|
尋日跑完之後, 趕住返屋企所以冇同大家特訓, 跟住一直有好多節目, 到10點幾先返屋企, 好攰... 好攰... 瞓左
唸住今朝先打番個"小報名", 原來大家已經忍唔住自己興奮既情緒, 睇番大家既跑後感, 實在精彩
咁我就偷吓懶, quote埋一齊方便大家慢慢回味
原帖由 烏拉 於 2010-3-20 12:43 發表
死完返到黎啦
慢腳短腳組14k. 唔記得按錶唔知時間
一出運動場開頭個一兩k平路都勉強跟到
到開始上斜路. 勁墮後. 轉多兩個上斜彎前邊已經唔見晒d師兄
上到大回旋處要過馬路都仲好似有一兩個係前面既. 再上多一陣真係唔見晒人lu
非常感激JC兄. 全程帶住我跑.
又鼓勵又教我點呼吸會好D. 搞到佢跑慢晒黎就我.
仲有連我樽水都幫我拎埋. 都真係唔好意思
雖然都係半行半跑勉強完成. 仲臨尾1K有小小抽筋
不過都好滿足
而且真係好好玩. I MEAN比條路好好咁玩左我一次
D上落斜甘到你呢. 希望第時可以跟到你地跑足全程啦
再次多謝JC!!!
原帖由 swtcheng 於 2010-3-20 15:36 發表
今天用盡九牛二虎之力跑完這23k的艱苦旅程. 首先要多謝jc 帶隊. 另外要多謝明師兄. 全程帶住我. 及其他ching 的照顧...
唔講唔知. 今次是我第一次跑多於15k 的路程. 加上清水灣路及布袋澳的魔鬼坡度. 令我在過程中不斷懷疑自己能完成的可能性. 不過最後都能在2小時多完成這段路.
今天亦運用"提腿, 腳蹬.."的方法完成去程. 方法絕對有效. 頭半程一點疲勞都沒有. 不過由於回程的上坡實在太斜. 提腿的幅度大幅下降. 已至回程的時間慢了下.
要努力鍛鍊上下坡的訓練.........澳景...布袋澳.......我要多親親你.....
通利...........
原帖由 tomde 於 2010-3-20 16:05 發表
JC 師兄, 你唔好引爆我啦.... 如果下次真係快放既話....你地真係要在終點等我...
我一放就爆...即收工...
其實認真講, 呢條路真係幾辛苦,有上有落,仲要係有幾位高手快腳領跑...
真的唔易完成, 今日我已盡了全力.... 因為如果唔係你地下次嫌我慢唔摻我玩架..!!
今日回程時有D觸及舊患,都係要小心D, 落斜時都係開慢D好..小心駛得慢年船!!
下次如果可以再逍遙DD就好喇!!
原帖由 Terence86 於 2010-3-20 16:37 發表
今朝天氣真係太好喇,冇太陽又有啲風,大家唔覺唔覺又跑快咗,
加上Tom ching後半程帶著,我同 bolo唯有盡跟。
但係這條路又真係幾好跑,又上又落,夠晒挑戰!
原帖由 駛乜理 於 2010-3-20 23:01 發表
雖然今早跑得辛苦, 但特別開心, 原本想跑14K就算, 但BOLO 問我跑唔跑落去布袋澳,
我話唔跑落去啦, 但後尾林下, 橫点黎到第一次跑, 屎就屎去啦, 但發現真係幾辛苦, 之前
無食野, 攪到落完清水灣有少少腳仔軟, 只是見到前面一條長長火龍直向布袋澳,很快消失於
我眼內, 但各Ching 不然我慢, 在布袋澳等我, 之後再班師回TkO, 但此時火龍又再次出現.
幸好在士多店見到大雄Ching等我們, 歇一歇再出發, 沿路大雄Ching一直伴著我, 有傾有講, 晤覺晤覺
返到, 有見到一班Ching再等我哋, 非常開心, 之後我哋就真係Hea 住跑番去寶琳公園。
在此真係多謝大雄Ching一路伴住跑, 如果唔係都唔知跑唔跑到番嚟。
其實應改名叫清水灣布袋澳逍遙火龍團先啱.......
原帖由 大雄2009 於 2010-3-20 23:07 發表
布袋澳,好玩呀!今次嚟唔到既ching/ctse,下次請假都要嚟呀!
好玩指數:4*半 (5*為最高)(留返半粒*空間比JC plan更好玩的路線!)
好玩原因:
1. 沿途大上大落,好似玩過山車咁,能應付此段者必也能克服人生的大起大落.
2. 賺幾多,還幾多------於清水灣道回旋處好開心咁直衝落布袋澳後,原來上返去要好辛苦咁還足
咁多,仲還到想死咁滯.跑完此段者可學會日後向人借錢要三思,因洗錢的過程好開心但還錢的
歷程卻十分痛苦!
3. 左閃右避障礙賽------沿途的行人路很狹窄但種了很多大樹,在樹旁經過時要上下兼顧,因很容
易被樹根絆倒及被彎出來的樹幹撞頭.
4. 有興趣食海鮮者可於布袋澳之海鮮檔大吃一頓兼回一回氣,亦可買海鮮返屋企整嚟食.
5. 途中可欣賞美麗全海景及模型飛機空中飛翔. (但小心比佢哋撞親)
原帖由 駛乜理 於 2010-3-20 23:24 發表
對我同意你嘅講法, 邉跑邉吹水不經不覺就跑到目的地, 跑步之趣味就再此。
原帖由 Terence86 於 2010-3-21 00:01 發表
我自己都有帶八達通(以防萬一),其實你哋跑多幾次,熟咗啲上落位,
知道邊度可以回氣,就會冇咁辛苦。比較起澳景路,澳景全上斜仲辛苦啦。
原帖由 駛乜理 於 2010-3-21 08:03 發表
其實跑完今次, 我真係愛上它了.....
[ 本帖最後由 JC 於 2010-3-21 09:50 編輯 ] |
|