|
七一hea 走圓墩郊野徑
記得 n 年前一套電視劇劇情講到有一女子係菲律賓華僑, 喺香港食飯時遇上槍戰, 佢唔理, 冇學其他人咁踎低, 照做緊自己做嘅事. 之後有人問佢做乜唔踎低, 佢答, 喺菲律賓成日有槍戰, 如果吓吓要踎低, 咁佢咪唔駛企起身. (係, 我係記埋好多useless information....)
點解會講番呢個劇情呢, 話說我哋七一操山, 之前嗰日話會打風, 又落雨, 我心諗, 香港夏天落雨就唔跑, 咁咪成個夏天唔駛跑? 噚日一起身, 三號波, 雷暴警告齊哂, 但地下乾嘅... 咁就照準備出門, 但出門時就落雨喇. 但係大部分跑友都已經出門, 就唔理咁多, 照去.
坐西鐡, 一過荃灣個山, 就見出太陽, 冇雨. 之後全程都係暴曬, 揾drop 雨都冇, 揾多幾舊雲擋吓陽光都冇.. 好在呢條路好多樹蔭, 途中仲有個溪水位, 大家洗手洗面, 涼快一下! 13k 之後到深井食早餐.... 早餐後淨番三個人跑回荃灣西, 好鬼曬. 一入公園我就同其他跑友講我頂唔順, 想行喇. 嘻嘻, 咁猛陽光下慢行1.5k番西鐡. 總共19.5k.
圓墩郊野徑好好跑, 多樹蔭, 上下斜難度不高, 大家可以好輕鬆咁半行半跑! |
|