|
昨晚因為蟻哥來左, 佢要搭叮叮, 咁岩的士大佬為左搵錢去特訓剛剛賣完血, 唔可以開快車, 仲有個已經跑左24K嘅會長, 於是由我揸叮叮, 帶住個唱遊團跑隨意組. 的士大佬覺得呢個嘆世界pacing簡直係無得頂, 情不自禁唱起歌來 , 會長就一貫口水花四濺, 差D水浸TKO. CC原本以為我揸叮叮, 佢就可以一個人霸哂架的士, 點知的士大佬唔開車, 佢團跑火包唔住, 一支箭咁標左去, 拉都拉唔住.
跑完一圈返到運動埸入口剛剛A組出來, 於是又一大班人一齊跑, 有個原本跑A組新來的ching Ivan唔知我地跑隨意組跟錯左我地, 真係唔好意思. 後來遇到cat cat ctse, 佢想去日出康城不過唔識路, 的士大佬怕佢一個人跑條路太靜, 冒住暈低嘅危險陪佢跑, 好gentleman呀! 我因為唔記得帶襪, 隻腳已經開始起水泡, 想跟都唔得, 於是同Ivan蟻哥一齊返運動埸.
Ivan ching好高興認識你, 以後多D來一齊跑呀! |
|