13. 買定兩對跑鞋輪流著.
我估随咗新手之外,大部份跑手都有多過一對跑鞋,或者十對八對都大有人在,起碼我自己就有三對練習鞋,兩對比賽鞋!
重有幾對借口買嘅新鞋未開.
本帖最後由 cyrilchu 於 2014-2-7 15:57 編輯
14. 跑步時面向對頭車方向跑
我估跑馬路面向對頭車會安全啲,跑行人路就冇問題,有時跑沙田去大埔都會落單車路,試過同單車同方向,單車"飛飛"聲係身邊過,都幾危險,所以都係跑番行人路,起碼冇同向車或單車,更加冇對頭車.
本帖最後由 cyrilchu 於 2014-2-10 16:07 編輯
15. 不要因為估計完成時間會比自己目標慢而中途放棄比賽．
我係慢腳，比賽目標都係全馬希望完成，堅持慢跑不停步，半馬及十K更希望一次快過一次，所以參加過的比賽亦從未在中途棄權。
本帖最後由 cyrilchu 於 2014-2-10 16:07 編輯
16. 比賽中途真的受傷亦要無奈退賽．
這與上一句雙矛盾！有時真的在比賽中受傷例如拉傷韌帶，我都會行完個比賽，全馬中抽根我都會行埋佢，人到中年，唔快放，每步小心啲，中途都唔會受傷，我大多數比賽中出現都係舊傷，年輕時的傷復發！
雖然人人都話有傷就咪跑，休息下啦，長跑長有，但係我地多數係咁椅休三幾日又腳痕！
本帖最後由 cyrilchu 於 2014-2-10 16:05 編輯
過年外遊偷懶幾日！
17. 要有完美你的跑步生涯，必須完成一次馬拉松·
完成咗啦，不過大家都係由完成第一個開始，中毒！希望完成下一個，再下一個，再再下一個⋯⋯
本帖最後由 cyrilchu 於 2014-2-10 16:05 編輯
18. 練近上斜路跑嘅時候自己咪講嘢，有嘢等你隔離嗰個講！
呢啲叫有氣冇定呌！上近斜上氣唔接下氣，要傾計真係幾難，一般邊跑邊傾到計，心跳都係140到160倒，我上到160到180以上，想傾都好難！
你知唔知你心跳大約幾多就傾唔到計呀？
本帖最後由 cyrilchu 於 2014-2-6 14:06 編輯
19.你永遠可以較你想像中的距離跑遠小小.
我次次想像自己跑完全馬個面容,一冲線個屎樣!如果差唔多冲線有工作人員話唔好意思,"你冲錯線!"前面跑多幾百米先啱,個小小距離可能跑到想死!
本帖最後由 cyrilchu 於 2014-2-7 15:59 編輯
謝菖蒲兄之言.
20. 千萬不要抱怨,沒有人喜歡埋怨個沒完沒了的人,就算是時常抱怨者.
呢句同跑步有乜關係呢?
跑齡愈長者我覺得愈少抱怨,跑多幾隻馬仔,跑得快慢对我黎講冇乜所謂,最近要跑得完!其他嘢怨嚟做乜!
得罪哂!初跑者我覺得會埋怨多啲,例如参加嘅比賽賽會安排差,攪到自己表現不佳,物非所值,或者怨自己訓練不足,对鞋又硬,落雨,太熱,太哂,前面咗住,隔離切線,後面推人...............可以寫番本書.
我都抱怨過唔記得貼胸前兩點,一路跑一路痛到死!
21.尊重及善待你的身體．
我估大家都會因傷及病停止練習，不過要尊重身體即係將自己身體當成另一個個體，我估定期身體驗查都好重要，有時跑手都以為自己好Fit，不難係比賽過程見有跑手要急救，就係因為冇體驗，隱性病當我地去盡時出現！其實身體好多時都會警告你，你唔比面就出事！
22. 平時飲脫脂奶．
我好少飲牛奶，美國人好常飲奶，政府學校都有免費奶飲，香港人冇呢個習慣，更加冇免費歺，脫脂奶可以比想減肥啲人飲，常跑步的人飲全脂奶都消耗哂，如果有做舉重訓練肌肉，飲牛奶都好嘅！
cyrilchu 發表於 2014-2-9 13:09
22. 平時飲脫脂奶．
我好少飲牛奶，美國人好常飲奶，政府學校都有免費奶飲，香港人冇呢個習慣，更加冇免費 ...
但我成日飲奶茶，豈不是好易肥？:dizzy:
本帖最後由 cyrilchu 於 2014-2-10 16:12 編輯
23.比賽之前記得鞋帶個結打緊啲.
我通常打完死結再將鞋帶塞番入前面啲鞋帶以下,压住咗多重保護,有啲鞋帶尼龙好滑,打双結都會鬆,所以用開條正鞋帶都要留住!
24. 向比賽為你/其他人打氣的人講多謝!或者比個{:26_2125:}或{:26_1751:}擊掌給他們.
星期日渣打記得做喇!
25.跑步最艱苦是踏出家園的第一步.
呢樣可以引申很多背影故事,例如家中有細路/長者要照顧,日日番完工身心疲倦,練跑同參賽得太多更加要家人支持,天氣好似呢幾日咁凍想瞓覺多過一切,天熱要避開太陽,.........
所以渣打都話跑出信念,有理由去跑先會去面對及解決以上種種困難,跑出第一步.
不過好多未參與跑步行列同放棄跑步嘅人都揾到唔跑嘅理由!
26.跑之前要熱身.
一般練習都會先慢跑加伸展活動,用以使身體進入運動狀態,亦免受傷,大家都做得到.
但係一到比賽就永遠有偏差,細賽好啲,但十居其九都係比賽前15分鐘要上線,或者好似渣打咁早30分鐘走去迫,夏天好啲,冬天就熱咗身都凍哂!個個都係頭幾K當熱身,如果好似外地啲賽咁嚴格分pb分段上線,熱身就有作用,本土賽我現階段估都幾難做到!
27.跑完之後要做放鬆活动.
放鬆活动用以使身體由活动時心跳上升,血液循環加快,出汗,發熱,肌肉收緊,精神高度集中等等回覆正常狀態.猶其是關節韌帶,收緊後必須放鬆及以伸展话动即係拉根去拉番長,以提高下一次的表現及受傷防禦.
練習多數做到,比賽完就好多時都行行企企,同跑友吹水,去飲茶當放鬆{:25_1419:}
今日呢句自己寫比大家
28.明天比賽加油，見到識得嘅要講加油！長跑網C兄C姐叫加油！加油！
本帖最後由 cyrilchu 於 2014-2-16 19:35 編輯
29.不要找藉口！
今日可以例外{:26_2002:}
我今日渣全馬5:04:13，pb，不過係personal bad！！唔係Best！
藉口係左膝半月板舊相好來訪！
你有冇藉口？
30.不要收藏你的奖牌,將它們展示出來.
年少時的奖牌只留下一個,一個79年中學800米冠軍,其他已經!!!
跑長跑比賽係呢幾年嘅事,冇奖牌奖杯之類,全馬完成5場,渣馬大家都有完成牌,不如不自量力比大鹏同广馬完成牌分享下.
你地都鋪啲上嚟比大家睇下.
30.如果有私家車,將一袋跑步裝備放定係車,以備失警無神得閒或想跑就跑得.
