|
29/03/09
今日參加了吐露港10km比賽. 由於右外膝痛的關係, 對應否參賽一直心大心細. 最後本著以hea跑心態參加, 以求減去近日積累的脂肪. 不過, 在參賽當日仍睡過龍, 要馬王同stan兄等我, 之後又因急趕而忘記帶雨傘, 要他們遮我, 真不好意思. 在此說聲sorry!
比賽當日早段天色陰暗, 最後傾盆大雨, 一刻想過退出, 但見所有人仍興致勃勃, 不能做衰仔, 最後冒著感冒的危機繼續. 在起點處見到很多長跑網的義工,sue姐, runrun姐, 瘋兄,前進兄, kinkin兄, 心中一陣暖意, 驅走了寒流. sue姐仲帶埋私伙大聲公, 兼幫我們看管行李, 簡直唔話得. 在此向各義工說聲"多謝!!!"
在開跑時, 雨勢減弱, 天氣變得更適合跑步, 只是擔心地上的水漬可能會令地面變得濕滑. 由於腳傷關係, 打算保持5min/km的步速. 如之後出現膝痛會再減速, 由於沒有里數牌的關係, 步速較難控制. 在2km時的時間為9:22 (約4:45/km), 由於此步速對我來說亦比較輕鬆, 沒有令右膝有太大的壓力, 所以保持這速度. 不過到3km左右, 右膝好似開始作痛, 有些擔心, 慢了下來, 到4km左右, 痛楚消失, 並見到randy兄, 由於他右外膝之前亦有問題, 所以在見到他時亦詢問了一些他復原的情況, 比賽時仍談話, 可見當時真是有點hea跑心態. 最後, 亦順便搭了randy兄的順風車至9km左右. 由於近日少操的關係及不想爆盡以避免影響右膝的傷勢, 最後1km亦不敢加速. 到最後見到sue姐不斷為我們打氣, 死就死啦!!反正只剩小許路程, 全力加速界人, 旁邊的ching見我加速界他, 他又加速, 最後雙雙並列衝線. 時間(official time: 48:35; chip time: 48:19). 不及上次城門河10km的45+, 但保持sub50, 對自己算有交代. 之後趕著返教會, 未能與各位吹水, 當時只知道梁兄跑第三, 但不知道在我旁一起換衫的白頭兄亦得獎, 沒有恭喜他, 現補恭喜二人得獎. 返家後, 立即敷冰, 膝頭沒有太痛, 只是有點不適, 希望沒有大礙. 不過現在都會以踏單車為主,拉筋並加強大腿肌肉的訓練, 直至膝頭完全恢復為止.
不過近日經常暴飲暴食, 因缺乏跑步來消耗多餘的卡路里, 我相信亦要節制一下. 否則肚腩再現. 近日亦發現褲頭開始有點緊.....慘慘慘 |
|