|
|
oscar, 係呀2011渣打全馬!
今季唔跑廈門, 所以操練比較遲起步, 今年3-10月都係HEA跑, 無乜點操, 想搵週過30K都好難; 10月尾先正式開操, 操左一個月, 開始慢慢上力, 希望下年2月中可以將狀態推至高峰!
剛剛星期日渣馬後第一次走長課, 路程應該同奶奶果課一樣, 詳情如下:
自己知自己事, 今季20K以上都未走過, 又點可以跟人走35K長課呢? 所以當其他人係運動場起步架時候, 我靜悄悄一個人在引水道熱身!
拉左幾個字筋, 都未見有人上來, 開始有點擔心, 心想:佢地會唔會唔經引水道呢?(因為我其實唔知正確路線係點走, 聽到長課標題有城門兩字, 以為會經引水道.) 等下等下, 雖然有太陽, 但都感到有點涷, 故JOG住等, 到8點3, 仲未見人, 正打算自己獨自順走菠蘿霸之際, 見到佢地其中一位女跑友獨自走上來, 估計大軍好快殺上, 但5分鐘後還未見沙塵, 有點尿急, 便JOG落小食亭小解, 點知途中竟然與大軍相遇, 去唔去好呢? 都係去左先, 然後全速衝上條斜路, 追返大隊.
頭幾K拍住大師兄走, 走4'45 PACING, 大家都好守規舉跟住走, 點知4K後S師兄突圍, 越走越快, 大師兄被迫力追, 由於我唔識路, 故亦要死跟, 不過雖然已經用力去走, 但仍然被越拋越遠, 好在到引水道盡頭時, 大師兄收油, 等埋我一齊走, 否則我真係唔知點樣找到去下花坑引水道的入口!
下花坑頭一段是落斜, 我正慶幸可以趁機回氣之際, 大師兄一句: "返轉頭你就知死!" , 落得越輕鬆, 上得越痛苦, 呢個係千載不變的定律, 不過可唔可以等我開心多一陣先講呢?
之後幾K同大師兄有講有笑, 見到LUCKY架時候, 佢仲奇怪LUCKY今次點解唔追佢, 我當然知點解, 因為大師兄就住我的關係, 呢次走得特別慢囉!
大師兄介紹完補水位之後, 眼前突然出現一望無際的海景, 呢條路原來可以看到青馬大橋景色, 點解我係呢道比賽過幾次都唔知! 可能我比賽架時候太專住......望女仔了
跟住大師兄同我講, 如果係彎曲的引水道走4'45/K, 就等如直路走4'35; 跟住又講, 好似而家一路跑一路傾到偈的話, 其實可以走到4'30...
我竟然信以為真, 回程的時候唔再出聲, 順腳走, 雖然並不感覺到辛苦, 不過聽到大師兄的呼吸聲越來越重, 似乎唔多對路! 不過, 加快了的腳步, 要收談何容易? 走到18, 9K, 開始感覺到熱, 于是趁係補水位斟水的時候, 乘機墮後; 沒有我的壓迫下, 大師兄又跑回原來輕鬆的步伐, 而我就離遠望住佢尾燈走.
一口氣谷完條斜路出荃錦公路, 大師兄想等埋其他師兄, 故慢慢行回城門引水道尾, 但良久都不見其他師兄的踪影下, 我們唯有先行跑回去, 最後幾K, 我已經完全無法跟到大師兄的速度了, 死捱難捱之下, 回到終點已油盡燈枯, 乾曬塘><
分段如下(跟引水道柱位)
4'48,4'55,4'51,4'41,4'21
3'59,1'59(荃錦公路路段), 4'52,4'52
9'41(2K), 4'47,4'44,4'43,4'46, 2'25(半程約15K, 1:10)
2'29,4'32,4'27,4'37,5'02,9'47(2K), 4'52,5'46,7'42(行荃錦公路路段+尾900)
4'54,4'52,4'54,5'01,5'03 (2:24)
*一時引起, 借奶兄地盤一用, 希望佢唔好見怪! |
|
樓主
發表於 2010-11-29 10:19:08
發表於 2010-11-29 23:51:20
