|
多謝大家一直咁關心我哥哥, 同大家報告一下近况先:
尋日睇左physio, 我受傷既除左哥哥果個位之外, 因為膝頭韌帶既影響, 右邊大腿外側整條肌肉有緊縮既現象, 我第一個反應就係"有冇咁嚴重啊", 佢同我按哥哥受傷既位置, 只係有少少寃寃地, 我重話"我自己停跑左兩個月, 都好番好多架喇", 跟住訓側身俾佢按及拉大腿既肌肉, 幾乎大叫一聲, 之前受傷位置果D既痛法出番晒黎, 成隻右脾緊左, 要幫我拉番肋先至鬆番, 再搞左一輪電療之類既野之後, 走果陣都有D扯住扯住, 但係行左十分鐘之後又冇事lu喎~
咁我最關心既問題, 就緊係問吓我可唔可以繼續跑啦, 綜合醫生同physio既意見係: 如果我一直有跑開既話, 可以keep住跑, 因為可以保持及鍛鍊肌肉既彈性, 不過就要特別小心唔好再拉傷, 而跑既時候要keep住唔好超過自己既70%體能去跑(咁想唔慢jog都唔得啦….. 唉~), 距離方面可以保持番自己跑開既K數, 不過唔建議再加, 我仲話打算練全馬, 佢叫我”食住半隻先”(咁似我地D網語既, 唔知佢係唔係網友黎呢^^), 睇吓遲D進展如何先再算………………..
報告完畢~! |
|