原帖由 曲奇 於 2009-5-24 00:10 發表 https://www.longrun.hk/forum/images/common/back.gif
搵人一齊跑，才會較易改善此問題架....
其實我唔知可以點改善...叮叮師姐都同我講過我呢個問題....
原帖由 曲奇 於 2009-5-24 00:10 發表 https://www.longrun.hk/forum/images/common/back.gif
搵人一齊跑，才會較易改善此問題架....
x2, 我都係同人跑, 俾人提先知自己擺手ge問題.
知道有咩問題, 先會多留意, 刻意去改善.
原帖由 billy_yau 於 2009-5-24 00:15 發表 https://www.longrun.hk/forum/images/common/back.gif
其實我唔知可以點改善...叮叮師姐都同我講過我呢個問題....
唔好用膝蓋發力 + 大力踩地下...
原帖由 曲奇 於 2009-5-24 00:17 發表 https://www.longrun.hk/forum/images/common/back.gif
唔好用膝蓋發力 + 大力踩地下...
其實我唔係好知自己用緊邊度發力....不過每次跑完長d距離...最痛既會係腳碗...膝蓋就唔會好痛...大小腿都會有d酸軟...patpat間中先會有反應.....
原帖由 billy_yau 於 2009-5-24 00:22 發表 https://www.longrun.hk/forum/images/common/back.gif
其實我唔係好知自己用緊邊度發力....不過每次跑完長d距離...最痛既會係腳碗...膝蓋就唔會好痛...大小腿都會有d酸軟...patpat間中先會有反應.....
看來你問番d專業人仕意見啦....
我這半桶水冇資格教人..
原帖由 billy_yau 於 2009-5-24 00:15 發表 https://www.longrun.hk/forum/images/common/back.gif
其實我唔知可以點改善...叮叮師姐都同我講過我呢個問題....
星期一落嚟同大家練吓基本功, 偷吓師囉!
咁多師兄師姊俾你問.
咁大力落地, 好傷腳架!jhgj1_58ghj
原帖由 叮叮噹 於 2009-5-24 00:23 發表 https://www.longrun.hk/forum/images/common/back.gif
星期一落嚟同大家練吓基本功, 偷吓師囉!
咁多師兄師姊俾你問.
咁大力落地, 好傷腳架!jhgj1_58ghj
我而家返緊兩份工...夜晚果份返六放十.....應該無咩機會落到鄧記架啦....ng41hgh
原帖由 曲奇 於 2009-5-24 00:23 發表 https://www.longrun.hk/forum/images/common/back.gif
看來你問番d專業人仕意見啦....
我這半桶水冇資格教人..
你都好專業架啦.....
原帖由 billy_yau 於 2009-5-24 00:25 發表 https://www.longrun.hk/forum/images/common/back.gif
我而家返緊兩份工...夜晚果份返六放十.....應該無咩機會落到鄧記架啦....ng41hgh
俾心機, 自己練跑, 唔好偷懶喎!
我覺得練碎步配合擺手, 訓練節奏感同放輕腳落地.
原帖由 叮叮噹 於 2009-5-24 00:29 發表 https://www.longrun.hk/forum/images/common/back.gif
俾心機, 自己練跑, 唔好偷懶喎!
我覺得練碎步配合擺手, 訓練節奏感同放輕腳落地.
會繼續練架...不過無以前咁方便..一收工就可以跑姐.....
原帖由 billy_yau 於 2009-5-24 00:25 發表 https://www.longrun.hk/forum/images/common/back.gif
我而家返緊兩份工...夜晚果份返六放十.....應該無咩機會落到鄧記架啦....ng41hgh
Billy兄
加油呀，放假時再跑都得ar
Billy兄 加油呀.
原帖由 billy_yau 於 2009-5-24 00:32 發表 https://www.longrun.hk/forum/images/common/back.gif
會繼續練架...不過無以前咁方便..一收工就可以跑姐.....
Billy，練還練，都要好好休息保重身體！
加油呀！ngD156hgh
28 May 200916.84km
四日假期終於都開始左, 今朝一早起身, 就即刻出左去跑步. 由香島中學出發一直向濕地公園方向跑, 直至去到水邊圍跟住就沿輕鐵軌邊向屯門碼頭方向進發. 當去到屯門碼頭望一望電話個gps顯示, 已經跑左16k幾, 咁就打算今日跑夠皮, 可以搵地方拉筋然後坐車返屋企, 選擇左响悅湖山莊側邊一個公園仔度拉筋, 連埋休息大約用左三十分鐘, 本來諗住坐車返屋企, 但係一諗到又要坐輕鐵又要轉西鐵, 不如行去西鐵站重好啦, 所以就無坐輕鐵, 當行到去皇珠路橋底果陣, 見雙腳唔係太攰, 又再起跑跑左去屯門西鐵站作為今日跑步既終結.
坐緊西鐵果陣, 睇一睇電話個GPS同手錶計到既時間有D出入, 返到屋企再上網自己計一次今日既哩數, 又係同GPS既數據有D出入, 最後就採納左手錶同上網計出黎既數據, 愛黎計算今日所跑既時間同距離.
香島中學-->屯門碼頭1h35m34s14.96km(6m23s/km)
新屯中-->屯門西鐵站11m28s1.88km( 6m6s/km)
http://img2.pict.com/30/2a/39/e8f6acb3440ca5ac88b925e132/sOCP4/27042009a.jpg
http://img2.pict.com/28/2d/85/b66531110aa613703389d002f2/AKv3F/27042009b.jpg
http://img2.pict.com/aa/b9/87/fd2487b1b4f9e321dc1c1dd57e/qv13t/28052009c.jpg
http://img2.pict.com/44/a9/d1/4d2e358948250c6744463f5d9e/pi9OW/27042009.jpg
29 May 2009網友約跑 之 港島鬧市尋休 11.4km
尋晚因為唔洗返兼職, 所以就參加左今次約跑, 因為自從無去邪神班之後, 實在太耐無見過一班港島跑友. 其實一路坐車去cwb果陣, 雙腳依然好緊同埋痛, 已經一早响心裡面有plan b, 就係一覺得唔掂就即時調頭返終點.
七點度去到摩頓台, 其實我一直都唔知銅鑼灣運動場响邊, 只係記得提督話响中央圖書館附近, 咁我就朝住呢個方向去搵啦, 當去到中央圖書館外圍, 一條好陰暗既行人小路, 就見到格離個草場有一班人响度踢緊神腿, 咁我就知道銅鑼灣運動場既所在啦. 入到去換埋衫就慢跑左兩個圈同埋開始踢腿, 邊傾計邊做熱身之後, 大隊就開始預備出發, 影埋相再擾攘一番之後, 一行二十幾人就正式離開運動場, 向今晚既路線出發.
一開始既時候, 主車群已經一支箭咁離我地幾個慢腳師兄/姐而去, 咁我地呢幾個唔識路既跑友, 就一直跟住fat-b師兄跑, 當去到樂活道上斜, 我先知原來今晚既重點係跑斜路, 心諗...大件事啦...尋日先跑完16k今晚要玩上斜, 死梗啦. 初初上斜果陣我都諗住慢慢跑拍住ee佢地一齊上, 但係去到唔夠一半既時間, 前面既師兄同師姐同我既既步伐實在好唔夾, 攪到我真係好辛苦, 咁我就唯有賴底ee自己抽開少少越過呢兩位師兄/姐, 獨自加速跑上呢條見唔到斜頂既斜路. 好唔容易先至去到斜頂, 見到曲奇師姐响度等我地, 我就按佢既指示追住wongc師姐跑, 我都襯住呢段平路慢慢調適好自己既呼吸, 因為我响出發之前聽到 cu sir 話乜鬼油站等, 以我平時渣車既僅有知識, 知道大坑道去油站應該重有一段斜路既, 所以無好似其他師兄/姐咁係咁放快, 留返d氣完成果條斜路. 跑完大坑道轉上天橋我就再次慢慢地發力向前跑, 終於都响千辛苦萬苦之下見到一大班師兄向我打氣, 咁我就完成左今次約跑既最高點. 當所有師兄/姐都跑到上黎再休息完之後, 大隊就向住回程既方向向山下面跑, 回程我就一直同ee一齊跑返落去, 本來去到畢拉山腳, ee同fat-b都話唔跑上去, 我地三個從上黎果條路跑返落去就算, 點知大隊原來停哂响山腳等埋我地先至向斜路進發, 咁我地唯有一齊向住條又係唔見頂既馬路慢跑上去, 本來諗住同ee慢慢跑上去既, 但係跑唔到一半老問題又出現, 就係個步速唔就我, 真係重辛苦過行路, 所以我就同ee講响斜頂等佢, 自己就按住自己既步速跑上去斜頂, 跟住既路程都係咁樣, 有上斜我就响斜頂等佢, 好舒服吹住水咁完成左今晚既約跑.
跟住大班人一齊去左運動場附近既英記開飯, 印象之中好似係第一次同wayway一齊食飯, 差d比佢笑死人無命陪, 食到十一點幾就大家各自返屋企lu.
http://img2.pict.com/e5/35/0c/f8112a4be92403ddc60fce672b/xglVl/29052009b.jpg
http://img2.pict.com/d2/81/76/983c0dadc2f3b5c7c218feafb8/th4Lt/800/29052009a.jpg
http://img2.pict.com/5a/2c/0a/e88887940141e8509b7e9d238f/LQr70/20090529.jpg
[ 本帖最後由 billy_yau 於 2009-5-30 14:44 編輯 ]
30 May 20098.1km48'16"
今晚返工果陣突然泛起一個念頭, 就係不如放工之後跑返屋企都好喎. 就係咁, 今晚一放工就開始跑返屋企, 由景峰開始跑, 經過兆康西鐵站, 跟住再沿住輕鐵軌去到洪水橋, 再沿大坑渠一直跑到去天華邨, 可能因為尋日跑完山既關係, 隻左腳又開始痛返, 今晚呢個即興既跑步, 下次都係要諗真d先好.
景峰-->天華邨停車場48'16"
http://img2.pict.com/06/9e/98/e003b121f00d15f33a3c126b96/OFOtE/30052009b.jpg
http://img2.pict.com/fd/70/ec/35ba5476f93e69dacb5cc80cb3/piMPz/30052009a.jpg
[ 本帖最後由 billy_yau 於 2009-5-31 00:50 編輯 ]
連跑3日,你都好勁下喎!
睇怕下次有機會再同你跑,實跟你唔到啦~~
原帖由 亞平 於 2009-5-31 00:45 發表 https://www.longrun.hk/forum/images/common/back.gif
連跑3日,你都好勁下喎!
睇怕下次有機會再同你跑,實跟你唔到啦~~
我次次都係你既大後方...梗係跟唔到啦....
搵日約埋藍罐一齊征服菠蘿包好無 <---- 跑山跑上癮
原帖由 亞平 於 2009-5-31 00:45 發表 https://www.longrun.hk/forum/images/common/back.gif
連跑3日,你都好勁下喎!
睇怕下次有機會再同你跑,實跟你唔到啦~~
x2, 實係影都唔見啦!
今年你有2個可能
1可能進步得好快
2可能跑到傷
:lol
加油啦
[ 本帖最後由 sleung2002hk 於 2009-5-31 20:54 編輯 ]
