|
今朝天氣唔錯, 清爽, 跑步一流!
先同 left3, jc 及 chris ching 7:00 出發, 先嚟 10K,
响單車徑跑 8 字, 時間 56'
第二轉 8:15 出發, 18個人向草原出發, 中途 大力 ching 趕到!
19 人以極輕鬆步速前進, 約5:30~6:00/km
轉折後, 先頭部隊開始發力啦! 尤其是 花花 ctse, 一馬當先,
首先衝出清出灣半島, 跟住尾燈都見唔到,
昌 ching、火 ching 同我三個人試下加速,
去到 4:30/km 都見唔到 花花 ctse 身影, 真係犀利!
差唔多去到寶翠公園, 竟然見到 花花 ctse 迎面跑來,
原來已經到咗終點, 唔夠喉, 再跑多一圈...
因為 花花 ctse 領跑關係, 今次時間又快咗, 1:02...
回程時候, 又响彩明苑附近再碰到 花花 ctse,
好輕鬆咁繼續腳程... 犀利! 以佢 ge 步速及耐力,
相信係高手, 唔知佢真身係邊個呢?
花花 ctse 下次不如 7:00 起步, 跑兩轉喇!
今次真係夠皮啦, 一共 28km, 用咗 2:28:xx |
|