|
原帖由 stanwong 於 2010-12-6 09:58 發表
各位早晨!
Andrew, 以你的訓練量, 其實表現已經好好啦!
繼續努力呀, 最好平時操多一兩課
多謝Stanley!
由西灣大橋既最高點,去到運動場,我琴晚同今朝都已經唔知跑左幾多次。
現在既心情開始慢慢平伏,Settle down左之後,再檢討番場比賽,當然仍然係唔夠里數既老問題,所以我都希望我可以抽到時間操多少少。
不過針對番琴日場比賽,出現問題除左練習未必夠之外,我開始發現另一個致命傷係比賽時候既心理質素。
還記得食早餐既時候,Stanley仲問我:「你真係sub4呀?」我當時答佢希望啦,其實信心唔算太大,亦都無話堅持要做呢個時間。去到比賽既時候,頭21K用一個好舒服,好自然既Pacing完成,大約5分半到6分鐘1K,去到21K望一望隻錶,見到都係2個鐘有找,當時個心就開始熊,咁就唔覺唔覺加快,完全唔記得要保留體力係後段用。去到31K,都係3個鐘,係數學上就覺得有機會Sub4,但係跑馬拉松唔係計數學,亦都好似我自己之前所講,全馬係42.195公里,如果後面唔夠力,就算頭35K跑得幾好都無用。
今次比賽既主要死因係心急,唔夠冷靜,希望藉今次既經驗,識得好好咁計算將來既比賽。 |
|