週未新春跑第二回 - 浦崗村運動場 10K 54"54
中午去左同靚Mill拜年加跑步，第一次跑個650米既運動場，有上落斜幾好玩輕鬆完成，今日已跑23.5k
TEMPLO -3K 4"25
INTERVAL 4"08/K *2
Interval4'00/k * 5
完成這星期訓練, 2月9 的TKO 10K加油 !!! 目標42 ~
本帖最後由 長跑傑 於 2014-2-9 18:34 編輯
西貢區新春長跑10K - 42"33（PB）
渣馬前最後一衝，天氣都幾涷，但勝在涼快，死衝下pacing時快時慢，見最後2K 仲有貨，就再過多幾個師兄，終於跑到42，雖然距離目標40仲有排練，但苦練衝圈總算有收成。之後上石籬探wilson 監，因為落雨，週未任你跑暫停一週XD
近幾次10k賽都有進步, 但已經強弩之末, 進步空間慢慢收窄, 可能10k的極限已到, 做sub40 已有點渺茫...
渣打馬拉松半馬 - 01”37”38
最早起身既一個比賽，兩點幾就要起身準備，因為早到，跟呀B站在最前線，開始頭10K, 好順利，做到預期4"30/K, 後來Jason 追上，跟他互界左7k,不分高下，17k後就變天了，小腿竟然想抽筋，原本想發力的機會失去了，只能慢跑保持5”00/k水平,想著不要抽呀，求求你！！最後捱到21K, 臨近終點打算衝埋佢，結果最後幾米立即抽筋，要單腳彈返去，真慘，成績竟然都能PB20秒，總算失望中找到一點希望，雖然跑得差，但總算完成比賽，比上年快24分鐘，都開心
有線新聞??? 點睇返?
葵涌 - 大欖(來回) - 31.3K
渣馬後, 休息一天便再投入訓練, 下星期便有全馬山賽, 可謂時間不等人,今回長課30K, 跑約3小
時, 今晚好大風, 就算跑到流曬汗, 仍吹到好寒, 特別8成海旁,有時更是逆風, 要跟它鬥力, 否則會吹我落海, 跑到屯門公路,已經深夜11-12點, 陰深恐怖, 諗起HO SIR講過屯門公路個鬼故,更打了個冷震,還是專心跑步好了, 頭20K都KEEP到6MIN/K, 但打後開始跌PACING, 迫住比力提腿,最後都捱到返去,只有1K跌出6分幾秒, 整體還是過關的, 今星期無時間上山, 唯有食多個32-36K長課, 為週日全馬加加油~
好勤啊。星期日是那個全馬？
suniebo 發表於 2014-2-19 12:00
好勤啊。星期日是那個全馬？
玩山賽，KING OF THE HILL 37K
葵涌-西九海濱長廊 (來回) 30K
今個星期第二個長課, 跑向尖沙咀, 再返黎, 無前日咁食風, 周街都係人, 左閃右避, 最後決定不入星光大道, 免得成個傻佬咁橫衝直撞, 在西九U TURE 回家, 最後果段荔景山路真係有點腳軟, 但全程都比上次輕鬆, 仲快左少少, 可能多落斜, 2個30K,可以收腳, 等比賽來臨~玩KOTH既朋友加油~
King of the hill 深井段24K半馬 - 03”14”12
起身有點累，但既然報了比賽，還是決定出發，這個比賽有人贊助，所以心態比較hea, 剛開始時還去了洗手間，都擔心37K山賽會好辛苦，直到見到wilson話想改半馬，我都臨時變陣，改玩24k, 心情立即放鬆，速度也慢慢加快，接著見到Elton,也勸他玩半馬，又成功了，結果TYT全部人都半馬。今日上山落山好急，幾乎無平地，上山好慢，又曬，落山才能發力去跑，完成了也沒望時間，有些比賽要放鬆去跑才開心。
本帖最後由 長跑傑 於 2014-3-3 11:01 編輯
癲傻180 - 青衣 ～西貢 52K
今朝起遲左，0705先到運動場，攪到一開始要後追，不久便見到mandy, 16,卡樂B, TYT一堆人，一齊開開心心跑到紅磡碼頭，20K左右，見到JOE,INA,就轉左跟佢地玩，佢地pacing快到死，開五分頭，出曬真身跑，結果去到官塘就爆爆地，果邊見到wingwing,Mavis, 佢地先拉返慢少少，幾經辛苦去到將軍澳已經一個全馬，用左五小時左右，INA,MAVIS,wing wing要走了，我都有點想放棄，但點都入埋西貢先決定，我加JOE加PAUL三人行入西貢，經清水灣道全是上落斜，邊行邊跑，大腿位開始有點痛，最後西貢路段，感覺跑極都跑唔完，雙腳又痛又痺，靠意志捱過去，終於見到西貢，要放棄了，180K實在太長了，訓一教再跑應該ok, 食飯後全部散水，但回家後雙腳無咩事，竟然有後悔感覺，真難明！今次跑了6-7小時左右, 下次要真正玩曬180佢.....
又開始辛勞的夜班, 由於訓遲左, 是旦跑左2K收工, 太懶了
起身衝少少又去返工去~
慶州全馬 第一課18K
拍板玩第一個國外全馬, 正式開始地獄式訓練, 青衣-荔景-美孚-回家
慶州全馬 第二課22K
速度訓練, -荔景-美孚-南昌-青衣-回家
Lantau 50 - 08"23"08
今日真係一場好艱苦既比賽，幸滿意成績.
比賽從來不食GRL,但今天一 次過食了四粒鹽丸，四包GEL,作用比想像中大，10K一包，立即上了電，把辛苦壓住了又從新上路.
頭25K不貪快，一直留到伯公拗，我知道最難的山已過，在往後的山路不停跑，落斜癲放，睇返原來每個CP既排位都有提升(由190升上102)，興奮！最後的老人山有點估錯數，上上落落數10回，很是累，最後10K跟五六個選手不停互介，激起份鬥心，一口氣跑回終點，五點半完成都好，因為晚上有飯局，明天又比賽了，希望可以捱埋佢！！
其實LANTAU50都幾好玩,但又辛苦,完成左成功感好大~
途中見JASON跌到手腳都係血,希望無傷筋骨, 而好多TYT隊友都偒, 這個LANTAU50 真係唔易玩,中途見到小兵,佢SUPPORT LT100既魔友,之後比左支水我好有用,多謝!有個師兄見我無水, 最後10K比左半支水我,好感動~ 另外SOSO同EVA今日做義工幫手~MANY THANKS~
元朗越野跑 11K 01"12"22 早上五點鐘，又要出動了，雙腿還在痛，人又未醒，但報了比賽不能射波，迷迷糊糊的又開始了，不停上落斜，山路又樓梯，5k已不停望錶，幸好見到chris sir陪行吹下水，最後又跑下跑下就完了11k,好累，明天要好好休息一天！
放工,跑回家~
To the top 30K 04”24”26
收工後小睡十五分鐘，又比賽了。跑上香港最高的大帽山，真不容易，而且30K之長，少點意志也倒下。一開始已經不停上上落落，初15k還能跑，但過後開始有水泡，腳底痛得不能跑，而且開始升級斜坡，落斜都擦損好幾次，半行半滾捱到23k ,終於抽筋，2k後到大帽山頂了，才盡跑落去，辛苦不比Lantau 50少
