|
原帖由 loudspeaker 於 2009-8-24 13:16 發表
小弟有事請教幾位~~
Loud 兄,小弟自練左幾課自由式,跟Loud 提及既要點而家有少少進步...
有幾個問題:
1. 有日游海,因為浮力大所以感覺比游池更舒服,但係游極都極唔到直線,要成日"岳"高頭望,想問除左要多練習令左右力量平均之外仲有咩方便可以游直d 或者知道自己游得直唔直?
A : 游海基本為預先尋找遠處能見目標物 ( 例如 山 , 高点建築物 , 停泊之船隻...) , 我地双手好難做到 2 邊相等力度 , 在泳池因為可以見到池底水線便不會游歪 , 須要游 8-10 下便岳高頭向望清目標 , 好像打水球運動員 , 將頭部升上水面 , 用自由手繼續游 , 須要練習一段時間。
2. 買左骨頭同浮板,而家游池分開手腳練,想問用骨頭游點轉池,而家轉池好狼狽...
A : 跟自由式轉池一樣....去度見到池底個 T-mark...游多一下手 , 双腳 "放鬆" 緊合 , 利用衝前力, 打个筋斗...便轉塘。
3. 自由式長途係咪應該一組手一組腳呢??
A: 如果是 TI 泳式 , 它是 左手伸前時, 便打一下右脚, 右手伸前 , 便打一下左腳 , 基本上我現在還做不來 , 現在建議, 一組手 2 組腳會適合 d , 速度不至太慢 , 同時有節奏會游得比較舒服。
4. 比賽係咪一定要帶泳帽? 927 個比賽有沒得送??
A: 是, 9.27 應該有掛 ,
另外星期六練左第一次車,點幾鐘食左全條青公,好似去左火焰山,全程晒住,平時跑上落唔係好覺斜,盡量唔轉檔,上斜好辛苦,回程沒力,35km 用左成1:20,下星期六會再黎,希望好d...
咁曬因住中暑(同我講咋 , dee 兄行過毅行者另計 ) , 唔轉檔, 反而練唔到野 , 心肺負荷咪好重 ,
反而想練好 d 肌肉效率 , 反而應該 keep 住 , 踏頻在 90 rpm 左右(有幾快, 可以自己校輕腳波段用表去計下)
星期日我用較細波段踩左 35km 左右 , 反而快過用大歯牙餅 , 而且無咁累 , 下次可以試下。
假如上斜唔轉較大 尾 齿牙, 心跳率過高, 肌肉會進行無氧運動 , 易累和無咁有效率
好詳細,再試下先~~
仲有d 細節問題,下次見面再請教,唔該晒Loud 兄~~
我天生似熱帶人,大吉利是講我唔係好怕中暑,反而好中意晒住爆果種感覺,星期六果日俾個太陽虐待但係好快感~~
原來係咁,仲以為谷下大餅練到力添,下次會試下~~ |
|