 [LV.1]初來乍到
|
遲來的2012渣馬...全紀錄..!!
嘗試寫了幾日也寫不出,本來想出了個紀錄的POST就算,但始終一年一個渣馬,怎麼也好,寫出來做過紀錄將來看看也是一個值得回味的經歷..!!
看回去年初馬的紀錄,真係好開心的一次賽道旅遊,今年求時間,全程雖然都係笑住跑,但沿途真係乜都無望過,連舊年覺得如天梯一樣的昂船州大橋,同汀九橋上回家的感覺都無晒.感覺真的完全不一樣!不過今年認識了好多不同層面的跑友,全程不斷有熟識的身影經過,又好似比去年孤身上路黎得溫暖!
由於要影大合照,所以5:30AM已經到起步點附近,跟一大顆人影相,熱身,吹水真係可以減去多少壓力,影相後突然落出一陣雨粉,令已經寄存行李的我大失預算,唯有入番地鐵站入面保暖,到6:15左右就上線,所以都算排幾前,亦由於人多所以都不覺冷..!!一起步在挑戰組跑手真係好快,200公尺左右已經散開晒,差不多完全無塞車,一路跟自己步伐跑,跑10K47分幾,跟預計一樣,這時候對330還是充滿信心,而經過南灣隧道後開始天氣回暖,雲亦開始少了,所以在青馬橋即使大風也不覺凍,而在橋中間位望到對面回程的奶師兄(今年的千金先生真替他高興)心諗我係咪跑快左呢,但之後有幾個熟識的身影--輝仔,DANIEL,阿平也超越了我,又令我覺得應該速度無快到喎.之後到汀九橋,今年掛住觀察身體狀況同步速,連望到家的一幕都無望到,汀九折回點後,在去程的KENNY兄隔箸線也向我加油,而同一時間太陽靜靜地出來了,到半程時1:42:46都依然係330的射程範圍.跟住係漫長的落斜本以為好有希望達成不可能的任務.之後KF在後殺上來,而DANIEL就受傷慢下來給我們過了,而癲友的KEVIN在上青馬橋的路上離遠向我加油,令我相當感動,之後跟KF的順風車走了幾K,到長青隧道出口時,可能飲水時打亂了步伐,就跟唔上佢,就再孤軍作戰..!!長青隧道出口後面對箸太陽,體溫不斷上升,個人好似謝左咁(看來今年夏天要跑多D,等身體適應到先得),之後每KM都跌出5分外,明明落斜點解會咁??去到30K時間2:28:28,如加力去番5分1K,其實330都係做到的.在近30K時見到火兄停下拉筋,向他問好後再在前面不遠處又見到阿平停了下來,令我心生恐懼,於是都係唔隔硬來,只是保持5分半左右1K前進,到奧海城,在此拍照的DANNY兄向我打氣,到西隧入口MILL姐又向我打氣,但去到34K西隧入口時間已經係超過2:50,因西隧上斜還爻有兩K要上,已知大勢而去,連落斜的一K也只做出5:24,到上斜時都仲堅持到繼續跑,因此時心想即使330做唔到,JOG返去都一定做到340的最低要求,再加上有理大校友在上斜時經過拍左段佢仲向我打氣,互相打氣下就保持住上斜的動力,不過呢兩K都用左超過12分鐘,更加肯定330無望,之後進入新路的中環碼頭,遙遠望到癲友打氣團的綠色打氣牌,感動到想喊,加上心諗應該做唔到330,令大家失望,當時真係想喊,但我話晒都係一間正能量工廠,所以都加快步伐,與及做出招牌笑容黎接受佢地的打氣!過了中環後,去到新政府總部,見到一個隧道位,又話新路全平路既...呃人既..!!於是又慢番,此時一個同我互片左10K左右的師妹又在後方殺上,於是就諗住同她玩埋呢K喇,不過可能佢都應該知到做千金少姐無望,好也HEA住跑咁..到上馬師道天橋的水站她乾脆停下飲水添,而我就整理好儀容,準備過橋後的鏡頭..XDD,到維園前應該都被好多人影過叫過,當時望錶3:35-6左右,心諗好唔好做338好意頭過337呢...!!但去到衝線位都係336多D,無理由行回終點架,於是又發揮衝鋒車本色,衝埋去,咁就做出3:37:14呢個看似不太差,其實有點遺憾的成績...!!
最後大會成績
807 758 278 MMM1 23180 3:37:47 3:37:14 0:48:25 1:43:14 2:28:48
去年時間 4:55 4:55:44 1:03 2:15 3:17
相比去年每10K都快了15分鐘以上,對一個只認真練了五個月的跑手,真係應該收貨,但喜悅感真的不大..!!
總結今次未竟全功,應該係長課不太足不足以應付不同天氣環境,心理質素低心魔太大,跑步知識不足,來年要加強不足之處,向更不可能的任務3:15進發.
[ 本帖最後由 tank1438 於 2012-2-10 12:35 編輯 ] |
|