|
本帖最後由 joelkk88 於 2013-4-28 20:07 編輯
今日好開心與大家跑了個STS 30km pre-trip, 認識了很多新朋友, 雖然STS賽道上岔路頗多, 但大家都在岔路位等齊人再跑, 所以過程都好順利, 冇朋友走失. STS耐唔耐就整一段隱蔽小徑, 令大家跑時都加添了些挑戰性, 冇淨係跑引水道/港島徑咁悶~~ 不過部份路段如臨近薄扶林水塘一段, pre-trip的朋友需要穿過官地爬鐵欄入閘, 又要兜水塘鐵絲網才能出閘, 那段賽道設計就不是那麼好了, 不過於比賽日, 兩道鐵閘應該會打開讓參賽者直接通過~~
Pre-trip 的starting point淺水灣, 剛好今天Action Asia港島站賽事也是在那裡舉行, 他們紮的指示布條也引領了我們頭一段路~~
在CP1至CP2期間, 遇上恆行之友B小隊pre-trip, 其“超級熱情”的小隊領隊一開始就好努力地要踢我地全隊入佢地隊, 仲要每分鐘都報幾次數: 1, 2, 3, 4…… 真係山藝班既忠實fans~~ 佢都好努力焗我地報數, 最攪笑係佢見到你, 第一句就會問你 “你幾多號?” 真係O晒咀~~ ^^!! 除咗同我地講佢地操得有幾勁之外, 佢仲好落力sell佢地旅行隊個6月30日比賽, 不過要留意, 佢大概冇講過個比賽係冇任何support俾你, 你唔識路走, 亦都唔會有人理到你……
跑到山頂花園, 撞到Ester同阿平都來跑pre-trip, 下午4時多, 大家終於順利跑到終點位處的公園, 大家互相慶祝一番之餘, 也不忘來個大合照, 完滿結束了這次pre-trip~~
|
|