|
好開心 尋晚可以來TKO跑,行錯路又遲大到 ,跟唔到C組跑澳景,唯有靜靜地留在運動場跑 ,近排游水多,兩星期無跑過了...今日好熱... 跑左一圈已經覺得周身痛,跑o下行o下幾圈後慢慢鬆番d..
第一次見識TKO練interval,一個二個放哂火 好似幾好玩 .. 貪得意跟跑1個400咁大把,攞我命...
天氣咁焗... 係咁補水... 仲有少少想嘔既感覺... ,是晚跑o下行o下45mins... 已經達到自己目標
習慣左早食飯,9點幾都未食得,個胃有少少痛... 終於到我最喜愛既....... 特訓環節,
今晚擺左2圍,我坐o個圍12人叫左7個餸,仲送左1隻大燒鵝,啤酒汽水$1罐,$519/12人我已經覺得好抵喇,點知班師姐師兄話食開一人3-40蚊咋喎 ,
心諗間酒樓點賺錢呀...... 咁搞法,睇黎真係要趁佢執粒前去多幾次先得 哈哈哈
留意白飯9蚊碗
[ 本帖最後由 imchristy 於 2010-7-15 12:35 編輯 ] |
|