|
見大家咁踴躍發言, 小弟都講下詳細既情況!
小弟一直都有跑步既習慣, 都十多幾年, 由16,7歲 到依家29歲, 不過距離一直都係10km樓下, 以6-8km為多. 因為工作關係, 經常要鍛鍊5km既路程(心水清既ching應該知係咩工作) , 所以甚少跑10km以上既路程. 上個月膽粗粗報左渣打馬拉松, 想挑戰下自己!
於是0係11月頭開始練習, 初時以10km 為目標, 結果輕鬆完成, 膝蓋一d痛都冇, 就好似平時練習5km一樣! 於是再膽粗粗再挑戰20km! 好景不常, 即刻出事! 開始跑時冇乜點做熱身就去跑, 當時係著美記既wave spacer跑街. 當跑到12km左右開始感覺到雙膝外側有冤痛感覺, 以為係未適應, 所以冇理繼續跑. 如是者辛苦地完成 20km路程, 發覺雙膝外側位置痛, 之後更發覺上落樓梯出現困難!
幾日之後情況有改善, 但係冤痛感覺依然存在!都係雙膝外側! 朋友話可能係d軟組織未適應! 再隔一星期, 再去跑20km, 頭5km 感覺陣痛, 不過之後就冇左呢種感覺, 但係當跑完之後一小時, 雙膝劇痛, 甚不能屈膝以及落樓梯, 查極"服他靈"都冇用!但係過左兩日見好轉, 都係冤痛但可以上落樓梯!
再過一星期唔忿輸, 再跑, 今次跑26km, 但係去到22km跟本痛到跑唔到, 雙腿無力.......雙膝外側劇痛非常! 以為休息會好, 但要過幾日先好轉! 今日見冇咁痛再去跑20km. 頭5km都感到陣痛, 之後感覺消失. 因為事前做足熱身及換左一對保護力較強既美記 AERO 8. 跑完之後未覺痛以為冇事, 點知一小時COOL DOWN之後又出現同一個問題!!!
今次決定去睇一般私家醫生, 佢都認為係發緊炎, 當我提及0係網上有人提出ITB SYNDROME, 佢第一時間解釋其成因, 話我好大機會係! 不過情況應該冇咁嚴重, 因為如果嚴重既CASE係唔可能0係短時間內再跑到咁長距離. 於是佢發D消炎藥, 休息4-5日先再跑, 但要減距離! 唔好再由20KM開始.......佢仲問我要唔要轉介去PHYSCIO, 我話多謝夾盛惠喇! 私家既物治$$$$$$$$$$$$$, 政府既物治只能講一句" HAHAHA"!!!小弟當年斷手就領教過!
其實想問番樓主依家情況如何 ? 我以上所講既情況同樓主你有冇相似 ??
[ 本帖最後由 camij6152 於 2009-12-5 23:36 編輯 ] |
|