|
原帖由 叮叮噹 於 2009-4-25 11:35 發表
....食物方面. 我要諗諗點樣記低自己食左咩, 點樣可以易d 睇見自己亂咁食野, 警惕自己.....
飲食記錄係好有用, 睇番自己食左嘜東東, 身體反應, 體重進展.
睇完就唔敢亂食嘢架啦! 見營養師都要睇妳 ... [/quote]
係呀... 多謝叮叮噹ctse提醒.... 今日當我諗住想買咩食, 都會諗諗.... 暫時都唔係好似ctse 咁清淡... 但已經阻止我無休止咁去為食野而食野.
記得有次玩完滑浪風帆, 我為左杯咖啡, 因為見到個餐好抵食, 明明好飽再食多左d我根本唔需要既食物.... 成日諗住運動完就食多少少都唔緊要. 攪到今日再上磅又再驚一驚...
尋晚搵野見到自己幾個月前買既一本書叫"纖體塑身", 之前無點睇真, 今日睇番發覺好o岩我睇. 入面講既心理上的問題, 正正是我成日減極都唔成功既原因. 入面都有提飲食日記... 等我依家記一記今日食左咩:
今朝妹妹食公仔面做早餐, 因為我趕住去上獨木舟堂, 就食左佢一半。之後因為未夠飽, 就買左7仔燒賣黎食, 加左一罐雀巢咖啡. 食完有d後悔, 因為又唔好食同埋肥...
下晝12點就食左盒波仔涼瓜排骨飯+另一罐雀巢咖啡.... 上完堂5點番到出西貢, 因為知道夜晚會8點吃, 又受唔住咖啡引誘, 食左個腿蛋治 + 熱鴛鴦..... 本來諗住填肚的小面包就拎左番屋企...
回家吃了母親大人的愛心蕃薯糖水, 於是吃飯時就吃好少飯了. 今晚有蒸魚一條, 我還吃了一隻雞翼, 仲有最肥的豆豉鯪魚油麥菜. 飯後又喝了華田.... 再加幾片西瓜作飯後果.
總結... 自己睇完都覺得幾驚, 唔寫都唔覺自己食左咁鬼多野.... 而一再想自己戒咖啡等飲品但唔成功... 似乎仲越飲越多...
不過為左將來早餐可以清少少, 我買左d果仁同乾果準備溝埋d 麥片一齊食, 增加佢(麥片)既吸引力, 希望成功令我公司樓下既美味燒賣失色, 從而食少d... !
至於是日運動, 只有獨木舟... 10-12, 1-3 total 是4小時, 應該實際行動最少都有2小時既... 本來都想夜晚出去跑步, 但想落去時就落雨...
跑步就要明早努力了! |
|