|
運動開的人如果唔運動好容易暴肥架. 我有一個客戶, 睇佢的身材, 完全唔似係跑步的人. 反而似一個波. 人人都叫佢"肥x". 當佢知道我跑渣馬後, 之後問我跑乜pacing, 又10km跑幾多, 半馬跑幾多, 又問我有冇練interval. 我心諗你唔係响度扮專業呀, 跟住佢話佢以前都有跑步, 都有跑10km. 我問佢跑幾快, 佢話佢跑得好慢, 只係35-36分鐘左右. 都攞唔到獎. 我都唔知信唔信佢好. 不過跟手另外一個行家証實佢所言非虛. 話佢以前成日通山跑. 不過睇到佢而家咁既身型, 其實要打回原型真係話都冇咁易. 所以一定要警惕, 唔好比自己肥落去同懶散落去. |
|