|
原帖由 大圍新跑手 於 2010-1-24 21:39 發表
2010.01.24 陸上兩項鐵人聯賽 - 比賽 2
今朝個比賽跑頭果5K可能冇熱身,跑左冇耐小腿開始有D痛~
跟住到踩28K單車,太耐冇踩好似踩唔起咁,頭幾圈冇咩機會試勾車,後尾幾圈搵到個差唔多速度既外籍人士,於是跟住佢 ...
大圍兄, 雖然冇熱身, 但你頭5km已經跑得好快. 我諗你踩唔起是因為今次部單車比較實, 所以要重腳d. 勾到車真係差好遠, 可惜我都勾唔到, 本來第一圈勾到一組車群, 即時好輕鬆咁去到35-36km/hr. 但旁邊有個我個選手 (我諗佢唔係踩開車, 因為佢著跑鞋踩的), 突然間挨過來, 唔知佢想勾埋一份, 定怕後面d車殺上黎, 但佢挨得好急, 我即急剎車, 差d炒車咁滯. 之後就"luck"左個車群, 再勾唔到其他車群了. 之後一條友踩真係踩得好辛苦. 你可能未適應轉項的肌肉轉換, 所以我見你都跑得幾甘下. 阿loud兄教我, 都幾有用, 下次試下落車前的500m左右把波段調低, 讓自己快腳頻, 但冇之前咁用力, 落地後對腳就冇咁酸, 可以幫助肌肉快d適應轉項. 試過之後, 真係會舒服dd. |
|