|
|
上星期六同大家跑完 [回氣特訓] 之後, 因為跟住有活動, 所以冇同大家特訓.
下晝去左大清, 夜晚再BBQ, 尋日又成日出左街, 宜家先有機會打番個小報告 
22/8出席名單: finewong, WinggniW, Qoo, JC, 活活, kan, 猿球, Terence, Sealion, rockiec, chairman, 文ching (共12人)
當日天氣真係好熱, 係運動場見到文ching已經濕到下巴滴緊汗, 因為佢已經係油塘跑過黎 “熱身”. 大隊準時出發, 眾ching/ctse帶住興奮既心情, 一齊邊跑邊吹水向住今次既 [回氣特訓] 路段前進………. 到達寶翠公園, 穿過行人隧道之後, 眼前出現一條看不見盡頭既斜路, 隨即聽見前前後後很多聲音 “嘩, 條斜路咁長既….”, “有冇short cut 架……”, “條斜路有幾多K架……”, 話雖如此, 卻見一眾ching/ctse使出我地既逍遙步法, 一湧而上, 繼續邊跑邊吹水~
猛烈既陽光, 大家都跑到汗流如泉, 真係腳指尾都濕埋, 嘩…… 原來 [回氣特訓] 真係唔簡單, 眼見 [回氣教練] finewong 一直帶頭, 以行動實踐 [回氣特訓] 既要訣, “就係要跑到冇晒氣, 好想停但係都要繼續跑”, 見教練係咁衝, 大家都不敢怠慢, 一直跑… 一直跑… D吹水聲愈來愈少, 因為個個都上氣唔接下氣, 唯獨是finewong教練同助教Terence一直領前, 達致欲罷不能既境界,
終於去到長/短腳組既分叉位, finewong教練同助教Terence 先至剎到制停落黎, 重攤涷晒等我地捱埋上黎.
短腳組同長腳組分途前進, 大家係對面馬路繼續揮手鼓勵, 後來知道短腳組曾經走錯路, 幸得TKO友善途人伯伯指引, 順利返回運動場, 仲幫手搵埋位俾大家特訓添, 真係辛苦晒 ^^
講返長腳組, 大家繼續跑, 去到馬油塘, chairman “話” 頂唔順, 要short cut 走先, 點知………………………… 當我地跑到澳景路頂既時間, 驚見chairman已經企左係山頂等我地, 同佢打招呼既時候, 我地都索晒氣, 而chairman 就氣定神閒, 而且身上面既汗都乾得七七八八, 相信佢一定係係馬油塘 “話” 頂唔順要short cut 之後, 以極速飄移登上澳景之巔, 坐低嘆完茶等我地啦 ~~~~~~ 過左澳景之後, 大家繼續慢jog落山及返回運動場, 完成今次既 [回氣特訓]. |
|
[複製鏈接]
發表於 2009-8-22 22:18:44
，洛斜我以為有MTR搭放luck左你
今日第1次帶短腳, 多謝Rockie師兄+猿球師兄+活活+finewong教頭教我由茅湖仔番運動場,雖然去到靈實三岔位真係行錯路,好彩跑番上去搵到個好好人o既伯伯教我揀o岩條路番尚德, 仲要多謝Qoo師姐陪我搵位特訓! 今日天氣太曬太熱啦~辛苦晒大家!!!下星期逍遙團再見
發表於 2009-8-23 15:48:53
樓主
發表於 2009-8-24 08:37:45
早晨呀∼∼
還有好開心吹住水回程~
