神童多謝大家支持！再見~

大B

原帖由 神童威威 於 2010-8-12 22:37 發表

                               
登錄/註冊後可看大圖

大B,
唔好意思呀 ！神童太少見世面，你係ching定ctse ？我地有冇見過面嫁？
Anyway.多謝你的到訪！多謝你的贊賞 ！此Blog睇下就算喇！
我都希望自己可以練多D，不過實在太多內外 ...

神童兄, 小弟住新界北, 應該無見過西北跑友...

神童威威

原帖由 running-sue 於 2010-8-13 00:07 發表

                               
登錄/註冊後可看大圖

ed咪係神童囉

哈哈！所以我都打算唔練就去玩全馬算吧 ！

神童威威

原帖由 大B 於 2010-8-13 18:42 發表

                               
登錄/註冊後可看大圖

神童兄, 小弟住新界北, 應該無見過西北跑友...

大B兄,星期一晚有時間過來屯門鄧記玩吖！好多大西北朋友一齊操，好好玩嫁 ！

燉奶佬

你幾時又改返懶惰神童架！人地俾你激勵到開始日日跑，你竟然偷懶！好涉氣呀！

神童威威

原帖由 燉奶佬 於 2010-8-13 23:52 發表

                               
登錄/註冊後可看大圖

你幾時又改返懶惰神童架！人地俾你激勵到開始日日跑，你竟然偷懶！好涉氣呀！

我話唔練就跑全馬係因為百厭開學後應該沒有時間練，我冇話偷懶唔跑吖 ！
我都話此blog睇下就算，唔駛咁認真嫁 ！令到你涉左氣真係唔好意思，不要放棄，加油 ！

神童威威

大西北長課
自年初二果次大西北長課之後，相隔半年終於可以再參與，真難得，
更難得是半年後可以再同鬼兄一齊拍住走 。
今早一行六人(Wong sir,Nancy,蕉仔,鬼兄,晶哥同我)，熱身後就出發，
原計劃在公園跑大圈避過太陽伯伯，但天上突然出現黑雲，結果改變計劃跑街街，
在微雨+太陽下跑了8K，跑得好舒服，亦都破左自己8K最慢紀錄，50分鐘完成 ，
哈哈 ！這個步速用來跑全馬都不錯...

今日跑了約8K(時間50分鐘)

CHOCOLATE_DAVID

依幾日下午太陽伯伯好熱情喎!飲多啲水呀~

鬼影

原帖由 神童威威 於 2010-8-14 18:37 發表

                               
登錄/註冊後可看大圖

大西北長課自年初二果次大西北長課之後，相隔半年終於可以再參與，真難得，更難得是半年後可以再同鬼兄一齊拍住走 。今早一行六人(Wong sir,Nancy,蕉仔,鬼兄,晶哥同我)，熱身後就出發，原計劃在 ...

神童兄, 多得你同我一齊跑!唔覺唔覺又跑完8K. 速度對我來講唔重要, 最重要係開心做運動.
真係要多謝 Wong sir 同大西北同學的安排

神童威威

原帖由 CHOCOLATE_DAVID 於 2010-8-14 20:36 發表

                               
登錄/註冊後可看大圖

依幾日下午太陽伯伯好熱情喎!飲多啲水呀~

謝謝你的提醒 ！不過我咁鬼死懶點會烈日當空去跑吖 ！

神童威威

原帖由 鬼影 於 2010-8-15 10:43 發表

                               
登錄/註冊後可看大圖

神童兄, 多得你同我一齊跑!唔覺唔覺又跑完8K. 速度對我來講唔重要, 最重要係開心做運動.
真係要多謝 Wong sir 同大西北同學的安排

唔係呀！喺青山村我同你一齊追輕鐵時都見你好有速度吖 ！

神童威威

Wong sir訓練班(第七十六堂)23/8
放工回家後立即換衫直奔鄧記...
新屯門中心 → 鄧記    時間:17'37"42

到場已見各同學進行緊基本功，立即攝位跟操，可惜有一項動作不能完成 ，
經Wong sir指導後都係自己跨步動作操練太少導致，唯有日後練多D啦！
完成基本功後大家一齊慢跑前往蝴山公園再步行至衝斜場地。
鄧記 → 蝴山公園       時間:15'28"20

今晚主菜:衝8組斜路(約150米)
第一組 52"
第二組 53"
第三組 49"
第四組 59"---改善跨步動作
第五組 57"---改善跨步動作
第六組 55"---改善跨步動作
第七組 50"---改善跨步動作
第八組 41"---終於忍唔住同P哥爆衝一組

今晚跑了7.2K (不愉快的一天)

[ 本帖最後由 神童威威 於 2010-8-31 22:56 編輯 ]

亞平

原帖由 神童威威 於 2010-8-24 22:54 發表

                               
登錄/註冊後可看大圖

Wong sir訓練班(第七十五堂)23/8
放工回家後立即換衫直奔鄧記...
新屯門中心 → 鄧記    時間:17'37"42

到場已見各同學進行緊基本功，立即攝位跟操，可惜有一項動作不能完成 ，
經Wong sir指導後都係自己跨步動作操練太少導致，唯有日後練多D啦！
完成基本功後大家一齊慢跑前往蝴山公園再步行至衝斜場地。
鄧記 → 蝴山公園       時間:15'28"20

今晚主菜:衝8組斜路(約150米)
第一組 52"
第二組 53"
第三組 49"
第四組 59"---改善跨步動作
第五組 57"---改善跨步動作
第六組 55"---改善跨步動作
第七組 50"---改善跨步動作
第八組 41"---終於忍唔住同P哥爆衝一組

今晚跑了7.2K (不愉快的一天) ...

不愉快的一天..因為只跑了7.2k..還是因為有些人提早跑到了人生終點?

神童威威

麥徑7-10段(28/8)
今日有幸參與3PS小隊操山，之前連25k都未跑過的我竟然能夠完成37k山路都算是一個創舉 。
個過程經過實在太刺激，又黃雨又停雨，又上又落，又快又慢...
完全唔曉掌握 ，多得3P從中提點先能順利完成，多謝晒 ！
雖然今次Sue姐受傷未痊癒未能一起參與，不過已經從3P中學到很多行山絕技，
希望再有機會和大家一起操過，還有玻璃腳受傷是正常的事，未跑前都估到跑完一定有事，
要大家擔心真係唔好意思 。

時間如下：
CP7       1:24'01"
休息            2'37"88
CP8       1:30'17"
休息          15'12"30
CP9       1:09'01"
CP10     1:48'12"
總時間= 6:09'22" (約37K)

燉奶佬

神童好勇猛呀！o甘都俾你完成左，我都係上次行完7,8 就閃，今次行9,10(有部份short cut)，無你o甘好毅力行晒成段7-10。下次俾條護膝帶你試下會唔會好d啦！

神童威威

原帖由 燉奶佬 於 2010-8-29 11:05 發表

                               
登錄/註冊後可看大圖

神童好勇猛呀！o甘都俾你完成左，我都係上次行完7,8 就閃，今次行9,10(有部份short cut)，無你o甘好毅力行晒成段7-10。下次俾條護膝帶你試下會唔會好d啦！

邊度勇猛吖 ！都是貪玩去試下姐，險些又玩出大頭佛(玻璃腳重創)。
不過今次操山令我領略到跑步就可以跑天才，行/跑山就冇得騙人，一定要不停地操先至得。
你狀態快d番嚟啦！十卜隊要有你d老手在陣先頂得住嫁！

神童威威

Wong sir訓練班(第七十七堂)30/8
上星期六行完山後真係好攰，對玻璃腳非常緊 ，有打算缺席一課，
不過百厭星就開學喇！玩得一堂得一堂，幾攰都要參與下。
到場熱身三個大圈+基本功後就開始今晚主菜：5K測驗
好想玩，不過玩完一定出事，而且相信時間一定唔會太好，
結果跟Iris ctse一齊跑，知道佢要跑2'10"一圈時，心諗"正"呀 ！
真真正正可以比我慢jog一下...最後都達到指定目標完成5K。

時間如下：
2'02"61  2'08"70  2'09"18  2'10"96  2'09"43  2'09"78
2'08"71  2'07"63  2'07"60  2'06"08  2'04"67  2'06"17
1'01"18(最後200m)
總時間：26'32"70

跑完真係冇咁緊...之後快快去洗白白和一大班ching ctse食晚飯。
今晚跑了6.3k

[ 本帖最後由 神童威威 於 2010-8-31 22:57 編輯 ]

神童威威

8月份訓練
  2/8 Wong sir訓練班(七十三堂)      9.4k
  7/8 黃竹坑運動場                            5K(5k測試22'09")
  9/8 Wong sir訓練班(七十四堂) 游水1.5hrs.
14/8 湖山公園 → 蝴蝶灣公園(來回)      8k
23/8 Wong sir訓練班(七十六堂)       7.2k
28/8 麥徑7至10段                            37k(6:09'22")
31/8 Wong sir訓練班(七十七堂)        6.3k(5k測試26'33")

今個月跑了35.9k+游水1.5hrs.+行山37k   

總結：今個暑假都算過得充實，雖然唔係跑得好多，不過可以游下水行下山都算唔錯。
         百厭星又要開學喇！相信返訓練班的日子又要減少了 ，唯有寄望自己繼續Keep住去跑啦！

燉奶佬

原帖由 神童威威 於 2010-8-29 18:28 發表

                               
登錄/註冊後可看大圖

邊度勇猛吖 ！都是貪玩去試下姐，險些又玩出大頭佛(玻璃腳重創)。
不過今次操山令我領略到跑步就可以跑天才，行/跑山就冇得騙人，一定要不停地操先至得。
你狀態快d番嚟啦！十卜隊要有你d老手在 ...

落山尤其傷腳，真係唔講得笑，我都學緊佢去落斜路既技巧。玩山真係唔係佢地個皮，操fit 左玩幾段勉強都可以既！到時都係聽佢地法落 ，希望輕巧d啦！

神童威威

Wong sir訓練班(七十八堂)6/9
期待以久的第二次接力賽終於今晚舉行了，由於第一次之接力賽因發燒關係無緣參加，
所以很高興今晚有份參與其中(5x400m,1600m,400m)，真係好有以前陸運會的氣氛，
而且仲欣賞到咁多高手同一時間比拼真係難得。
在此多謝Wong sir攪今次的接力賽 ！實在太刺激 ...
多謝有份協助籌辦的ching ctse！辛苦晒 ！
多謝一班義工的ching ctse幫我地計時 ！你地一定睇得好精彩啦！
多謝我組的隊友(偉沖隊長、Jimmy ching同蕉仔)，大家好落力，雖然三項總分後要包尾，不過我地每項項目都沒有放棄，直奔終點 ...
恭喜晒得獎的組別！(下次唔好中途換人呀！ )
多謝晒Nancy的月餅 ！多謝晒Sue姐的小禮物 ！
好開心過左愉快的一晚 ...
暫時要告別大家喇 ！有時間我會落嚟探下大家嫁！大家加油呀 ！

今日跑了5K

[ 本帖最後由 神童威威 於 2010-9-7 22:01 編輯 ]

神童威威

青公長課
唔經唔覺又懶左兩星期 ，所以決定今早清晨6:00去跑左轉青公長課...
今早天氣不錯，可能太早關係唔係太熱。
去到深井見到已約的同事正在拉緊筋，所以立即叫他繼續上路，
可惜佢跑左唔夠1k隻腳仔已經唔聽話，不能跑得太快。
自己唯有遺棄他加速返去終點，就是這樣...不知不覺就順利完成了一次久違的長課。

今日跑的分段時間
新屯門中心 → 三聖恆福花園                       8'51"75
三聖恆福花園 →小欖航海訓練學校             31'46"55
小欖航海訓練學校 → 深井嘉頓                  37'44"10  
深井嘉頓 → 荃灣西鐵站                           27'57"17
全長約19k                         總時間 ：1:46'19"37