gxchen 發表於 2013-10-9 07:28
10月6日（星期日）
今日維港渡海泳，順利完成。
恭喜師兄成功渡海!
本帖最後由 gxchen 於 2013-10-12 06:02 編輯
10月10日（星期四）
今早Sit up x 300
10月11日(星期五）
今早跑了10k ，時間56:34，依然感覺力不從心。
晚上外出吃飯，順便到New Balance 一逛，想睇下有冇嘢買，用咗10k比賽送的七折優惠。但行了一會都冇乜心水，反而免費攞了一本零售價$40的Hong Kong Runner 雜誌，都幾多嘢睇，大家得閒可以去攞番本。
10月至今跑了4日，共46公里；游了4日，共6.1公里。
VC兄，每80-100下會休息約一分鐘左右的
10月12日（星期六）
今早6：36開跑，跑了10k, 時間59：47。狀態低沉得可以，只想快快跑完10k, 毫不享受，似乎無望在NB10k 前回復，目標可能要下調到享受及完成比賽就算了。
10月13日（星期日）
早上先sit up x 350 及啞鈴約10分鐘。
之後在游水與跑步之間掙扎了一會，決定去游水，共游了3000米：
先游1200m : 28:30
去洗手間約3分鐘
再游1200m : 28:00
水力按摩約20分鐘
最後游600m: 14:58
自有跑步習慣後都好少游超過2000米了，今日唔多想跑，而時間比較充裕所以可以游多D，感覺比跑步舒服好多！
唉，要想想怎樣尋回跑步的感覺了！
10月至今跑了5日，共56公里；游了5日，共9.1公里。
gxchen 發表於 2013-10-13 11:36
10月12日（星期六）
今早6：36開跑，跑了10k, 時間59：47。狀態低沉得可以，只想快快跑完10k, 毫不享受，似 ...
今早青公試跑了10km {:26_1803:}
你游水有無做分解練習㗎?
bunbun 發表於 2013-10-13 11:45
今早青公試跑了10km
你游水有無做分解練習㗎?
冇㗎，都係hea游，所以游極都冇進步！;P
本帖最後由 gxchen 於 2013-10-15 06:49 編輯
10月14日（星期一）
話說阿囡近期要求正式學踩單車，我們於是將其坐駕輔助輪拆去，教她踩車的過程激起了我買單車的衝動！
星期日一家人出去試車，第一眼看見這輛有形有款的摺車便一見傾心！十分感謝老婆大人這份提早的生日禮物！買回家馬上到樓下試一會車，感覺良好！
今早起來，雙腿有些酸痛，估計是昨日試車片刻的結果，證明踩車和游泳跑步所用的肌肉是有些不同的！真好，可以鍛鍊埋平時少用的肌肉。
今早6：14正式踩，共踩了一小時。太耐冇踩單車了，踩得唔多順，要時間好好適應，但亦自有另一種自由自在的感覺和速度的快感！
回家泊好車後，再下樓跑步。因踩單車已充分熱身，跑起來好像比前幾天好，頭四K步速如下：
5：11/ 5:09/ 4:27 / 4:54
本來是想跑10k tempo試試自己狀態的，但跑完4k 便碰到網友跑友wowodog, 及另一位未見過面的跑友，於是便轉番easy run 一起跑一路傾計。因趕回家交人未能跑耐些，連前四公里共跑了8.3k, 時間46：44。
今日雖然回復了些少，但仍不能返回較佳狀況，而且好似有些陰影，稍為跑快些少就好自然地勒住勒住怕傷，NB10k 的目標一定不是PB，如果跑到50分鐘以內算是可以接受的了！
10月至今跑了6日，共64.3公里；游了5日，共9.1公里。
今日這一跑亦使我的總跑步里數超過了2000公里，由2013年1月31日第一跑至今8.5個月間共跑了2002.3公里！
跑完帶阿囡去太太公司的親子嘉年華，十分好玩，除了例牌的彈床、攤位遊戲等外，我們更在草地上玩飛碟，真係好過癮！亦是另類cross training!!
gxchen 發表於 2013-10-15 06:08
10月14日（星期一）
話說阿囡近期要求正式學踩單車，我們於是將其坐駕輔助輪拆去，教她踩車的過程激起了我 ...
enthusistence 師兄，多謝！呢個牛皇妹精力好到我都頂唔順！佢可以八小時non stop 地玩而不用休息的！
10月15日（星期二）
成功報名渣馬全馬挑戰組！要努力練習至sub 4 完成，否則就是虛假聲明了。最新的本年度賽程如下：
2013年10月6日： 維港渡海泳（已完成）
2013年10月20日 ： New Balance 10 公里
2013年11月3日 ： 綠色半馬
2013年11月10日 ： ASICS10公里
2013年11月24日 ： UNICEF 慈善跑（10公里）
2013年12月1日：新世界水陸兩項鐵人賽
2014年1月12日： 清水灣長跑賽 （我自己10公里，另家中一大一小報了一公里親子組）
2014年2月16日： 渣打馬拉松（42.195公里挑戰組）
加油加油再加油！！！
今日去racing the planet 門市去攞綠色半馬跑手包，用sportsoho 的折扣券買了這個Solomon 的運動水壼腰包，即刻好想去跑和試用。我跑步要不停補水的，就算跑10k都要揸住支水跑，有了這腰包可以不用揸住支水了！
似乎Shopping 對我這類無可救藥的shopaholic 而言是最好的運動motivator!!
本帖最後由 gxchen 於 2013-10-16 08:20 編輯
10月16日（星期三）
今早6：02開跑。帶著新買的水樽腰包，人特別醒神。跑起來雙手不用再拿著水樽，跑起來自然一些，亦舒服一些。但拿水的動作要習慣一下，尤其是快跑時，微轉身到後腰取水動作原來亦有些費力的。
今日對腳終於有返D反應，跑了10k（42：57），希望keep住，星期日會跑第一場10k賽。分段如下：
5：36/ 4:37/ 4:54/ 4:11/ 3:57
3:53/ 4:01/ 3:59/ 3:50/ 3:59/
跑完。靜候太陽在雲後爬出來，真美。可惜怱怱出來幾分鐘又躲起來了。
10月至今跑了7日，共74.3公里；游了5日，共9.1公里。
多謝各位師兄留言鼓勵，小弟可能基礎唔係打得太好，表現十分飄忽的，雙腳時常不聽指揮。有些少像天龍八部入面的段譽！有時六脈神劍使得出就幾打得，但有時完全使不出功夫就只好束手就擒。所以小弟狀態好時可以跑四十幾分，但狀態差起上來成個鐘都有可能！
無論如何，暫時肯定無可能sub 40!
因我今早跑時，都無乜保留，都去得幾盡的了。
實際少少我想我會set 45min 作為一個working target, 如果當日狀態好再隨機應變，咁好歹都叫打破今年3月第一次10k 比賽46:53的PB!
祝各位都可以有好成績！！
gxchen 發表於 2013-10-16 19:42
多謝各位師兄留言鼓勵，小弟可能基礎唔係打得太好，表現十分飄忽的，雙腳時常不聽指揮。有些少像天龍八部入 ...
路上相見, 大家互相鼓勵吧, 話唔定我地可能會並肩沖線, 或你絕塵而去. 加油!
Alex 兄，論壇上交流已久，終有望見到你的風采，很期待！星期日見！到時希望比賽前後有機會傾下偈，拍下照留念！
小弟好像和Alex兄你往績比較接近，賽途上相信亦一定會有交流的。
BTW, 我從比賽post所見長跑網眾師兄師姐在比賽場合都會有大合照，知不知今次NB10K 安排如何？謝謝！
gxchen 發表於 2013-10-16 19:42
多謝各位師兄留言鼓勵，小弟可能基礎唔係打得太好，表現十分飄忽的，雙腳時常不聽指揮。有些少像天龍八部入 ...
多咀講句, 師兄你今早跑唔到SUB40係因為熱身不足, 好明顯係跑到第3K先至入到狀態
可以參考一下KEVIN師兄練TEMPO前, 會慢JOG 1-2K, 再走100M快100M慢幾次, 先開始跑, 以師兄既耐力多跑2-3K唔會係問題, 但係多左熱身會令到你時間好好多
本帖最後由 gxchen 於 2013-10-27 06:31 編輯
10月17日（星期四）
今早Sit up x 300。
以往經常晚上放工由office (約銅鑼灣灣仔交界）行去中環坐船回家，路程約三至四公里，約40分鈡。但近期自己十分懶，這習慣停了一個月左右。
今日天氣清涼，又冇運動，於是和自己講要恢復這習慣。行到文華酒店出面，竟然讓我碰到......張曼玉！
她在出席文華50周年的party,正在酒店門外接受採訪，美艷如常，歲月完全不留痕跡！真是意外的收獲！
10月18日（星期五）
星期日New Balance 10k 前final run, 6：06分開跑，試試不帶水樽輕鬆跑10k，因天氣清涼，感覺良好！分段如下：
5：31／5：30／5：32／5：18／5：09／
5：12／5：12／4：48／4：26／4：48
（總時間51：26）
中午慢游1500米，計時器失靈，冇時間紀錄。
晚上和太太到屋苑附近新開的足浴店全身穴位推拿，這是小弟幾年來首次，我由男師傅主理，感覺是全身拆開哂再齊番埋。我少按摩，在房內不停慘叫，外面的客人肯定全部側目。但做完感覺幾好！
星期日NB10k賽，荃灣至汀九來回，近近地不用長途跋涉出征，居企15分鐘車程直達，所以阿囡和太太都會來終點打氣，而且同屋苑的跑友也一起參加，再加上有望初會長跑網的師兄師姐，所以特別期待，希望跑得開心順利！
10月至今跑了8日，共84.3公里；游了6日，共10.6公里。
十分多謝兩位師兄提醒！其實我按按下都有想過對比賽可能有影響，不過當時已肉隨針板上了！算吧，只好平常心。到時跑得唔好又多個藉口可以賴了！！;P;P
本帖最後由 gxchen 於 2013-10-25 07:16 編輯
10月20日（星期日）
今日NB10k, 雖然成績麻麻，更PB失敗，但十分高興。因為有幾位鄰居一起跑，而且見到和認識了幾位長跑網上交流已久，但未見過面的師兄，太太和阿囡亦到場打氣，成績好壞，已不太重要！
由於掛住social, 上缐時間延遲了，去到起點已人山人海，排到接近最龍尾，開賽兩分幾鐘才過起點，頭兩k都要左穿右插，頗費氣力！下次一定要早些上線！因為如無需穿穿插插，結果可以差很遠！
頭兩k跑完已知大勢已去，第三k開始提速，去都中段還可維持，最後一兩k開始沒有力，跑極都未到終點！好熱好辛苦，想最後幾百米衝盡型仔D以免在阿囡面前失威，但也有心無力！
今次完全暴露了自己的不足，經驗差，底子差，戰略零蛋！真的要好好改善！成績竟然比半年前首戰還要差！
下一個賽事是兩周後的綠色半馬，但近一個月因傷完全冇長課，今個月里數也嚴重不足，情況實在不容樂觀！
GPS計時如下：
5:46/4:58/4:34/4:22/4:27/
4:28/4:11/4:29/4:30/4:33/
大會紀錄：
Official time: 49:19
Chip time: 47:11
今日雖然跑得差，但有一件事令我十分高興的！就是阿囡經一星期左右努力，今天在朋友仔和同學仔鼓勵下，終於學會踩單車了！而且操控自如！我高興得不行，練習完成後請哂朋友仔同學仔吃雪糕慶祝！
10月至今跑了9日，共94.3公里；游了6日，共10.6公里。
gxchen 發表於 2013-10-20 23:16
10月20日（星期日）
今日NB10k, 雖然成績麻麻，更PB失敗，但十分高興。因為有幾位鄰居一起跑，而且見到和認 ...
Kevin兄, 好高興今日可以認識你, 你底子一d都唔差, 如果你可以早d上線的話, 火力全開, 保守估計都可以做到42-43分之間的!
本帖最後由 Enthusistence 於 2013-10-22 00:01 編輯
gxchen 發表於 2013-10-20 23:16
10月20日（星期日）
今日NB10k, 雖然成績麻麻，更PB失敗，但十分高興。因為有幾位鄰居一起跑，而且見到和認 ...
我只喺認到gxchen同jpg_chu兩位師兄，請問vcbid師兄有否在相片內呢?
本帖最後由 gxchen 於 2013-10-22 23:18 編輯
kokyan_lam 發表於 2013-10-21 20:09
Kevin兄, 好高興今日可以認識你, 你底子一d都唔差, 如果你可以早d上線的話, 火力全開, 保守估計都可以做 ...
多謝Alex 和上面各位師兄留言鼓勵！我會汲取經驗，希望11月的兩次10k比賽（ASICS 及UNICEF)會有較好表現！
由於訓練不足（一個月沒有長課了！），11月3日的綠色半馬會將目標調低至兩小時完成，享受比賽及美好的大自然環境就算了！唔好跑得咁辛苦，留力跑好兩場10k!
此外，阿囡學識踩單車後，我也會多踩單車作cross training, 看過一篇文說單車是很好的跑步cross training, 可練到對跑步有用的肌肉！
亦十分期待12月1日的新世界水陸兩鐵。因它是香港首個鬧市舉辦的三鐵賽，邀請了好多國際級好手參與，自己掹車邊參加兩項，可以真正游尖沙咀維港，而非渡海泳那次的鯉魚門，真的很期待！
