|
10/1/10
今朝跑美記半馬, 一早响粉嶺站等埋LOUD兄, STAN兄, 及CY一家一齊出發. 到左大尾篤後, 仍有許多時間, 於大壩慢JOG2K 左右. 之後去起點等起跑. 一開始上汀角路, 照例塞人. 加埋上斜, 共用了5:27完成第1K. 之後以4:45左右跑之後的路程. 在起跑時, 不斷同自己講, 一定要跑SUB145一定要跑到4:30/KM. 雖然去唔到4:30/K, 但唔好距離太遠. 之後過左烏蛟騰的落斜, 最快1K去到4:00/K, 過10KM時是47左右. 發覺自己已爆爆地, 之後諗諗下發覺自己計錯數, 於是唔再谷, 儘量保持5:00/KM左右來完成餘下路程. 到15KM的時間是1:11, 非正式PB. 在主壩跑得好辛苦, 因為跑極都好似未到盡頭, 過左主壩的一段路, 因為有左上年的經驗, 反而覺得唔難跑, 不過中間就比法蘭界左, 諗過死跟但力不從心, 最後只有讓他身影遠去. 再轉上主壩時的時間是1:29. 剩2K多D, 以為有機會SUB140, 但對腳開始唔聽話, 有D作老抽, 所以立即減速, 務求可以SUB145, 攞個銅章. 但呢兩K真係慘, 任人魚肉, 比人係咁界, 想快又作抽, 好辛苦捱到500M, 作抽的反應愈來愈勁, 之後見比平兄過埋, 但都無能力追了, 到最後100M, 旁邊突然有人好快殺上來, 見終點在望, 唔想再比人界, 於是發力跑, 點知一發力即抽, 最後20M要"GUG"番終點, 最後以1:42:38完成. 之後右足踝及腳板底好痛, 但回家後已沒有大問題了.
1月份暫共跑了88KM. |
|