|
K隊-訓練4報告:
出席: Desmond 、猿球 、馬拉
日期:18/7/2010 (星期日)
出發時間: 7:30am
1. 由黃大仙地鐵行上麥徑5段沙田凹入口作熱身(約2.5k)
2. 麥徑5段沙田凹入口 - 大埔道 (約7k)
3. 大埔道 - 城門水塘 (約4.6k)
4. 城門水塘 - 鉛鑛凹 (約6.2k)
5. 鉛鑛凹 - 大帽山荃錦公路 (約9.7k)
(全程約28.41.)
7:30完成全程 除左休息, 去厠所, 賣飲品, 影相, 抽筋, 按摩 拉筋, 聽電話,實際用時5:37
紀綠如下:
http://connect.garmin.com/activity/40834985
報告:
唯一猿球今日全程冇爆到, 如果由佢獨行肯定5個鐘有找攪掂,我同Desmond就爆到七彩, 我抽左邊小腿, 上針山時仲冇事,落針山時開始抽(#我第一次都系謝曬, 十分之想退出), 當時列日當空, 佢兩個狀態好到不得了,還在山頂中間抽緊的我, 見佢兩個已落到山下, 所以叫都叫唔到佢地, 自已坐係路中間抖左一大輪, 慢慢行落去(#見馬拉滿頭大汗, 步伐不穩地), 要佢兩個係山下等左我好耐, 真係唔好意思。
一路三個人慢慢行, 到左鉛鑛凹, 又加水又休息, 然後向8段大帽山進發, 就在好多大石頭個條山路, 唔對路,輪到 Desmond 爆了。
Desmond話, 肚餓,對腳震緊, 冇力,行唔郁 好想訓覺(#果刻一趟下, 真的會睡下去), 睇來有少少中暑蹟像, 但又唔係缺水個隻,當時如果真係比佢係度訓覺, 我想佢即刻可訓著左, 呢個時候, 幸好猿球帶左power gel(肚餓, 人家說難吃的power gel, 我吃得好香), 比Desmond 補充體力, 我也剛好帶左按摩膏, 猿球立刻幫Desmond 按摩雙小腿(#刹時full power, "奔肌"好好用), 等佢恢復力量, 休息一陣, 體力恢復了, 繼續起程。(#哈哈, 起完雙飛, 個人有力兼醒神. 好在有兩位隊員傍住, 先能走完全程. 好感激他倆的相扶鼓勵同支持.)
大帽山愈來愈近了, 我地架體力消耗愈來愈大, 但全程冇爆過的猿球就愈戰愈勇, 沿著通往山頂的大斜路, 表演一場漂移上山絕技, 睇到我地目瞪口呆, 過了山頂到落山更加停不了, 九曲13灣的落斜路一口氣漂到山腳下, 猿球的絕技, 真令小弟眼果大開!阿猿恰是一名毅行fit 腳.最後K隊成功抵達荃錦公路!
最後落荃灣楊屋道街市四樓體育館沖個靚涼!(#有熱水同冷氣ga)
感想:
多謝TKO毅行隊, 跟左隊長和各隊員操了一段日子, 小弟已行晒麥記1-10全餐 100公里, 從未行過山的小弟, 短短日子就能行晒麥記全餐, 雖然過程很艱拒, 很辛苦, 但每次能完成覺得很開心, 很自豪, 多謝隊長比機會小弟(#客氣客氣), 大家一齊努力, 加油! |
|