升級
100%
TA的每日心情 | 衰 2014-8-29 00:09 |
---|
簽到天數: 23 天 [LV.4]偶爾看看III
|
聰, 其實你並非里數不足, 而係需要更多元化而有效既訓練方法. 實不相瞞, 去年11月尾UNICEF 10k 我都係跑56分幾, 而且我當時一星期先跑一次, 每月既總里數不出40k, 相比之下你既月里數比我當時多唔只一倍, 又何解妄自菲薄話自己里數少?
當時我就係響呢一度不斷去睇去學去問, 其他師兄既訓練方法, tempo, interval, LSD, 步法,呼吸等等知識, 自己消化, 吸收, trial and error, 俾多左心機用於對自己更有效既訓練, 到2個月後既某10k比賽就跑出45分了(當時月總里數依然係100以內, 比你而家仍然少得多), 此個人經驗, 就係希望可以鼓勵你, 可以放眼更多元既訓練方式, 回饋自己既一直付出.
在我同你的whatsapp交流中, 我真係覺得你係有心求進的, 所以我就算對訓練呢門東西一知半解, 都盡力向你介紹過tempo, LSD等方法既異同及個人山寨心得, 因為我相信只要你找對方法的話, 將會得到應有既回報.
長跑網其實係一個寶庫, 蘊藏好多師兄同仁既個人經驗, 同海量的跑步知識, 只要你多去發掘, 真係會非常受用. 我曾經向你提過, 世上冇最好既訓練方法, 只有最適合你自己既訓練方法, 外來既知識經驗, 唔可以硬性去全收, 要自己先消化, 整合. 你既身體其實係最好既指導員, 你每一次既練習同比賽, 甚至每一天每一刻, 其實你身體都一直話緊俾你知佢感覺如何, 佢欠缺d咩, 佢需要什麼. 你現在覺得迷失係正常, 不如就試下由step 1開始, tempo run好, interval又好, 什麼也好, 先走出第一步, 試試效果, listen to your body, 一步步修正, 慢慢自然可以擁有自己既心得同方法. 同時間, 你會發現自己原來已經突飛猛進!
不要灰心, 你潛力無限, 各位跑友, 包括我自己, 都好樂意去協助你的! 歡迎隨時交流!
Dare to aim, strive to achieve!
|
|