|
原帖由 oscar 於 2009-4-7 09:57 發表
其實上次畢拉山你抱病上場,睇落好似仲無呢場咁辛苦!睇黎你同我都係耐力形,跑速度真係有排練,不過你依家有去星期一沖下,應該會好好多ge!尋晚跑成點﹖仲有,點解你可以成日出黎,乜你唔使教女做功課同溫書咩﹖hg ...
畢拉山辛苦過SCM 全馬,呢場辛苦過CCM 半馬...
我既問題係,一要衝就死,FM/HM 同我差不多能力既師兄,跑interval 一般都快我半條街,我估應該係我由細到大都無玩過爆炸力既運動同訓練,仲有小弟而家都仲有"不良嗜好",我睇要解決左呢兩個問題至可以更進一步...
近來衝多左好多,而家感覺對速度掌握好左少少,但好似星期日跑6k 咁就真係感受唔到有咩進步,長路漫漫...
Oscar 師兄而家為左千金既功課無咩機會練速度,會唔會影響自己既進步呢??
講到個女,我同大部份香港人唔同,我係儘可能唔參與佢既功課,佢而家既成績叫晌精靈班中遊,當然如果我鞭策下佢可以更好,但第一雖然佢只係P.5,而家D 功課已經深到我好多都唔係好識,連中文有D 都搞唔掂,所以我會叫佢儘量問老師同同學,第二書始終係佢自己讀,我想養成佢自己既責任,有困難儘量自己去解決,一路升上去始終越來越靠自己,當然有時見佢少少退步就會睇下,一上番正常又唔理佢~~
大女小雪10 歲幾啦,自己10 歲既時候都有好多自己既想法,我俾好大空間佢,做老豆當然緊張自己仔女,但自己既生命唔係完全交托晌自己仔女度,同樣佢地亦唔係為左自己而生存,係一個獨立既生命,始終有日佢會有自己既生活,所以我都唔想支配佢地,當然而家咁細個仲要我去引導佢地~~
我除左練跑仲有其他要做,真係好忙下,試過一段時間內一份正職四份秘撈,而家仲有一份,所以我抽時間練跑係好大困難,但長跑又係生活既動力,長跑可以令自己堅持好好生活下去,而且有健康強壯既身體至可以照顧到身邊既人,所以我寧願犧牲同佢地一齊既時間,一星期只得一至兩晚一齊食飯,如果係長假期佢地仲會番晒婆婆度,有時幾星期唔見,如果佢地番泰國探親戚最長可以過去半年,量係少,但質唔錯,大家都會珍惜一齊既時間,同佢地感情唔錯架~~
每個人既情況都唔同,呢D 只係自己既睇法,Oscar 兄可能比我更辛苦,加油啦~~ |
|