大圍長跑長友Blog (賽季又到，唔止要勤力d操，仲要勤力d寫Blog。)

sleung2002hk

佢不嬲都係咁~~踢完波又行山~過一日又玩兩項~~大把野玩

大圍新跑手

原帖由 sleung2002hk 於 2009-6-21 23:36 發表

                               
登錄/註冊後可看大圖

佢不嬲都係咁~~踢完波又行山~過一日又玩兩項~~大把野玩

梁兄：同你比仲差好遠~

大圍新跑手

原帖由 stanleyhpm 於 2009-6-21 23:22 發表

                               
登錄/註冊後可看大圖

真係呀...
我今日跑完都要飲返好多野.....

stanley兄：仲有兩個星期...你都要加油呀~

大圍新跑手

原帖由 叮叮噹 於 2009-6-21 23:28 發表

                               
登錄/註冊後可看大圖

大圍好似有無限精力, 昨日行山, 今早長課, 重可以打壁球......十足十鐵人.

叮叮噹：都係因為同大家一齊玩好開心，精力就會自然來.....妳信唔信丫?

大圍新跑手

2009.6.24 沙田運動場 Interval 400m @3' x 8

今晚放工照計劃返沙田補返琴晚果課 Interval，本來想最少走10個，最後都係爆爆地走唔使.....
1) 慢跑15分鐘熱身 + 簡單拉筋
2) 神腿3式 @50m x 2sets
3) 主菜，時間如下...
    1'23"30...跑第2set果陣禁錯錶，於是停跑返轉頭重新來過，呢個唔計當送。
    1'28"87  1'25"50  1'26"33  1'26"65
    1'26"26  1'29"39  1'29"82  1'30"45 真係爆回唔到氣，唯有收工
4) 抖返順再慢跑15分鐘cool down + 拉筋收操

P.S. 沙田運動場因為維修看台，搞到條跑道爛使，我諗暫時都唔去果度跑住啦。

前進

原帖由 大圍新跑手 於 2009-6-17 10:15 發表

                               
登錄/註冊後可看大圖

前進兄，sub 40' 我諗今年都好難做到，你衝1K用咩時間先? 我諗起碼要快多10秒先會有信心。

盡量都想keep住4分鐘/k,到賽季至上量囉!其實真係無時間操!

大圍新跑手

原帖由 前進 於 2009-6-25 00:27 發表

                               
登錄/註冊後可看大圖

盡量都想keep住4分鐘/k,到賽季至上量囉!其實真係無時間操!

呢個都係好多跑手普遍既問題...比心機呀!

前進

原帖由 大圍新跑手 於 2009-6-25 09:46 發表

                               
登錄/註冊後可看大圖

呢個都係好多跑手普遍既問題...比心機呀!

係呀!!所以宜家都會玩精d囉!! 盡量保持唔傷就夠啦!!

大圍新跑手

2009.6.27 壞人同盟毅行操山(2) 麥徑第4段

今日壞人同盟隊長壞人兄，帶領我同馬王操山，原定計劃走第4,5段，後尾因為落大雨+行雷被迫提早係基圍爾營徹退。
我地先係西頁食飽早餐，跟住搭的士去到水浪窩起步，之前睇過資料都知4段條路都好甘下，所以都係採取上山行、平路/落山慢跑策略。頭段因為一路落住微微雨唔太熱所以都走得唔係太辛苦，係有少少邪邪地.....有個分义路口，唔知點解我地3個人都睇唔到個牌竟然miss左行錯路，走多左同埋使左d時間。
記得好似大約過左大金鐘度開始落好大雨，落兩都唔係問題，最慘仲係咁行雷，呢個時候馬王好似見水即生咁越跑越快，壞人兄又跟住加速，搞到我一個人係咁搏命追都跟唔住，最後要等佢地停底等埋我休息下。大家商量過之後....為安全計都係取消操練提早徹退，之後我地盡快跑完第4段去到基圍爾營，經飛鵝山落山。
全程加埋徹退路線大約走左15K，時間用左大約3個鐘，最後撘返小巴出彩虹一齊食埋lunch先散band。

[ 本帖最後由 大圍新跑手 於 2009-6-28 01:55 編輯 ]

sleung2002hk

你地幾點到基圍爾營??本來諗住追你地~~~11點到馬鞍頂就勁大雨~走都走唔切

大圍新跑手

原帖由 sleung2002hk 於 2009-6-28 10:35 發表

                               
登錄/註冊後可看大圖

你地幾點到基圍爾營??本來諗住追你地~~~11點到馬鞍頂就勁大雨~走都走唔切

我地食埋早餐差唔多9:00先開始起步，去到基圍爾營應該大約11:30度，你會唔會係我地起步果陣已經過左第3段，一係就係我地行錯路果陣追過左我地，所以見唔到我地。

大圍新跑手

2009.6.28 馬鞍山遊樂場<---> 科學圍 Recovery Run 12K

今朝join埋瘋瘋同其他幾位ching友情去"馬"，因為琴日操完山今日都係諗住慢跑當recovery。
等齊人大約8:15am起步，一開始瘋瘋已經拉唔住同幾位快腳ching衝左出去，我就拍住stan兄同andrew兄係後面用大約6'/K既速度慢跑，今朝天氣幾啱跑步.....冇太陽又啱啱落過雨幾清涼下。
去程我、stan兄同埋andrew兄都係拍住一齊走，因為唔快大家都幾輕鬆下，間唔中仲可以傾下計吹下水，好快已經跑到過左馬料水碼頭，之後andrew兄有傷先後掉頭，我就stan兄繼續走，諗住到見到d快腳回程既時候我地都一齊回程，跟住跑到科學園中間度都未見到人，估計當時我地已經跑左夠6K都未見有人返轉頭，我地商量過驚d快腳唔知會唔會唔夠喉加程跑左去元洲仔，於是我地決定唔等先行回程，返到終點andrew兄係度做緊踢腿，我自己都做下拉筋，冇幾耐其他人都相繼返到終點。
自己冇帶錶，唔該stan兄提供時間：(去程 約38'  回程 約36')

P.S. 下星期日預告 - 停雲ching帶路跑西沙公路，詳情等瘋瘋出post。

sleung2002hk

原帖由 大圍新跑手 於 2009-6-28 12:54 發表

                               
登錄/註冊後可看大圖

我地食埋早餐差唔多9:00先開始起步，去到基圍爾營應該大約11:30度，你會唔會係我地起步果陣已經過左第3段，一係就係我地行錯路果陣追過左我地，所以見唔到我地。hgjD115" />" />hj

我大約十點行完第三段~~不過係恆安個邊走左~~應該差唔多WOO

大圍新跑手

原帖由 sleung2002hk 於 2009-6-28 20:13 發表

                               
登錄/註冊後可看大圖

我大約十點行完第三段~~不過係恆安個邊走左~~應該差唔多WOO

ic.....梁兄下星期係咪都會操，睇下啱唔啱時間又一齊操啦，不過係都只可以跟你一段....

上水馬王

原帖由 大圍新跑手 於 2009-6-28 13:21 發表

                               
登錄/註冊後可看大圖

2009.6.28 馬鞍山遊樂場 科學圍 Recovery Run 12K

今朝join埋瘋瘋同其他幾位ching友情去"馬"，因為琴日操完山今日都係諗住慢跑當recovery。
等齊人大約8:15am起步，一開始瘋瘋已經拉唔住同幾位快腳ching衝左出去 ...

前日跑山真係夠晒難忘

第一次跑因天氣關係只完成了第四段，有d可惜，其實大家仲有氣力跑埋第五段，不過第一課操練有呢個速度已經唔錯了

呢兩日去買番個靚d既背囊先

大圍新跑手

一個星期冇寫blog已經沈左去第2頁，點都要寫返d野先得~

2009.7.3 泰基極速漂移 沙田運動場<--->梅子林 12K

呢晚可以準時放工， 一於趕返沙田跟下泰基跑梅子林，去到已經差唔多7:30，熱身都做唔到只可以求其拉下筋就出發。
去程因為未熱身，加上冇帶眼鏡睇唔清楚條路，所以跑得唔係咁順，去到梅子林路口時間20'34，跟住上斜衝10'55，回程斜路慢jog落10'12，最後跑返運動場用左22'26，
總時間：1:04'08
P.S. 泰基班跑手好多係灣仔場衝圈見過，不過自己怕醜之前冇咩點介紹，以後希望可以多d機會一齊跑。


2009.7.4 長跑網足球隊 足球友誼賽

今次既對手聽peter數兄講都係雜牌軍，長跑網隊因為踢得比較夾同埋體能比對方好，最終大勝5:0延續不敗記錄。


2009.7.5 友情去"馬"約跑 馬鞍山遊樂場<--->西貢水浪窩 全長約16K

今朝有咩太陽唔係咁熱，雖然部份路段有上落斜但係跑來都冇上次咁辛苦，去程跟住停雲、阿四兩位ching跑，感覺步速唔係太快都跟得稍為輕鬆，半程用左46'38....當時已經知呢段路應該唔止7K，後尾有ching既GPS度到最少有8K。
係度休息一陣同埋補水，等埋大隊影下大合照hea左10分鐘先回程，回程計劃都係盡跟停雲、阿四兩位ching走，跑左一陣路佢地就開始好似越跑越快咁，自己好彩仲有少少力加到....一於死跟吊住大約100m距離，差唔多返到馬鞍山既時候聽日後面急速腳步聲迫近，原來係果位泰基ching從後趕上好輕鬆咁已經過左小弟，自己果時已經冇辦法加速去追，唯有keep住自己步速跑返終點算啦，睇返錶回程用左48'56 (其中停左最少5分鐘影相)，計返回程係快過去程都好多。

大圍新跑手

2009.7.7 灣仔運動場 Interval Run 400m @2'45 x 13

呢晚都係跟泰基班跑手一齊衝圈，今次衝400m......初時仲以為會冇咁辛苦，點知原來比平時自己練休少15秒已經差好遠，最後仲要skip其中兩個。
1'21"50  1'25"63  1'26"31  1'27"00  1'26"51
1'30"51  1'29"27     skip     1'27"62  1'29"33
1'26"89  1'32"13     skip     1'30"70  1'24"03
d時間唔係咁穏定，一來自己未夠火喉，二來因為田總而家既新rule，有時會被迫全程走第3線唔知果度影響有幾大呢！尾圈頭段試下盡搶....未到一半已經散使捱返來，好鬼辛苦。抖順返條氣慢跑一個圈cool down之後拉筋，最後再做返神腿3式先收操，跑得咁辛苦之後梗係要同幾位ching食飯啤啤佢。

大圍新跑手

原帖由 瘋瘋 於 2009-7-8 11:33 發表

                               
登錄/註冊後可看大圖

唉...可門10K請硬你食富豪早餐!

瘋瘋:
唔使咁快打定輸數，一日未跑完勝負都未決........
諗到有人請食鮑魚早餐就流水添....