schnix ctse:
係啦, 我自己冇為意.....不過好多人冇見我一排再見返都係咁講, 搞到我而家都唔係咁敢上磅, 怕個數字嚇親自己~hgD158bnvbn
如果唔影響體能既話, 減左磅係件好事, 可以輕身上路,. 對腳既負擔會少d (雖然原本你已經係瘦) 原帖由 schnix 於 2009-9-14 13:12 發表 https://www.longrun.hk/forum/images/common/back.gif
如果唔影響體能既話, 減左磅係件好事, 可以輕身上路,. 對腳既負擔會少d (雖然原本你已經係瘦)
暫時都唔覺有咩影響, 食得跑得.....希望毅行之後會慢慢增返d磅啦~
見妳最近返工都好忙下, 又要練跑我諗都幾辛苦.....比心機呀, 好多人都會支持妳~ 2009.9.15 跑馬地馬場 Interval Run 1000m @6'30 x 6 sets
經過星期六操雙坳54K，星期日同星期一都只係休息同敷冰，呢晚啱啱打完風好清爽，跑緊果陣又冇咩點落雨跑得幾舒服，不過對腳真係好緊唔多點提得起，時間普普通通：
4'08"934'06"024'15"324'14"694'21"694'15"02
抖返順條氣慢jog兩個大圈 + 拉筋收操，跟住同左泰基班師兄一齊食飯，記性唔多好淨係記得洪永賢ching、呀曾同呀偉幾位。
P.S. 下星期灣仔運動場重開，聽onon講衝左咁多個星期1K，到時好大機會會玩下400m x 15 sets
新跑季倒數中
仲有3日就開波la.. 2009.9.20 友情去"馬"第11回 西貢北潭涌 <---> 海下灣 18K今次有情去"馬"條路線非常吸引，一來未跑過，二來勁多上落斜難度有返咁上下，可以當為一課毅行短課keep住狀態，又可以同停雲、阿四同瘋瘋幾位參加左長跑會半馬隊際既隊友一齊練下跑。
呢日好早起身食埋早餐，準時7:25去到馬鞍山集合地點，再由停雲ching接載往北潭涌會合其他跑手，今次都好熱鬧有成9位跑參加。
大隊約8:30由北潭涌出發，經北潭路--->海下路一直跑到海下灣迴旋處路程約9K，沿途全程都係上落斜，因為自己未跑過呢段路，去程計劃盡跟停雲、阿四兩位ching跑，不過停雲ching上落斜既功力實在太強原全跟唔住，好似識輕功咁好快已經見唔到佢尾燈，好彩離遠仲可以望到阿四ching既背影，自己盡力上斜保持速度、落斜順走跑來尚算唔太辛苦，而背後不時傳來瘋瘋步步進迫既腳步聲，係最後一段落斜仲比過埋，去程時間用左52'29。
之後係士多補水休息，冇幾耐其他人都相繼到達，難得來到海下灣咁靚既沙灘，補完水大家就行落沙灘吹下海風，之後仲除埋鞋落水暢泳。
輕鬆過後係時候回程啦，睇睇個錶唔覺唔覺休息左成50分鐘有多，沿途來來既時候一樣冇咩風，跑起來個人都幾熱同埋好焗，好彩自己仲有力可以keep住速度，全程跟係阿四ching視線內走，再次經兩段大長甘之後返到去北潭涌，突然又聽到瘋瘋從後殺上急速腳步聲，好彩今次啱啱頂得住冇比佢介到。 原帖由 瘋瘋 於 2009-9-21 15:42 發表 https://www.longrun.hk/forum/images/common/back.gif
大圍, 其實呢D路線幾過癮, 上完斜跑落斜就好似釣完頸透下氣, 好舒服, 舒服完又再釣過, 好似一波未平一波又起既感覺, 下次由榕機澳跑石泥路跑過去自殘級數就會上升, 到時就到時間就拍住再上....:lol
好...一放多D一齊拍住操~ngD176hgh 2009.9.22 灣仔運動場 Interval Run 400m @2'45 x 15 sets
呢個星期灣仔運動場重開，之前10多星期係跑馬地都係操800m-1000m稍長既Interval，今次回師灣仔場就轉玩400m，分A、B兩組分別連休時間為2'45、3'00，小弟不自量力跟A組跑，時間記錄如下：
1'22"37 1'24"06 1'25"70 1'27"06 1'26"76
1'28"78 1'27"65 1'32"08 1'30"52 1'27"44
1'31"78 1'30"50 1'30"19 1'34"32 1'25"68
今次落返場跑順便著對新鞋(NB RC1224)試試佢，對鞋都好輕著得幾舒服，但係跑完之後覺得大腿後面有少少反應，不過我估應該唔關對鞋事，應該係太耐冇跑咁高速d肌肉未適應，今日會著對鞋跑下街再試試佢。 原帖由 瘋瘋 於 2009-9-23 11:41 發表 https://www.longrun.hk/forum/images/common/back.gif
圈速好快! 望塵莫及!:lol
快咩鬼...我係果組差唔多包尾咁濟呀!ngD174hgh 原帖由 大圍新跑手 於 2009-9-23 12:07 發表 https://www.longrun.hk/forum/images/common/back.gif
快咩鬼...我係果組差唔多包尾咁濟呀!ngD174hgh
跟B组啦！明顯回不及。 原帖由 waynekkw 於 2009-9-23 12:12 發表 https://www.longrun.hk/forum/images/common/back.gif
跟B组啦！明顯回不及。
係既...下星期一於跟B組~hjhjD170hjhj 大圍勁呀~~ 努力~~yhgyface38gygy
睇來我都要食塵啦~~~hghface26gyhg 原帖由 batigoal 於 2009-9-23 12:18 發表 https://www.longrun.hk/forum/images/common/back.gif
大圍勁呀~~ 努力~~yhgyface38gygy
睇來我都要食塵啦~~~hghface26gyhg
我直情塵都望唔到呀! 原帖由 batigoal 於 2009-9-23 12:18 發表 https://www.longrun.hk/forum/images/common/back.gif
大圍勁呀~~ 努力~~yhgyface38gygy
睇來我都要食塵啦~~~hghface26gyhg
batbat: 唔好玩我啦, 我呢d時間妳好輕鬆都做到啦!hjhjD170hjhj 毅行操練第11課 麥徑6-10段
日期 : 2009.9.25 (Fri)
時間：10:00PM
大埔道 >城門水塘 36
城門水塘 >鉛礦坳 1:30
鉛礦坳 >大帽山 1:37
大帽山 >大欖涌水塘 1:21
大欖涌水塘>大棠 1:52
Total: 6:57
呢日其實冇咩狀態，係公司OT到8:00先走得，又要趕返屋企換衫執野都冇時間食飯，淨係食個個魚柳包同埋一兜粟米，之後仲發現唔記得帶包POWER GEL同救命奔肌。
第六段短短地，全程慢JOG當熱身都好快去到城門燒烤場，冇咩點休淨係去下TOILET洗個面同埋隊左罐唔記得咩既甜野飲就繼續~
第七段行過冇咩特別，全程都係跟住仲病緊係度咳既壞人隊長同埋一開始已經話自己之前通過一晚頂冇態既R兄，去到草山頂大休食左個係公司攞既迷李月餅，點知就咁出事.....之後一路行一路想作噁又噁唔出，我估係因為自己唔知幾多年冇食過咁大舊月餅，可能太肥膩個肚頂唔住。
第八段頂到個月餅消化使果肚先開始冇咁辛苦，但係對腳又開始冇力，唉.....又唔記得帶POWER GEL唔知點死，好彩壞人兄有帶鹽餅同埋一支神仙膏都可以頂得下，無驚無險總算順利去到荃錦坳，時間仲好似做得唔錯，不過其實果自己體力都用得七七八八。
第九、十段大部份都係上上落落唔係太斜既石屎路，雖然難道唔係好高，最慘係呢日自己著錯左對冇咩避震既跑鞋，之前走果D石仔路已經增加小腿唔少壓力，而家呢段石屎路對我來講更加難走，跑得慢自然跟唔到兩位隊友，一路都只係自己一個好孤獨咁係黑暗中慢慢咁跑，好彩間唔中都會見到遠遠前方隊友一點點既燈光，唔係真係會以為自己走錯路，不停不停咁跑開始感覺有D頂唔順，係呢個時候見到前面隊友既燈光即時大叫..."我頂唔順啦，要休息食野"，後尾先知原來果陣已經不停咁走左超過10公里，進入了麥徑最後一段亦差唔多到達預定既休息點"吉慶橋"，係度食埋最後既補給品，停唔超過5分鐘又要繼續開始另一段6.5公里既林路，呢段路本來應該算係比較好走，但係跑左冇幾耐對腳已經開始有反應作抽筋，即時叫停前面隊友，攞支神仙膏來卒希望頂得幾耐得幾耐，為左減輕負重仲要辛苦兩位隊友輪流幫我攞背囊，之後果6公里就係慢跑--->作抽筋就行--->行返順又慢跑上到石屎路。係度休息一陣再卒多次神仙膏，再次慢JOG--->行--->JOG--->行行--->JOG--->行行行，最後都到達今次操練終點大棠，總算鬆一口氣。(係度見到個毅行指示牌，正式終點原來離呢度有2公里要走)
大家係度拉筋(其實我攰到連拉筋都冇力)，梳洗換衫後見時間尚早，於是跟指示牌沿小路行去比賽當日先開放既保良局渡假營後門諗住探下路，去到後門先知原來冇路走要原路行返轉頭，唔係呱.....又要行多1K返轉頭!於是冒住比人捉既危險偷偷咁鼠入去渡假營入面去返入口果度走人，中途仲好開心咁見到部氣水機，大家即時DO返罐冰凍氣水享受下啦。其實最後呢段路我都行得好辛苦，唔止對腳攰係全身都咁攰，行路都可以比兩位隊友遠遠拋離就知我當時真係行得幾慢，好彩行到小巴站好快有車，一落車對面已經有間酒樓，一人一盅$2.8既鳳爪排骨飯再加幾樣飽肚點心，我同壞人就食飽飽返屋企訓覺，而-R-就仲有下場遊船河。
大圍兄今日無玩既??hgjD088ghjghj 原帖由 花子阿DEE 於 2009-9-28 02:28 發表 https://www.longrun.hk/forum/images/common/back.gif
大圍兄今日無玩既??hgjD088ghjg" />" />hj
dee兄:
你係咪講三項鐵人賽呀，因為之前冇咩時間練水所以冇報呀，琴日又唔知醒冇去到幫大家打氣。
睇到你d相真係好型呀，仲未得閒去睇成績....唔知你成績點呢? 原帖由 大圍新跑手 於 2009-9-28 10:03 發表 https://www.longrun.hk/forum/images/common/back.gif
dee兄:
你係咪講三項鐵人賽呀，因為之前冇咩時間練水所以冇報呀，琴日又唔知醒冇去到幫大家打氣。
睇到你d相真係好型呀，仲未得閒去睇成績....唔知你成績點呢?
原來係咁,你呢排操山都好操勞,要注意休息呀~~hgjD088ghjghj
好玩呀真係,未有正式結果,我尋日玩1:40,第一次玩好滿意呀~~hgj091ghjghj
