|
本帖最後由 dmy 於 2013-5-13 10:37 編輯
母親節約跑後記
我好少約跑寫後記, 今次例外啦.
Wilson 要陪媽子飲茶不能出席... 好囉, 唔駛跑19k... 你知啦, 華山長課甘過平時半馬架.
當日四大高手光臨一齊華山論跑. 出發時好熱鬧. 出門時啱啱落微雨, 出發時又冇, 出發冇耐就見前面一大舊烏雲, 去到敬袓路時開始大雨, 一直上麗瑤條 "頭文字D" 山路都係好大雨. 大雨中上華山我都係第一次. 如果未出發都可能唔跑, 但都跑緊, 個個頂硬上, 經過巴士站時等車啲人都口up up 覺得我哋係傻嘅....不過上華山條路雨就細咗好多, 淋濕咗個身, 冇咁熱, 跑得比較舒服. 雨上到去就停喇, 下山時都冇落, 真好彩.
wu so 同啤梨跑番深井, 所以下山中途向右走, 我哋就向左走. 唔記得話俾 mill 姐佢哋我哋嘅習慣係會返去出口 D 吹一陣水先散 band 係我大意. 之後我哋幾個去公園揾地方做 core training......不過我之前一日做咗魚家, 又懶, 又感覺到有蚊咬我, 做咗一陣就唔做喇.
今次約跑非常完滿, 下次再見. |
|