|
26/12/09
幾日假期係咁暴飲暴食, 係時候黎個長課消化D食物. 今朝相約LOUD兄同STAN兄來課長課, 由粉嶺跑入鹿頸, 再去新娘潭, 再大尾篤至大埔, 再番粉嶺, 全程36.7KM. 今朝7:00AM, 由碧湖出發, 全程以6min/km的LSD速度慢跑. 由於天氣凍又無太陽, 由粉嶺至大尾篤都跑得好舒服, 至大埔富善左右, STAN兄夠皮早走, 今日係STAN兄的第一次甘甘地長課, 全程都跑得好好, 再跑一兩課長課一定掂. 之後我同LOUD兄繼續向粉嶺進發, 在大埔向康樂園時有點加速, 雙腳有點作抽, 不過改一改跑姿又無事, 之後一直以大約5:30min/km的速度完成. 在最後100m左右, 仲以衝圈速度番終點, 全程用左3:42:18. 之後到公園拉筋及COOLDOWN, 事後, 雙腳感覺良好. 由於速度慢, 全程跑得好舒服, 不過如果渣馬用呢個速度跑, sub4肯定無望, 不過跑到尾都無爆, 對渣馬的信心又大了些. 整體上, 毅行對我體能上的幫助有限, 不過, 對於心理質素的提升十分有幫助, 個人無咁容易放棄. 對LSD2亦十分配合, 相信都會用LSD2來跑渣馬.
12月份暫共跑了224km.
[ 本帖最後由 kopo1128 於 2009-12-26 14:24 編輯 ] |
|