31.不要讓太年青的兒童跑太長路程.
香港的長跑比賽一般起碼少年组都十二,三歲起,都係可能3K,5K賽,一般中學學界比賽都可能有3000公尺比甲組學生,佢地起碼十五歲,所以就算見到啲跑會訓練班都唔會跑太長,練基本功多,等細路進入青年組身體成熟先練長啲,不過港孩又有興趣"跑"嘅又有幾多丫.
32.在未清楚有沒有存在危險的城市，不要隨便去跑步·
我係冇乜膽，離開香港都係去大城市多，安全嘅都會跑吓，治安聽聞唔好都唔會周圍走！
本帖最後由 cyrilchu 於 2014-2-22 15:09 編輯
33.支持贊助跑步的單位·
如果係運動品牌，好多人根本係買近佢地嘅用品，例如衣服、手錶、鞋等，心態上反而覺得贊助商最好比哂錢，免費比我地跑！但係呢個夢想都幾難實現！
34.約跑時永遠不要留下你的跑友單獨跑·
今日啱去完長跑網祝捷會，見到不同地區跑友，大家有傾有講，跑友間的友誼在於尊重大家個人差異，一起起步，途中有快有慢，終點都是一樣，約跑時互相照顧，長課時在水站等埋，折返點停下吹下，跑完等齊腳去飲食，就係約跑嘅好處。
35.不要將跑步變成你的生命,只可視作生活的一部份.
我估大家都係將跑步當作生活的一部份,每星期跑幾日,甚至日日跑,當每日跑一個鐘,其實工作8-9個鐘,瞓覺8個鐘,交通2-3個鐘,食飯加埋2個鐘,等等....家庭未計,拍拖嘅未計,OT未計!
能夠每日跑一粒鐘真係好難,所以見到好多發燒跑手,都係"甘拜下風"!比個Like!
36.跑是要放鬆.
放鬆心情去跑,將它視作休息的一種,雖然每次練完長課或比賽都好辛苦,好想休息,真矛盾!!
本帖最後由 cyrilchu 於 2014-2-26 15:57 編輯
37.有太陽記得查太陽油.
我最怕查油,有啲女跑友會夏天查塊面,我就冇做呢個動作,跑到出汗又曬住感覺唔多好.
有啲跑手練烈陽神功時,直頭係想著"士必倒"算喇,費事一截截.雖然黃皮膚人出現皮膚癌比白種人少,著件tee都可以免曬傷頸同肩,都係長跑長有方法.
38.跑步要有熱誠.
除咗要有熱誠,不死的心,剩係日日寫日誌都要好有熱誠,keep住做keep住跑keep住寫,keep得住就係熱誠,所謂心中有團火!加油!!!
39.請不要著黑色襪跑步!
呢句唔多明解!原文作者係咪唔鍾意黑色?點解叫人不要著黑色襪跑步?如果純白鞋加黑長襪,我都頂唔順!我見好多跑手都著黑襪,而家啲跑鞋五顏六色,襯對黑襪有乜問題呢?
大家估唔估到?
40.長跑時是創作思維的好時間.
長跑嗰時個腦有時好平靜,大多數冇乜諗嘢,間唔中會失驚無神諗下煩惱中的問題,但好少創作思維,可能有跑友從事藝術創作會一路跑一路思巧,諗下絕世好橋!
41.跑過馬路時千萬別相信電單車或車輛一定會停比你·
跟足紅綠燈應該冇問題，如果冇燈就真的小心啲，猶其夜跑！
本帖最後由 cyrilchu 於 2014-3-5 16:11 編輯
42.跑步和生活都ㄧ樣要有ㄧ定的速度。
跑步可以自己控制速度，不過人生甚或生活有時真係受太多因素影響，生老病死，喜怒哀樂，起起落落，速度真係非自己掌握之中，只可盡力而為。
43.聆聽有經驗的跑手的分享及加以學習.
同有經驗的跑手傾計永遠都學到嘢,就算佢係用唔科學化的練習方式跑步,未必代表佢跑得唔好,更加咪以為佢地唔快,幾多阿哥,阿叔,C姐跑手求其跑隻全馬都快過你,大家不防睇下啲比賽成績先進組快過幾多青年组啊!
本帖最後由 cyrilchu 於 2014-3-10 14:51 編輯
44.通知你的家庭醫生你有長跑的習慣.
香港人同美國人唔同,佢地有家庭医生,睇医生唔似我地咁行落樓下就有得睇,我地比較少有家庭医生跟足一家嘅文化,普通病睇就近医生,嚴重就睇專科,你話比成日睇開個医生聽你成日跑步都好似多餘,似終地方細,醫療福利制度唔同,外國家庭医生可能幫你做足檢查先建議你跑步,香港医生就!?我都有同心臟科医生講有跑步習慣,佢回应係"哦唔好跑太快啦!跑步幾好丫."
cyrilchu 發表於 2014-3-10 14:49
44.通知你的家庭醫生你有長跑的習慣.
香港人同美國人唔同,佢地有家庭医生,睇医生唔似我地咁行落樓下就有得 ...
美國啲家庭醫生，冇病冇痛都係一年見一次驗吓身，同香港醫生唔同嘅地方，係病曆長盡啲，因為郁啲都建議你驗呢樣驗果樣，驚死驗漏啲乜走漏咗眼第時俾人告......
45.每天飲多幾杯水,猶其是夏天比賽嗰陣.
夏天一般都飲好多水,DoDo姐都話一日飲8杯水,有時開近工都忙到死,我多數食飯時飲多啲其他飲品,晚飯飲幾碗湯,練習同比賽就更加要補水.
一定要補水
否則鈉含量會偏高
46.每個比賽都有可取的地方,但不要期望細賽同大賽的一樣,或者大賽有嘅細賽都要有.
人比人比死人,賽比賽都一樣,有時明知佢賺錢或者唔清唔楚,但總有可取之處,唔鐘意咪唔參加,善意批評先係可取做法.記得曾經參加過一個比賽,冲線後要排隊比工作人員掃bar code,當時覺得不可思議,但條賽道又幾好跑,雖然差嘅地方多過好嘅,大家都比下意見,有心做嘅賽會不論大賽細賽,一定會改進,大家用腳去決定佢嘅存在價值.
47.比賽冲線時要跑過計時地氈,唔好跳過去.
習慣上都踩一踩,直跑過地氈都會,好少跳過去,有啲跑手完成比賽好興奮,交足戲做大動作影相,我好多冲線相都係底頭捻近手錶!
這句最實際
