|
尋日出左成日街, 宜家先有機會出post.
上星期六出席既ching/ctse有finewong, 活活, kan, 昌, 哈利, Cat, KK, KK’s , 迪迪, 文ching, 同小弟阿四, 共12人 (希望冇記漏)………….
當我去到運動場門口既時候, 感覺到風勢突然加強, 要用雙手擋風, 係手指隙度望出去睇睇, 原本係加碼小組 (rockiec兄有份跑加碼架) 迎面衝緊埋黎, 嘩…… 加碼都跑到咁快, 一陣肯定又係好快影到唔見架啦.
去到運動場, 見到今次既新朋友KK同KK’s , 情侶檔真係唔講得笑, KK重揹往佢個愛心小背包, 沿途為KK’s 補水, 實在未跑先心動 ~ 讚!
起步喇, 由於今次係跑新路線, 大家分快慢腳, 唔使多講, finewong緊係快腳領隊啦, 而活活就忍腳就住我地, 帶慢腳組. 正如每次開跑前分組, 個個都話自己係慢腳, 一起步咪又係硫晒形 ~ 剛出運動場, 第二個彎位已經分左兩隊, 仲要緊緊望到吓快腳組既燈尾咋! 至於快腳組跟住發生咩野事, 我就睇唔到喇, 因為我係包尾果個 ![](static/image/smiley/default/lol.gif)
活活帶住我地慢慢上醫院後山, 入清水灣道, 再上第二斜…….. 之前試過跑落, 今次跑上真係另有一番 “風味” ~ 上到頂睇番個路牌, 原來路頂果段既斜度係 1/4 (澳景路係1/10) @@” 雖然如此, 見到活活領隊如履平地既步速, 點水式既步法從容上斜, 我地後面一班隊員無不O咀驚嘆快活龍既功力 ~ 勁!. 而另一邊廂, 上緊第二斜既時候, 見到KK一直係KK’s 旁邊默默支持, 我哩個電燈胆跟住佢地後面, 不時見到佢地四目之間閃出既亮光, 可能就係哩一股電力既推動, 佢地雙雙登上第二斜之巔, 我絕對相信…… 當時佢地既汗…… 係…… 甜既 (不過留番佢地自己試味啦 )
可惜由於時間關係, 我同大家跑到科大迴旋處就要折返, 同大家講bye bye後, 自己原路跑返屋
企………….
之後睇返post先知道, 原來今次既行程大家都跑得比較吃力, 可能天氣都還未清涼,此路線既難度又係 *** 級, 再加上地圖既量度既距離偏差, 令大家辛苦了, 真係唔好意思. 日後可以考慮一下, 較難的路線會另日約跑 (例如尋日既 [大清晨光團] ), 又或者放在加碼時段, 而原有約跑則盡量以逍遙為主, 唔知大家有咩意見?
[大清晨光團] 尋日天矇光6:30出發, 出席既有Wing, 活活, R, rockiec, harry, kan, wty, 256, boloup, chris, 同小弟JC. 一夜之間居然參加人數有成11人, 真夠熱鬧 ~
原先今次約跑比較擔心既係沿途照應問題, 幸得256, boloup, R 同 rockiec 四大識途駿馬, 一路上首尾呼應, 同時控制大家既pacing, 基本上全程行動一致, 沿途一邊跑, 一邊吹下水, 又有美景相伴, 雖然一段又一段既斜路係面前, 大家都跑得好開心, 仲好期望下次再跑 ^^
講番呀kan, harry, rockiec同活活真係唔簡單, 雖然近排跑得咁密, 仍然可以輕鬆完成 ~ 好嘢! R兄就更加唔使講啦, 大家都睇到, 由於大清之前既路段佢一直幫手帶路, 所以明顯就住我地跑, 去到大清之後果段, 因為係跑去布袋澳折返, R兄知道我地唔好走失, 放下心頭大石之後, 就用番佢自己既pacing, 我地成班晨光團既團友, 見佢一陣風咁跑到幾乎影到唔見, 實在嘆為觀止 ~
最重要既就真係萬二分既多謝256大師兄, 係終點位置預備左成箱清涼甘露, 真係意想不到, 唔該晒大師兄 ^^
[ 本帖最後由 jc8866 於 2009-9-21 14:14 編輯 ] |
|