男兒當跑步 ~~ 『練馬拉松長跑者，心無罣礙。』

MatthewTse · 發表於 2012-4-9 21:01:31

原帖由 clerkb 於 2012-4-9 16:41 發表

 登錄/註冊後可看大圖
你好像傷得頗嚴重. 不好放棄, 只要不搏命來跑. 可完成嗎? 行住睇一下靚女都是個積極的活動來的呢

出發前可能要認真看看時限，今次全馬有机做Pw 過四小時。

MatthewTse · 發表於 2012-4-12 13:15:38

星期六早上出發，波馬備戰終章

話說初次接觸世界五大之一波士頓馬拉松資料是2011 一月中，當時剛剛台馬pb330, 經大夫地獄式訓練(和奶奶威迫下)一個月加上天時地利渣馬pb313取得波馬參赛資格。

光陰似箭轉眼到快將出發，本來季初好認真打算波馬fun fun run，但今季經兩次全馬，已經初步掌握訓練模式平衡質和量，就算三月初ITB積勞受傷和家人健康出問題也一一克服，最記得有課是在太陽下75分鐘完成18k，鬥心愈來愈强，不過小小意外弄傷右腳掌，竟然花足兩星期休息，物理治療跌打按摩連續治理下筋骨仍有反應，受傷事小我最大啓發是领略前輩們克服困難的勇氣，今日備戰可以做嘅已完成，心情似第一次跑全馬，十分期待如何應付這42.195k。

今季最開心係加入跑手堂，多謝阿紀史sir七兄和各位同學再加上各方跑友鼓勵，給我充滿跑步樂趣，另外好榮幸作為首名穿著跑手堂戰衣，和二萬五千人一起站在第116届波馬起點，現在鬥志旺盛可以無憾地享受比賽了。

登錄/註冊後可看大圖

kennysze · 發表於 2012-4-12 17:21:37

佩服師兄的努力，準備功夫已做好晒! 祝你跑得順順利利，腳仔又聽話! 好好享受這次難得的比賽啊!

tank1438 · 發表於 2012-4-12 22:02:38

加油呀 MT 兄...

阿娟 · 發表於 2012-4-13 08:46:09

看完才发现，我除了跑步，其他事情都不会做

，没有练习过。真是惭愧，同时也非常佩服MT师兄的勇气和精神，坚持不懈完成自己所向往的。

冥冥之中感觉师兄也是一个倔强的孩子。（感观直觉，不谁不要怪我，呵呵。因为我是）

MatthewTse · 發表於 2012-4-19 23:01:01

記錄: 16 April 2012 第116屆波士頓馬拉松

Day 1 波馬三儍奶奶CU和我星期六11:00 乘UA 往芝加哥轉机，頭程13 小時，等轉机兩小時再乘兩個半小時到波士頓，客棧經跑友介紹在市中心，距離終点步行约15分鐘。放下行李就外出吃了頓意大利粉。

Day 2 同客棧約有十位識得嘅香港跑友，星期日早上就帶我們慢跑市中心公園上車位置和終點。自復活節醫脚以來，終於可以慢跑八公里安心好多，因為前一天停去跌打包紥，全條右腿攰到不可思議，不過當天去Expo 取跑手包，因為就著行路，竟然起水泡，真是天下奇聞。
⋯⋯
Day 3 比賽日睡足六小時五時起身，六時步行往市中心公園搭車，雖然見人山人海，但兩小時大會已經可以安排兩萬多人乘黄色校巴浩浩蕩蕩到四十二公里外起点。車程約一小時。找校巴寄託行李就上線。跑手分成三個wave再细分不同區域，根據報名成績一看号碼布顏色和編號就知高下之分，我用3:13 号碼7193，勉強在wave 1 8999之內。

大會星期日發出酷熱警告，跑手可保留資格下年再賽，以安全理由這個安排我甚感同意。十点正起步時31度一片澄天陽光極猛，站在起點終要面對高温和脚患有兩個選擇，不過很快已經否定慢跑，決定用馬速盡量捱幾遠就幾遠, 就算是一公里也好，頭5k 22分還可以，1Ok 46分右腳腕轉動始終相當緊，到了15k小腿已經十分攰，加上實在太熱體力消耗極大，半程1:46 已經開始拐著跑.

至於波馬最有名嘅衞斯理高校，女生排成約長五百米，她們應該有選啜啜公主之類，所以非常熱情舉起kiss me 開心大叫跑手給她們一吻，不過我都是玩下擊手象徵式吻了一個非常漂亮性感嘅女生, (結果1:0 嬴奶奶，大敗给CU 1:17), 到了約24k，右腳患處落腳突然痛入心，之後祇可以拐下拐下行一段慢跑一小段，周邊也有很多wave 1 跑手在行，到了30k後索性唔跑，步行速度還可以快點，雖然在如此大赛要用步行來完成有些遺憾，如沈佳宜話世上很多事也是徒勞無功，但夢想不努力實踐, 不過是白日夢一場，備戰可以做的已經完成，我信大家也經過苦練才來到這裡，無憾在心所以步行的姿勢也很豪邁，尤其由起点到终点42.195k兩旁差不多滿滿全是來打氣的，送水的，送冰的，送生果的，送冰條的，射水降溫的，真是不枉我千里迢迢過來走一回 (尤其同行兩位孖宝令娛樂性爆燈)。

一步一步走到終点時間係4:47:53，差不多是三年前首馬加一小時，出發前相當擔心不能完成賽事，咬住波馬完成獎牌一刻真是鬆口氣。不過比賽日温度為近百年最高，就算狀態十足也冇可能pb了！

除了奶奶在終点等待(嘩! 第一眼幾感動呀！但原來死佬個半小時內坐輪椅入醫療室後回客棧冲凉兼上網再回來！)，遠在香港深夜也有很多朋友上網追蹤我們過程，友誼和科技緊合，無遠弗届！晚上大夥吃飯和去大會派對。

Day 4 早上五時起身，七時離開客棧往机塲回香港前，約了奶奶CU在市中心慢跑30分鐘五公里做回復。冲凉時看看一身古銅色堅實身形滿像運動員的，其實每分努力也没有白費，生活每天也極充實！休息養傷調理好深層肌肉積勞後，一步一步準備下季sub-3爭取紐約馬拉松入場券！

登錄/註冊後可看大圖

本月累積75 公里

clerkb · 發表於 2012-4-20 10:34:57

一齊好了, 往後要好好調息好了. 以免成舊患.

skylinelin · 發表於 2012-4-21 02:00:53

MT兄精神可嘉, 值得我哋後輩學習.

MatthewTse · 發表於 2012-5-1 19:53:33

記錄: 30 Apr 2012 周年430 青公約跑 15k 1:22

話說波馬後休腳兩星期，期間都冇停主要練下體能和游水，今日周年430 約跑青公就要試試腳，右腳掌仍有微痛，轉脚腕仍未完全靈活。

七点荃西大合照就出發黄金海岸，起步好似有七十人新知舊友好熱鬧，腳掌傷足足一個月首次落腳冇痛興奮得濟，錶也冇按順着力跑，又有些生理需要，頭3K跑快上列去揾地方放水，解決完七兄大夫帶幾位上來生擒我就跟著尾，不過深井後他們已經愈來愈遠，另外今晚氣溫有28 29度又濕又熱，冇練一排心肺成個水人都好爆下， 12k到了小榄腳踝稍微有反應就停下轉腳踝，安全至上之後都跑下行下，不過跑時也注意着姿勢，可以有番跑感已經好開心。晚飯後和奶奶大夫吹多一會就回家！

本堂出席有長老B7男女班長和裸跑堂大師兄

登錄/註冊後可看大圖

本月累積90 公里

MatthewTse · 發表於 2012-5-3 10:25:32

紀錄: 2 May 2012 跑手堂 (31) Interval 番來鳥

地點九龍灣運動場

話說前日430雖然可以跑番, 但腳掌骨仍有微痛, 中午去看中醫骨科, 治療過程痛到渾身濕透, 不過把稍微移位掌筋骨拉正, 踏在地上差不多一個月終於感覺冇異樣, 重生一個樣, 當然仍未根治, 但已經可望復完!

晚上復課, 今晚好熱又好熱鬧, 壞人天鬼和阿sue 落場一齊玩, 熱身練拆解再衝三隻60 已經水人一個.

主菜 200/300/400/500/600/500/400/300/200, 休息係跑 3:1, 開波前諗衹要稍有微痛即停, 太耐冇練強度, 頭三隻跑得好辛苦, 500 速度已經減, 600 時起步患處冇痛不過有點軟, 跑到400 上岸檢查, 冇痛就繼續衝, 後面四隻身體開始適應番, 雖然好辛苦但尾段仍可發力個form 都冇散. 拉筋慢跑cool down 就放學.

200 /300/400/500/400/500/400/300/200
33"/52"/1'14"/1"42/1"30/1'37/1'15/52"/33"

本月累積6.2 公里

MatthewTse · 發表於 2012-5-4 01:13:42

紀錄: 3 May 2012 沒有不跑的理由 1400 x3

地點: 九龍仔公園

話說昨天跑完IN，今天落牀好開心患處腳掌骨冇痛, 雖然大脾好酸軟，但乳酸浸腳原來好幸福。今日功課三隻千四走70% 80% 90% 中間休5分。心魔作崇想休多日，唔跑永遠找到一車理由，剛好昨晚收到阿Sue 團購按摩神轆，神棍轆酸瓜，爽到喊媽媽。鬆完大腿就慢跑2k 去交功課。

拉筋就開始，很小跑千四，頭隻跑完一千看錶3'50, 保持快小小，跑完5'19 好熱已經水人一個.

第二隻再比真力快小小，跑完1k 看錶3'45, 頂着力好盡5'15. 跑完就知七兄好厲害。

第三隻十成功力，頭一千3'30 好辛苦, 患處冇痛不過爆到七彩，尾段400 散到1'42, 最後5'12完成. 拉筋慢跑cool down 回家。

1400 5'19/ 5'15 /5'12 休5'

本月累積14 公里

MatthewTse · 發表於 2012-5-6 23:45:49

紀錄: 6 May 2012 水陸兩項

地點: 九龍仔泳池/公園

話說今午3:30 約了幾位跑友DO DO , 奶奶 , 新手中坑, Billy 九龍仔公園慢跑八字圈，自己2:30隔離泳池先游100 x15. 游完出來已經人齊就慢跑，雖然唔算好熱，但未够三公里小腌有些痛停兩分鐘，兩項果然唔容易，可能游水鬆開佐肌肉，跑了五公里好急又去洗手間，其實hea hea 速度唔快，不過未夠九公里好攰下，見大家都差不多就吹水拉筋！慢跑回家。

本月累積24 公里

MatthewTse · 發表於 2012-5-8 01:13:17

紀錄: 7 May 2012 吱吱聲八公…里 33'25 4'10/k

地點: 九龍仔公園

話說昨天九龍仔公園慢跑八字圈，未夠九公里已經好攰下，心有不甘今晚功課再戰8k，雖然有點風但濕度高，强度太高冇信心走，希望腳患早日根治。

4'11/4'17/4'10/4'12
4'02/4'10/4'13/4'08

頭公里走完氣喘得太厲害，收慢回一回又保持番4'10，走了一半以為順勢加速上四分頭，立即水滾汗如雨下又要減速，第七公里渾身濕透對鞋入水一樣，每步發出吱吱聲，第八公里想衝入四分頭都冇力。

P.S. 完全唔記得今晚功課大步跑要六隻120

本月累積36 公里

[ 本帖最後由 MatthewTse 於 2012-5-8 01:19 編輯 ]

阿娟 · 發表於 2012-5-8 08:46:23

见过师兄。非常厉害，加油。

430青公跑，箭步如飞，在半空中飞行，习惯和乐享奔跑中的自己。

MatthewTse · 發表於 2012-5-10 01:12:21

紀錄: 9 May 2012 跑手堂(32) 少林36房

地點: 九龍湾運動塲/彩石里

話說今晚上堂玩神秘事前唔知練乜，慢跑2k練完拆解再特別練跳舞，玩完原來出街，一行三十多人慢跑去附近彩石里，主菜跑樓梯20組，成隊人好有氣勢，有路過師奶問警察呀? 消防呀? 樓梯長約55米，跑上行落，每級比較窄相當適合練提腿，從未練過，我呢個樓梯鬼見愁練完5組已經好攰，跑了11组飲水，之後繼續跌頂到17隻頂唔順上岸。

2'05/2'04/2'06/1'57/2'04
2'11/2'17/2'23/2'21/2'20
2'17/3'08/2'26/2'38/2'34
2'35/2'40/

呢課雖然辛苦到死，但真係練到基本技術，成班人上上落落渾身濕透好似少林三十六房。

本月累積41 公里

MatthewTse · 發表於 2012-5-11 01:04:05

記錄: 10 May 2012 Easy Run 8k 40'01

培正上斜> 佛光街落斜> 紅磡> 尖東海濱> 廣東道> 柯士甸道> 彌敦道> 窩打老道> 培正道

話說昨晚練完武當梯雲蹤，今朝起身以為唔赲唔酸，公司做到10点，小腿愈來愈攰，回到家立即換衫慢跑，真是唔跑唔知冇揸灘。

不過趁身體尚有梯雲蹤記憶，慢跑時對用大腿帶動，後腿蹬直拉上有多一点理解！

本月累積49 公里

MatthewTse · 發表於 2012-5-13 20:31:43

紀錄: 12 May 2012 AVOHK 30周年隊際賽

34'58 4'21/k
4'30/5'11/4'21/4'12 (18'14)
4'28/4'17/4'01/3'58 (16'44)

話說今日好榮幸可以和跑手堂師兄弟組隊參加北潭涌八公里！雖然各人星期三練完梯雲蹤小腿变酸瓜，無阻大家一腔熱血。

西貢一起先殺雞(雞飯)誓師，入北潭涌見到各方好友慰問脚患，真是多謝！尚有時間罕有慢跑熱身，之後取號碼布決定六人，頭三位隔一分後三位隔半分出發。次序abcdef為拳强A史MB，另有七J占GA自由行！起点六七十組跑手分别站a至f區，隊際赛氣氛極好！

abcd出發後就到e，上斜前都比哂力，上斜就順走，不過都冇劈上去，稍微慢些f隊員已經界上來，呢位少年人快到離谱最後sub32 完成，上到頂小腿好酸下，專心抬大腿放鬆小腿蹬腳，好彩冇太陽，不過氣溫都相當熱。

冇耐開始跑手折返，見七兄帶住意大利幾位跑手走，實在太厲害，接著見前面四位隊友，四公里折返腳患處冇反應開始發力過人，走完第六公里，前面隊友影都冇，最後兩公里落斜爆返去，衝到大斜坡底看pacing 係3'20/k，繼續頂多一段到士多，遠遠隊友們已經見到我，我正想打招呼不過回不過氣咳了起來，停一停先可跑回終点。

之後開心影相飲啤酒，今日時間雖然一般，不過狀態好滿意。

登錄/註冊後可看大圖

辛苦晒阿火靓相 ~~

本月累積57 公里

[ 本帖最後由 MatthewTse 於 2012-5-14 12:43 編輯 ]

MatthewTse · 發表於 2012-5-14 12:38:34

記錄: 13 May 2012 水陸兩項 Easy Combo

地點:九龍仔公園/泳池

話說昨天跑完唔算攰，不過想去清小腿酸痛，午飯後2:30 往公園運動場easy跑八公里38'29，又係水人一個跟著去隔離游100 x 10, 再去做師奶買餸煮飯，今日家中來了SPCA暫養小唐狗！

登錄/註冊後可看大圖

本月累積65 公里

MatthewTse · 發表於 2012-5-17 00:50:56

記錄: 16 May 2012 跑手堂(33) 衝到甩脾

地點: 九龍湾運動塲

話說今晚可以早点走，六点半到塲，知道主菜衝短就先加操easy run 八公里鬆腳，保持4'50/K 跑完38'47 水人一個，不過開始有點風很快乾番，人齊就練拆解甩踢腿。

主菜兩三個一組加速跑120 十六隻，主要練提腿送髋，今次大家連錶都冇按，未夠一半雨愈來愈大直情倒水一樣，雖然脾都甩，不過淋一淋冇咁辛苦，唔知衝佐十七定十八隻休兩分，滿口苦澀跑去飲啖水，甜品係去盡1200, 跑完一圈已經頂唔到，姿勢都散散地，1'27/1'32/1'35 真是揸乾揸淨！

本月累積77 公里

MatthewTse · 發表於 2012-5-18 00:33:26

記錄: 17 May 2012 Recovery Jog 8k 48'57

培正上斜> 佛光街落斜> 紅磡> 尖東海濱> 廣東道> 柯士甸道> 彌敦道> 窩打老道> 培正道

微雨. 鬧市. 星光中. 回復跑……水人一個！

本月累積85 公里

		自動登錄	找回密碼
密碼			註冊

男兒當跑步 ~~ 『練馬拉松長跑者，心無罣礙。』

回復 1223# 的帖子