星期日跑完個半馬比賽，個人懶之後冇做Recover Run，休左兩日仲好似未回到。
開操前慢jog 3圈已經覺得對腳好酸冇咩力咁，再拉一陣筋夠鐘開操，頭 3個仲可以keep到4分鐘內完成，之後對腳真係冇力，唯有死頂食使其餘3個算數。
時間：3'56"183'55"933'57"414'02"934'04"754'05"66
跑完攰到咩咁...連慢jog都唔想jog，拉完筋就收操走去食飯。 2009.11.11 沙田運動場 <---> 大埔元洲仔 Easy Run 20K
上星期勁忙跑得好少，呢個星期見得閒d想跑返多少少，雖然星期二衝完圈仲係好攰，但係想keep住個狀態迎接20/11毅行既來臨，呢條路線啱啱好，夠距離又唔會點樣跑傷腳。
放工去到運動場都好熱鬧，唔止有跑會、學校田徑隊、訓練班係度操緊，仲見到有個我估5,6歲度既小妹妹，由佢爸爸親自訓練，個小妹妹都操得好認真好專心有板有眼架...好嘢!
因為一來星期日個比賽冇報，二來個人仲攰所以呢晚都唔會跑速度，拉下筋同埋做左3式踢腿就跑出運動場，沿城門河、吐露港向大埔元洲仔方向跑去。去程當熱身跑得幾保守下，去到元洲仔時間58'08...雖然慢但係對腳都跑得幾攰下。
小休一陣飲水同埋放水就開始回程，回程跑返快少少試下腳，係科學院比個跑手過左仲死跟佢衝左一段，搞到自己去到雙橋已經爆爆地，d雨仲要開始越落越大，地下濕驚跣親受傷要就住就住咁跑，好辛苦先捱返到運動場，時間52'52...又係好攰好攰，筋都冇拉就入去更衣室沖涼換衫。
P.S. 呢兩日跑完個人都好攰好攰，感覺狀態有d回落，要諗諗點樣調整下，希望可以以最佳狀態迎接20/11毅行既挑戰。 got any plan on 15/11?
[ 本帖最後由 edwinc 於 2009-11-15 11:23 編輯 ] 原帖由 edwinc 於 2009-11-15 00:10 發表 https://www.longrun.hk/forum/images/common/back.gif
got any plan on 15/11?
游雲兄:
啱啱先睇到呢個msg, 琴日有個比賽去左影相.
你點呀...係咪已經返左來香港，而家住係邊呢? 因為來緊星期五(20/11)已經係毅行比賽大日子，所以來緊呢幾日都唔會點操強度，如果唔怕悶既星期三晚跑返轉輕鬆跑，之後一齊食餐飯。 2009.11.13 泰基跟操 沙田運動場 <---> 科學園盡頭 14K
難得呢個星期五唔使OT，星期六日又唔使操毅行，一到6:00pm即刻極速鬆人趕去沙田運動場，跟操極速飄移第四十一回。
呢晚參與跑手唔係咁多，有部份因為星期日有比賽所以跑短線，去程跟住一位同樣冇比賽既橙衫ching跑長線，佢步速都幾快開始跟唔住，冇幾耐迎面而來撞到馬鞍山跑手Daniel兄，之後佢掉頭怕住一邊跑一邊吹下水。初時好自然咁跑慢咗，後來比從後趕上既ching挑釁要跑快d，於是同Daniel雙雙加速追趕，Daniel步速都好快跟得幾吃力，睇來佢腳傷都好得8899，好快又可以再創住績。跑到半程折返已經追上之前那位橙衫ching，時間剛好34'00。
回程經過科學園飲水機停左陣飲水，之後就由Daniel帶住快步速跑，眼見Daniel兄狀態好好跑得好輕鬆，幾次佢回頭見我有少少跟唔住都收慢等埋我，一路係咁衝衝到去雙橋就同Daniel兄分手，多得Daniel帶順左同埋差2,3K已經返到運動場，於是繼續加力衝埋最後呢程，回程時間32'18都算幾快，最後慢jog幾圈cool down + 拉筋收操。
p.s. 辛苦操完，好彩仲有羊腩煲 + 啤酒等緊我.....咩都抵返使啦~ng10hgh
回復 1450# 的帖子
australia's long run season actually finished, I run only to keep up the fitness level, not prepared to do a lot of quality work during the holidays in HK anyway. so I'll be more than happy to do easy run with you guysHowever, I will go to japan with my parents tmr and back on sunday. will catch up with you next week. pls pm me for any plans, I'll try to join.
I'll do the 聯合國兒童基金會慈善跑 as well, yet 10k only
also good luck to your 毅行者, make sure you dun kill yourself!
[ 本帖最後由 edwinc 於 2009-11-17 13:04 編輯 ] 2009.11.17 灣仔運動場 3K Speed Run
毅行倒數第三日，基本上已經停操，呢晚到埸主要係攞會衫，順便慢jog同埋練下踢腿。
夜晚真係好凍估計都係得11,12度左右，落到場慢jog幾圈熱身跟住就自己開始練踢腿，踢左一陣泰基曾ching過來問我跟唔跟操，原來呢晚泰基又有新program.....3K Speed Run + 4 x 800m Interval，咁我又貪過癮走去跟左個3K。
7個半圈分段時間：46"641'37"801'39"231'38"751'38"321'37"061'35"311'37"10 (Total: 12'10"21)，3K都跑唔到4'/K樓下，真係唔知幾時跑10K先穿到40'。
Part II衝圈真係唔跟啦，自己繼續練踢腿，粗粗地完成神腿7式 x 3 sets，之後拉陣筋收操，天氣實在太凍拿拿淋涼都唔沖換衫走人。vbnvbnvb 大圍唔寫毅行report? 原帖由 Lex 於 2009-11-25 21:47 發表 https://www.longrun.hk/forum/images/common/back.gif
大圍唔寫毅行report?
太多野...反而寫唔出!hgD158bnvbn 2009.11.25 TKO gathering hea 跑 8.5K
玩完毅行休息3日，係時候復操啦.....隊友-R-呢晚搞左個長跑網TKO gathering hea跑活動，8.5K + 99%平路要來個Recover Run啱使，跑完仲有熱辣辣煲仔飯食，唔參加點得呀~
是晚hea跑路線、距離、時間：
寶翠公園>寶林北路>寶寧路>昭信路>寶邑路>寶順路>寶康路>寶翠公園 (約8.5K、時間約50')
p.s. 星期日迪士尼半馬仲未諗到點跑法，都係順其自然睇下到時咩環境先啦。 2009.11.20 樂施毅行者2009 - 後記及迷路事件簿
首先照例開場白都要講返d多謝既說話，雖然都係d例牌野不過絕對出自真心:
多謝壞人隊長同埋隊友仔R、馬王，冇你地我都冇呢個機會參加今次呢個活動，帶比我人生中一個美好既回憶片段。
多謝所以支援隊員(芳妹、Bill哥、schnix、catcat、Tarry、停雲、阿四、ET)，雖然今次既支援隊組成比較急，相對其他隊伍一齊溝通既時間亦比較少，但係大家盡心盡力既表現實在太好，相比自己只係需要簡簡單單用對腳走完呢100公里路程，今次壞人同盟既成功其實大家既功勞更大。
多謝所有用行動贊助、用說話鼓勵或者只是內心默默祝福及支持我地既朋友，冇你地我諗我地都冇可能成功。
講完多謝既說話，跟住就簡簡單單記錄今次既分段時間先，方便日後參考：
SP 北潭涌 12:30
CP1 西灣 14:28 (1:58)
CP2 北潭坳 15:39 (1:11)
CP3 企嶺下 17:54 (2:15)
CP4 基維爾營 20:16 (2:22)
CP5 畢架山 21:58 (1:42)
CP6 走私坳 22:56 (0:58)
CP7 鉛礦坳 01:08 (2:12)
CP8 大帽山 03:02 (1:54)
CP9 大欖涌水塘 04:47 (1:45)
FP 大棠渡假營 07:08 (2:21)
總時間： (18:38)
至於整個過程大部份壞人隊長已經係佢個報告度寫過，我諗我淨係補充返少少果晚迷路既經過而經足夠：
話說當晚離開CP7準備向大帽山進發，我因為飲水所以同空降支援ET稍為停留，壞人隊長留下一句溫馨提示 "大圍，時間緊迫呀"先行同其餘兩位隊友上山，飲完水之後可能太心急追返前面隊友，竟然冇為意就係咁係個分义路口度行錯左，初時都冇為意因為仲見到後面都有燈光跟住(其實原來一路都係得ET一個跟住我)，越行越覺唔對路...點解咁耐都追唔到前面D人既？於是抬頭四周望清楚...除咗睇到ET係後面跟住之外...四周漆黑一片，跟住問後面既ET.....
毅行B： "我地有冇行錯路呀?"
外星人："唔知呀! 不過條路咁難行既?"
毅行B："呢次大檸樂，應該行錯路!"
毅行B：好傻咁大叫...."有冇人呀?" x n次.....(希望有奇出現原來冇行錯路)
最後都要面對現實，唯有同ET沿路返轉頭，又發現有少少唔對路...點解ET好似行得咁慢既...都唔理咁多繼續急急腳返轉頭，卒之見返有人去返到果個分义路口，等左陣卒之離遠見到ET手腳並用咁爬緊過來，心入面又涼一涼...當時個心真係好急好亂，未等到ET一齊會合已經忍唔住留下一句溫馨提示 "ET行快D呀，要追返佢地，馬王支水係你度架"先行上山，心想以ET能力應該追得返呱？果陣真係唔知邊度來既力量，真係壞人同盟、馮人過人，間唔中又停底望下後面好傻咁叫幾聲睇下有冇ET蹤影，冇回應.....唯有又繼續行，不經不覺行到上山頂大石堆，但係仲未見ET追上來，又叫左幾聲都係冇回應.....點算好! 一方面身上除左一包GU GEL之外咩都冇，唔知自己頂唔頂到去大帽山CP，諗左陣都係以大局為重掉低左ET，估計之後大部份都係D比較平坦既路佢應該可以追得返上來。之後就記得係咁走係咁走，途中既野已經唔記得使，淨係記得落完山去到石屎路涼亭個位，見到兩個義工守住兩樽水，初時掛住走冇為意，過左先醒起自己由離開CP7之後一滴水都未飲過，於是行返轉頭諗住攞水飲，但係果度得兩樽水自己身上又冇野裝...都要硬著頭皮走埋去問個義工姐姐.....
毅行B："想問下妳地有冇杯可以比我裝水飲呀？"
義工A：好奇怪咁望下我..."你唔係應該有水樽咩？"
毅行B："個樽唔係我度。"
義工A：又望我一望..."你等一陣"...跟住走去後面個帳篷度攞左隻紙杯比我..."隻杯記得要掉係垃圾桶，唔好周圍掉"
毅行B：唔記得有講THANK YOU...
醒起仲有唯一一包食得既GU GEL，於是攞埋出來用兩杯水送埋佢落肚，至於隻杯我都好聽話一路渣到上山頂有個垃圾桶先掉左佢，而家事後諗返...果個位又會冇啦啦有兩個義工同兩樽水，好似特別為我而設咁。
落山開返個頭燈準備"入"果幾個SHORT CUT位，如果唔係因為追時間，我應該唔敢自己一個入，而家諗返起仲有少少驚同埋覺得自己都幾大命，話說第一個SHORT CUT位尾咪係個沿崖，因為當時可能太心急，衝到落去差D收唔到制，果下真係嚇一嚇，果度掉落去真係唔知會點....你都咪話唔驚。之後幾個"入"位小心D冇問題，跟住平路落斜更加冇問題，冇幾耐離遠見到CP8既燈光個人當堂鬆使.....點知去到CP.....點解冇人既？問下果度D工作人員，佢地都幫我唔到...心諗冇奶油唔見人WOR，唔通去咗SUPPORT點荃錦坳休息食住等，於是離開CP搵到SUPPORT TEAM但係唔見其他隊友，就係呢個時候見到有個著住長跑網衫既人跑左落來...原來係ET卒之都追到來啦，同時SUPPORT TEAM都聯絡到壞人隊長，佢地原來係CP入面個救護站度...唔係呱...點解頭先D人好似完全唔知有3個人係入面等緊佢隊友咁既? 真係百思不得其解.....
今次雖然未能夠完成 "日出前讓比賽終結" 呢句口號，不過總算全TEAM人齊齊整整、平平安安完成已經好開心、好滿足。
[ 本帖最後由 大圍新跑手 於 2009-11-28 03:42 編輯 ] 2009.11.27 泰基極速飄移 沙田運動場 <---> 科學園 12K
過去幾日都有少少傷風感冒，呢日朝早起身嚴重左，乘機請日病假蛇下王繼續訓，訓醒食完早餐諗住去睇醫攞返張假紙，點知睇開個醫生原來搬左，於是買D成藥返屋企食算數...
食完藥係屋企HEA下訓下好似又冇咩野，因為星期日有比賽又想操多課準備下，於是食D野...換返對鞋就由屋企jog去沙田運動場join泰基既極速飄移操練:
1) 屋企---> 沙田運動場 慢jog約30'
2) 拉筋 + 踢腿(神腿3式)
3) 沙田運動場 <---> 科學園 6K位折返，時間28'0529'14 (全程12K-57'19)，去程跟唔到D快腳自己走，回程開始冇咩力捱返來。
4) 拉筋收操
星期日個比賽應該都唔會發揮得太好，不過因為全平路好好走，我估要做到PB都應該唔難，到時盡力啦~ 師兄有病都練習, 真勤力! 原帖由 大圍新跑手 於 2009-11-26 17:30 發表 https://www.longrun.hk/forum/images/common/back.gif
2009.11.20 樂施毅行者2009 - 後記及迷路事件簿
首先照例開場白都要講返d多謝既說話，雖然都係d例牌野不過絕對出自真心:
多謝壞人隊長同埋隊友仔R、馬王，冇你地我都冇呢個機會參加今次呢個活動，帶比我人生中一個 ...
大圍兄，好彩當晚真係夠晒凍，我至可以唔洗飲水都可以去到CP8.......果然好隊友，多謝你記得我支救命水！
其實我去到石群時都想等一等你，不過當晚其在太凍了，一停下來就會凍薑
心諗又有ET同你一齊有個照應，應該都唔會出事，所以都係去到CP8至會合吧.....
經過次呢之後，下次無得再行錯，對我地出年造十八好有信心hgj091ghjghj 原帖由 上水馬王 於 2009-11-28 18:43 發表 https://www.longrun.hk/forum/images/common/back.gif
大圍兄，好彩當晚真係夠晒凍，我至可以唔洗飲水都可以去到CP8.......果然好隊友，多謝你記得我支救命水！
其實我去到石群時都想等一等你，不過當晚其在太凍了，一停下來就會凍薑
心諗又有ET同你一齊有個照 ...
馬王兄:
出年我都好有信心18hrs內冇問題.....問題係我收到-R-密報，出來個target改左16hrs呀，點算好呀?ghjghjghjg 原帖由 kito807 於 2009-11-28 12:29 發表 https://www.longrun.hk/forum/images/common/back.gif
師兄有病都練習, 真勤力!
傑ching，都唔係話好勤力，因為星期日要比賽，如果唔操多課試試腳唔知到時點跑好，最主要都係見好返好多先操咋，一定唔會夾硬來~hgj091ghjghj 原帖由 大圍新跑手 於 2009-11-26 17:30 發表 https://www.longrun.hk/forum/images/common/back.gif
2009.11.20 樂施毅行者2009 - 後記及迷路事件簿
首先照例開場白都要講返d多謝既說話，雖然都係d例牌野不過絕對出自真心:
多謝壞人隊長同埋隊友仔R、馬王，冇你地我都冇呢個機會參加今次呢個活動，帶比我人生中一個 ...
大圍，睇完你既後記，相信你在好深刻和難忘的記憶。
但係，即使在比賽入面犯更嚴重或更抵鬧的錯也好，說到底你都係第一次玩，有這樣的成績，實在不錯(呢句說話我都唔係第一個講)！
所以其實唔駛過份自責，喺今次的經驗之後，出年俾心機，再黎過，正如馬王兄所講，下次無得再行錯，加油呀，我知你一定得架！ 2009.11.29 聯合國兒童基金會慈善跑2009
比賽前仲有少少感冒未清，雖然之前星期五晚操果課12K尚算理想，自信跑到PB應該冇問題，不過始終體力應該未恢復十足，穏陣計當日都帶住包GU Gel起步。
當天上線攝下攝下相對都排得幾前，起步雖然人太多都有少少塞，好彩跑左一陣已經冇咩問題，沿途又有d差唔多步速既跑手比我跟下，跑到7,8K開始感到有少少攰，於是過左9K諗住差唔多到水站食定包Gel，跑到10K時間43'39都算合格，後半程都係捱希望keep到均速返來PB一定冇問題，過左18K諗住冇保留爆返來，點知爆完1K走4'21之後即時腳軟，最後2K真係腳都提唔起改為細步密腳，離開海邊返到樂園開始不斷好多人打氣好好氣氛，而且知道會有攝影義工影相，點辛苦都執返好少少表情扮下野衝終點，過終點望到大會個計時1:34'xx，自己按錶1:34'10，總算順利PB完成。
分段時間：8'23"85 (2K)4'24"504'07"584'15"914'24"504'30"884'29"954'40"124'21"87
4'21"074'32"124'32"134'40"524'38"394'26"334'37"244'39"674'21"654'46"624'55"11 毅行友果然個個都快左:lol
