iGO uGO
iRUN uRUN
iDASH uDASH
iJOG uJOG
iCHEER uCHEER
大家一齊加油!!!
2009.8.11 跑馬地馬場 Interval Run 800m @5'30 x 8 sets
呢晚泰基衝圈，因為跑道仲維修緊所以今次都係走800m @5'30 x 8 sets 時間如下：
3'05"392'59"843'00"823'00"96
3'03"393'00"963'01"012'53"82
今次冇左靚女跑手迫住走，加上星期六操完毅行7-10段唔知自己回到幾多，第一個係唔敢開快既情形之下輕鬆完成。
跑完第一個之後感覺唔錯，第二個開始就加返快少少，最難得之後幾個都可以一路keep到個速度同體力冇咩點跌，最後一個仲有d力可以爆埋佢。
最後抖返順條氣再jog返兩個大圈，再埋拉筋先收工，沖身換衫之後同Terry去左食海南雞，$45有碟雞、有湯有菜有飯仲有杯野飲，呢日真係好滿足。ng013hgh
P.S. 今次呢課自己覺得d時間幾靚，對星期日個中興盃信心加強唔少，來緊幾日操多一兩課慢功夫keep住狀態，如冇意外到時可以做個好時間。ng033hgh
[ 本帖最後由 大圍新跑手 於 2009-8-12 11:52 編輯 ]
原帖由 大圍新跑手 於 2009-8-12 11:51 發表 https://www.longrun.hk/forum/images/common/back.gif
2009.8.11 跑馬地馬場 Interval Run 800m @5'30 x 8 sets
呢晚泰基衝圈，因為跑道仲維修緊所以今次都係走800m @5'30 x 8 sets 時間如下：
3'05"392'59"843'00"823'00"96
3'03"393'00"963'01"012'53 ...
呢排大圍兄當fit，星期日盡全力跑個靚時間啦！hjhj089hjhj
原帖由 上水馬王 於 2009-8-12 12:59 發表 https://www.longrun.hk/forum/images/common/back.gif
呢排大圍兄當fit，星期日盡全力跑個靚時間啦！hjhj089hjhj
狀態既野...話來就來，話走就走...都係順其自然好D~:lol
2009.8.13 青衣運動場 均速跑4K
為來緊星期日中興盃作最後準備，琴晚join埋堅堅、城城、wayway同埋Iris係青衣運動場跑下圈。
1) 先來慢跑2K熱身...(超慢冇計時)
2) 神腿6式踢腿約20分鐘，好耐冇咁正式做踢腿生硬左好多。
3) 主菜均速跑10圈，之前諗住用比賽速度跑試下腳，但係踢完腿覺得攰攰地，決定改為均速跑，每圈時間：
1'38"191'43"571'44"191'45"691'44"45
1'44"581'43"251'43"701'44"311'42"51
4) 慢跑1圈 cool down + 拉筋
操完呢課，星期日個比賽跑咩時間自己都心中有數，只求盡力而為，享受比賽帶來既樂趣。
沖完涼換好衫我地幾個人去左青衣城食粥，麻麻地啱食不過一齊吹下水又幾開心。
2008.8.16 中興盃-超級夏日挑戰賽(10K)
比賽前果個星期，操過一課Interval同埋4K均速，本來都覺得自己狀態唔錯，PB應該冇問題既，最後只能夠跑出46'02真係失敗!hgjD103ghjghj
果朝大約7:00去到比賽比賽場地，初時諗住有足夠時間準備同熱身，點知攞號布同存行李都搞左好耐，最後都冇咩點熱身淨係拉下筋就要上線起跑。hjhjD161hjhj
起步冇耐條路因為有少少收窄好迫人，要不時左穿右插攞位都使左d力，到見到1K既時候按一按表計時，平時比賽按完表一定睇下個時間，可能今次因為冇咩目標，原全係冇意識去睇時間，之後d人開始散跑得比較舒服，同時又發覺一路係咁比人過，當時有諗過加速追但係又怕頂唔到尾，於是都係keep住順走，跑過2,3K個牌都係冇睇時間，去到4K個牌既時間忍唔住睇一睇表......17'46，有冇搞錯仲慢過之前4K果課均速跑，加上對腳好似開始有反應出酸，之後跑得更加保守，後半程都係keep住個均速完成，過終點先睇時間.....果時自己都估唔到咁差。hjhjD167hjhj
睇返分段時間：
4'28"004'15"444'26"644'35"944'44"01
4'40"524'45"934'47"884'45"164'35"49
再次多謝沿途落力打氣同埋影相既ching ctse們，今次既表現可能令大家失望，下次我一定唔會再跑得咁hea。hjhjD134hjhj
尋日應該熱得滯，影響發揮，繼續加油呀。
圍圍~
你呢排跑咗咁多, 又要操山, 己經好叻ka la~
原帖由 炖奶佬 於 2009-8-17 15:55 發表 https://www.longrun.hk/forum/images/common/back.gif
尋日應該熱得滯，影響發揮，繼續加油呀。
其實比賽果日都唔係太熱, 跑完都唔係太攰證明冇咩點用力, 今次主要係鬥心唔夠, 不過我會繼續努力, 你都要加油~ng033hgh
原帖由 WAY_LEUNG 於 2009-8-17 23:35 發表 https://www.longrun.hk/forum/images/common/back.gif
圍圍~
你呢排跑咗咁多, 又要操山, 己經好叻ka la~
wayway:
我覺得妳仲叻, 進步咁多ngD176hgh .....我要再努力d先得, 唔係真係不進則退~ng033hgh
2009.8.17 沙田運動場 <---> 梅子林路閘口 12K
首先要再次多謝呢次約跑兼為小弟補祝生日既活動發起人catcat同vv，同埋有份幫忙及抽空出席既各位長跑網跑友們，真係好感動好開心。ng48hgh ng48hgh ng48hgh
本來諗住呢晚只係運動場慢跑同埋練習踢腿，為星期二既Interval Run作準備，不過最後忍唔住跟埋大隊走左轉梅子林。
初時果果都話只係慢跑，半程至到梅子林路口大家都真係跑得幾慢，點知一去到梅子林路口既時候，比因突然自己一個狂加速係咪衝上去，好快已經唔見左佢個身影。
另外本來全程拍住一齊跑既毅行隊友-R-兄，對呢位澳景路衝斜勇士來講，梅子林呢段斜路可以話濕濕碎，上到一半斜路後佢發覺唔對路都忍唔住加快步速一路衝上去。
去到閘口等齊人就大家一齊慢jog落斜回程，可能前半程因為實在跑得太慢，未去到梅子林路口-R-兄已經急不及待加速自己走，我見前半程都好似冇咩點用，於是拍住比因都開始加速慢慢追上去，點知-R-佢原來唔止係加少少，而係越跑越快不斷加速，追到我死下死下都係追唔到，最後差唔多到運動場-R-開始減速cool down，我同比因先可以跟返上前拍住一齊返運動場，拉埋筋收操。
2009.8.18 跑馬地馬場 Interval Run 1000m @6'30 x 6 sets
呢晚泰基衝圈，跑道基本維修好所以今次走返1000m @6'30 x 6 sets：
4'09"254'04"334'07"20
4'04"564'15"904'01"96
睇時間都幾平均，不過真係快唔到，last個果盡跑都穿唔到4分鐘，睇來如果想係泰基盃做好時間，真係要諗諗辦法操起d速度先得。ng7hgh
原帖由 瘋瘋 於 2009-8-21 14:19 發表 https://www.longrun.hk/forum/images/common/back.gif
大圍, 一齊去探險! ng10hgh
https://www.longrun.hk/forum/viewthread.php?tid=5922&extra=page%3D1
唔該瘋瘋:
時間啱使我....報咗~ngD176hgh
2009.8.22 壞人同盟-毅得操山
原定路線：麥徑3-6段 (38.1公里)
參與隊員：壞人隊長、-R-、大圍、馬王
出發時間：16:30
完成路線：麥徑3-4段 (22.9公里)
完成時間：4:30 (分段-1:50，2:40)
呢日全隊人相約於西貢碼頭集合，食過午餐一齊乘巴士往北潭凹麥徑3段起點，一切準備妥當於16:30起步出發。因為今次係自己第一次操第3段，全程都係跟住壞人隊長帶領步速前進，沿途3上3落分別經過岩頭山、雷打石山和雞公山到達水浪窩，雖然比預計時間稍慢但身體狀況尚算理想。
大家於此休息加補水大約10分鐘，我自己就食左一包power gel作補給，然後繼續行程向著麥徑另一段最艱辛路段進發。之後過程都唔係太記得，淨係知道走完3段再走4段真係好甘，途中我都唔知係咩地方隊員停低再作小休，分享一此乾糧跟運動飲品。小休大約5分鐘大家繼續行程，呢個時候唔知點解自己可能想盡快追到前面既一隊外籍行山隊，加上之後一段主要係落斜自己不自覺加快步速帶頭，埋下自己跑爆既伏線。當順利追過前面一隊外籍行山隊既同時，又遇到另一班應該都係操緊山既毅行者，從後不時傳來人聲誘使自己繼續用偏快既步速前進，當意識到自己體力急速下降而開始減慢時已經太遲，冇幾耐右大腿內側開始抽筋，即時通知隊友停底，經隊友幫忙拉筋之後繼續前進，冇幾耐卒之完成走極都好似走唔完既第4段到達基維爾營。
經過一小段馬路後再次走進大老山一段山路，向著我們期待已久既獅子亭補給站進發，但係未到補給站我雙腳已經支持唔住，再次抽起筋來，而且仲係兩隻腳....大小腿一齊抽，直頭連企都企唔到要坐下度等隊友幫手，幾經繞揚到達獅子亭士多既時候，竟然發覺已經關門，加上我已經唔可以繼續行程，於是大家決定澈退擇日重操，然後一齊行落去黃大仙食面宵野。
P.S. 今次因為小弟留放失據令大家未能完成操練，感到非常唔好意思，吸取今次經驗更加明白體力留於既重要性，下次要更加小心，繼續努力~
原帖由 kenneth 於 2009-8-24 17:19 發表 https://www.longrun.hk/forum/images/common/back.gif
大圍兄，記唔記得另一班人，是否有8個人的？當中有兩位女仕？一位男士穿渣打跑衣的？
kenneth兄:
係咁上下人數wor，當中有女任不過冇留意有幾多，果時都得返半條人命都冇心情望女.....男士著咩衫更加唔會理。:L
大圍兄呢兩日雙腿有無酸痛？
原帖由 上水馬王 於 2009-8-24 23:55 發表 https://www.longrun.hk/forum/images/common/back.gif
大圍兄呢兩日雙腿有無酸痛？
竟然又唔係太緊要wor...同之前操完山差唔多~
今晚都會去快活谷操.....到時睇吓跑唔跑到先知...哈哈~hjhjD170hjhj
原帖由 大圍新跑手 於 2009-8-25 09:41 發表 https://www.longrun.hk/forum/images/common/back.gif
今晚都會去快活谷操.....到時睇吓跑唔跑到先知...哈哈~hjhjD170hjhj
今晚又見喇!hjhjD082hjhj
