|
記錄: 5 Feb 2012 渣打馬拉松 42.195 km 3:13:37 Second Best (平均 4.36 mins 1 km)
話說完成4星期特訓,今季全馬目標3:05 planned mp 4:23/k。上次臺馬失敗檢討下, 一月訓練時刻意輕鬆些, 心態上比以前冇咁兇狠熱血, 主要原因是找到方法進步,想走得穩陣些, 對今季目標放在次要地位.
星期六算特别吃多些,晚上十時半上牀,有点緊張但尚可淺睡4小时。4点15分起床,早餐喝水特加長通粉,帶上行李 taxi 往TST,放下行李就碰到老實人s, 抱了wadee 一下, 嘩! 超硬淨! 好似攬住架坦克車咁. 我終於知點解冇次快過大鐵人, 安樂哂! 上冼手間慢跑拉筋,見到老實人們6時就上線,跟著排在力士eddie 後面, 排得相当前。當慢慢移上起點時, 排頭都好驚比後面推跌,聽到準千金小姐係咁喝身邊位自由行,真是上哂力超利害.
6時45分出發,感覺全開,小心翼翼在人羣跑,尤其是左轉入柯士甸道, 上年有跑友骨折! 九龍站附近有点內急,向小樹林裡處放水. 保持跑姿順着力放鬆,pacing 祇要冇跌穿pb pace 4分36就順着力,10 公里時間 45:08. 在這裡和cu sir 分手. 半程花了1小時35分14, 上斜冇比力原來鬆得濟比上年仲慢成兩分鐘. 已經落後分段目標一分半鐘. 不過冇心急追時間, 有時搭下順風車有時跟下懷人隊長, 到出青葵隧道見隊長慢下來食gel, 打個招呼就分手, 隊長仲叫我加油.
30k 比上年快番半分鐘. 力氣可以保持, 跟著五六個一齊到接近西隧就放乜佢地, 狗哥在影相大聲叫我加油. 這時心肺無礙, 誇張d講體力可以用充沛來形容, 計算時間做sub310 滿有把握的. 一路跑到西隧口, 確信已成功撐過那堵可怕的牆. 落西隧長命暗斜, 聽到有人在背後大步大步界上來, 是位著OOCL衫跑友, 火力全開發揮試試追趕下見309, 猛進超過一路前面的跑友, 不過出隧道囗前右腳小腿後面抽一抽, 停了兩次拉下筋, 登陸港島後輕微作抽筋, 不期然放慢了腳步, 新路線比較平, 但有段落斜上斜都有擔心老抽就林美香, 放慢跑得好保守直到上馬獅道天橋後才夠勇氣用4'23/k pace走, 愈來愈快, 轉到入維園有些意外見到馬王, 仲有力展開雙腳衝劈入去, Last 200 m 衝線用了44", 見大會鐘差不多時到3:14. 結果以3:13:49. 晶片時間: 3:13:37 完成, 比上年pb 剛好慢一秒, 人算不如天算你話全馬係幾奇妙呢! 問你服未? 莫非知我想波士頓fun fun run 和我開下玩笑冇得pb! 辛苦命想休長些都是四月之後啦!
總名次 性別名次 組別名次 參賽組別 比賽編號 大會時間 個人時間 10k 時間 半程時間 30k 時間
2011渣馬 242 220 56 MMM1 23627 3:13:48 3:13:36 0:46:29 1:33:04 2:16:53
2012渣馬 229 208 54 MMM1 23078 3:13:49 3:13:37 0:45:08 1:35:14 2:16:12
雖然也是成擔心機去練, 無論質和量比上年跟本冇得比, 結果打個和差不多一樣, 平常心去接受, 目標是要來追逐, 唯盡力而已. 時間未乎預期, 不過練習/跑感/跑娑/完全冇撞牆現象/完成狀態都很滿意, 好享受係比賽中的過程, 仲可以保持波士頓既朝聖資格! 一年之約~~下年俱樂步組sub3列車!
紀大渣打半馬封王, 朱古力青年組第一名, 靚仔到冇命, 超開心!
本月到目前為止累積 55k
[ 本帖最後由 MatthewTse 於 2012-2-7 22:19 編輯 ] |
|