|
原帖由 阿聰 於 2010-7-22 23:54 發表
我只係介意自己跑既長度, 以及能否完成全程
至於"速度", 我已經唔係十二, 三歲的小孩子,
速度是不會再可以大幅度增加, 我亦"自己知自己事", 速度也不是我現在可以追求到的........
聰聰....... 聽我哩個老人家講兩句先.
你先問一問自己, 既然你見到自己既不足,
但係你仍然繼續試, 為咩呢?
我相信你係有一顆突破自己既目標, 對嗎?
你箸意能否完成才決定是否開始, 其實係阻礙自己進步,
你再細心睇下一直以來大家對你既鼓勵,
其實都係想幫你打開哩個心理關囗, 明白嗎?
跑步係要踏出來的, 没有一公里, 何來二公里.
回到你既問題, 你要打必勝既仗嗎?
我相信哩度既ching/ctse, 無一個夠膽話自己每次都可以跑畢全程,
每次跑都有唔同既狀態, 甚至有可能受傷,
如果要肯定跑得完才跑, 我相信跑步哩項運動已經絕蹟左,
跑步如人生, 没有肯定畢業才讀書, 肯定終老才結婚,
相反黎講, 你有冇唸過跑一段明知跑不完的路,
年初渣馬前6日, 我腰椎受傷, 我就係明知跑唔完,
心中有預算隨時要停下來既心情去跑, 那怕去唔到青馬,
那怕過唔到西隧, 那怕踏唔上終點線, 就算真係跑唔完全程,
我都唔會覺得可惜, 因為我知道自己對自己盡了力,
但係如果因為怕跑唔完而唔去跑, 我一定會後悔.
聰聰, 每個人既成功都係由一次又一次既失敗當中累績返績,
我希望你明白我既意思, 跑步如是, 人生如是.
或許大家對你既熱誠邀請, 可能對你都有D壓迫,
請你唔好介意, 因為TKO係禮義之邦, 盡顯好客之道嘛 (Ah Li 語錄),
點都好啦, 記住有一班跑友一直支持你, 歡迎你一同進退就得喇 ^^ |
|