|
28/2/2010
今日渣打馬拉松, 天氣24C以上, 濕度93%. 我出名大汗, 咁樣的天氣都知道會"LAI"野, 但希望唔好"LAI"得咁甘. 早上與北區跑友, 馬王兄, ANDY兄, STAN兄, CY一家, 再响大埔會合阿傑, 一起出發去尖沙咀, 熱身時已一身汗已深知不妙. 已將PACING由原來的5:15/KM調低致5:30/KM. 出發時, 初段與STAN兄拍住跑, PACING約5:25/KM. 到10KM時約55MIN. 之後人有三急, 用了半分鐘去放水, 之後STAN兄已不見了, 唯有自己慢慢跑, 但天氣十分悶熱, PACING已自動跌至5:40/KM. 之後再進一步跌至5:50/KM. 而且開始作抽, 馬上隊粒鹽餅, 但因錯誤吞左落肚, 個肚即時"拿"住, 反晒胃. 又冇水, 所以即時隊包GEL中和下. 已知道SUB4無望, 但仍希望PB. 但到半馬位置, 時間已是2:00. 再過2KM, 到了23KM, 作抽的感覺愈來愈強. 最後只好停下來快行. 希望可以舒緩一下. 之後一路比好多跑手界, 但都冇辦法. 希望對腳可以好D, 之後亦將目標調低至5:30完成. 這時見到屈隊長, 佢叫我改跑姿, 但都冇咩作用, 但儘量都保持8:00/KM的PACING. 到了27KM左右, 覺得對腳輕鬆左, 於是再慢JOG起來, 好似又OK, 但一會又作抽, 於是這樣跑下行下地捱到西隧中間, PACING約為7:00/KM. 30KM時分段時間為3:10, 比上年慢成26分鐘. 之後用毅行的策略, 上斜行, 落斜同平路跑, 之後都可以保持6:30-7:30/KM到41KM. 最後1KM了, 毫無保留地跑, 見好多網友及途人的支持, 都唔敢慢跑. 但畢竟已到了極限, 最終都抽筋, 要停下來拉筋, 之後再跑埋餘下路程, 轉出SOGO後, 知道已終點在望, 於是加速界人, 來阿Q一下, 到達維園時, 突然充滿力量, 見人界人, 見到家人來打氣, 好開心, 所以再發力, 臨尾都界多一個老外先過終點, 最後4:37:09完成.
最後結論, 由於自己練得比上年少, 所以種瓜得瓜, 唯有下年再努力!!!!
[ 本帖最後由 kopo1128 於 2010-2-28 22:40 編輯 ] |
|